Fapea Kings 9:37 - Buka Blahi Ka Cheke Holo

³⁷ Thinigna na ginauna naga tafri jateula chara eghu pari ka glose na, mala theome tangomana kaisei naikno te cheke eghu na, ‘Igne Jesebel na.’ ”

Fapea Kings 9:37 ပူးပေါင်းရင်းမြစ်များ

Profet Jeremaea 8:2

Eghuteuna mare ginauna atha nhubra te magnahaghedi fara naiknore mala raba tafri ke kligna glose, ba ke pari naprai, glaba nei nathunu. Tifa na, mare tuturupuku soru toredi nhubra igre mala toghodi. Nu nhubra igre ginauna jateula chara eghu ke kligna glose. Eghuteuna theo kaisei naikno nate salo nhubra igre te mala giugilui na.

Profet Jeremaea 16:4

“Naikno igre ginauna lehe. Kehare ginauna lehe ka fogra biꞌo. Eghuteuna kehare ginauna mei mae naoka aknu falehe. Eghuteuna kehare ginauna lehe ka grofo. Eghuteuna theo kaisei naikno nate kokhonidi nei tanhidi teure. Eghuteuna theo kaisei naikno nate giugilui thinidire. Eghuteuna thinidi re ginauna naga tafri ke kligna glose. Aonu saroko nei khuma mata ginauna mei ghamu fahui thinidi re.”

Nodi Khoje Hatimare Mae Jiu 83:10

Iagho neke falehedi phei mae igre ka namono biꞌo Endo, eghuteuna thinidire neke boto jare.

Profet Jeremaea 36:20

Mae ofisa igre atha buka igne ka mae Baruk ne lilisei ka nogna chogho mae Elisama, mae ihei te nogna minista mae king igne. Eghuteuna mare kegra haghe ne tei filoni mae king ka vido te loku teu mana na. Eghuteuna mare ne toutonu eidi gobigna glepo igre ka mana.

Profet Jeremaea 25:33

Ka narane igne, thinidi naikno te lehere ginauna chara ka vido te gnafa ka nauthoglu igne. Eghuteuna ginauna na theo kaisei naikno nate diꞌanagnafa nei tanhi teu eidi iheire te lehe te pala te tei giugilui thinidi igre. Thono theo fara. Thinidi naikno te lehe igre ginauna na jateula chara te koko soru pari ka glose ra eghu kolho.

Profet Jeremaea 22:19

Mare ginauna korho tei thinimu iagho na jateula thinigna kaisei dongki te lehera eghu tei ke kosi namono Jerusalem mala koko soru jare.”

Profet Jeremaea 9:22

Lord ne cheke eghu ka iara, “Thinidi naikno te lehehire ginauna naga tafri jateula chara, ba jateula kharaꞌo wit te theo ihei nga te tei pala ka nagare ra eghu.”

Eklesiasti 6:3

Jame kaisei mae nakarhagna na fabrahu fara, eghuteuna mana au kmana thugna. Nu jame te theome glealeꞌa kolho mana ka nakarhagna na, ke leghu thugnare theome famane bebekuni thinigna mana na ka puhi te keli. Ka gaoghathogu iara na, nakarha igne thofno diꞌa fara salaꞌuni sua te lehe ka thiꞌagna idogna na.

Josua 15:56

nei Jesrel, nei Jokdeam, nei Sanoa,

Profet Isaia 5:25

Ghotilo nogna naikno Lord, nu naugna ghotilo ne eni igne ne diꞌatagna fara mana. Mana ginauna falehe ghami ghotilo, naugna mana ne diꞌatagna fara ka ghotilo. Mana ginauna edi thogele igre mala nghali tongana, eghuteuna kmana naikno ginauna lehe, eghuteuna thinidi naikno te lehe igre ginauna na jateula chara eghu thuru tafri ka glalaba, ba leghu nabrou jateula chara eghu. Nu neuba Lord neke paradi, mana diꞌatagna fabrahu ka mare. Eghuteuna mana ginauna tarabana mala ke paradi ngala mare.

Profet Jeremaea 8:1

“ ‘Lord ne cheke eghu: Ka narane igne hatimare mae naokare ginauna tei ka bekudi naikno te lehere mala atha fajifla nhubradi hatimare mae king nei hatimare mae biꞌo, nei hatimare mae pris, nei hatimare mae profet, nei keha naiknodi Jerusalem.

Nodi Khoje Hatimare Mae Jiu 83:11

Ro'edi sagho mae iheire te baubatu ka mae naoka igre mala jateula teke eni iagho ka phei mae funeidi Oreb ghe Seheb ra eghu. Tapla faparidi sagho hatimare mae king te gnafa are mala jateula teke eni iagho ka phia mae king ra eghu, mae Seba ghe mae Salmuna.