Fapea Kings 9:32 - Buka Blahi Ka Cheke Holo

³² Mae Jehu filo haghe ne eha eghu fabiꞌo, “Ihei te phile ka iara na? Ihei?” Aonu phei ba thiloi mae gloku ka sugagna king na ne filo soru ka wida na.

Fapea Kings 9:32 ပူးပေါင်းရင်းမြစ်များ

Mae Khuru 12:20

Kate au teu jare na, mae Herod neke diꞌatagna fara ka naiknodi phei namono biꞌo Taea nei Sidon. Aonu mae biꞌodi phei namono tuare ne loku fodu mala tei filoni mae King Herod. Ulu lahu na mare ne kulu famaemaheni mae Blastus, mae ihei te mae biꞌo ka nogna tothoghei mae gloku mae Herod re mala toghodi mana. Ke leghugna igne mare mei ne toreni u pharikeli na ka mae Herod, naugna funu tifa te mei na mare jare ka namono te funei frunini mae Herod tuana te mala foli gano koba na.

Nodi Khoje Hatimare Mae Jiu 118:6

Iara ginauna theome mhaghu naugna Lord na au balugu iara. Naiknore theome tangomana te eni kaisei glepo te diꞌa te mala goigoni ghau iara na.

Nogna Buka Esta 2:21

Kate loku mae Modikae ranghini king Sekses igne, phia mae ne diꞌatadi ka king. Aonu phia mare ne ghaoghaho mala faleheni mana. Nanghadi phia mae igre, mae Biktana ghe mae Teres. Phia mae igre nodi gloku na mala reireghi grengatha gna nogna chogho king.

Nogna Buka Esta 2:15

Ka fabotho nhigra te kiloni mare Tebet, ka fafitu finogha te funei king Sekses igne, mare hatani Esta ne tei au balugna mana kaisei bongi thongana. Esta gne kaisei famane gaꞌase fara, eghuteuna naikno te filoni naꞌa re keli tadi fara ka naꞌa. Ka narane igne, naꞌa ne pipichi pohe teke chekedi mae Hegae ka naꞌa re.

Nogna Buka Esta 1:10

Ka fafitu narane na, king Sekses ne thofno keli tagna fara, naugna mana ne koꞌu waen ne salaꞌui. Aonu mana ne kilo meidi fitu nogna mae gloku igre: mae Mehuman, mae Bista, mae Habona, mae Bikta, mae Abakta, mae Seta nei mae Kakas.

Fapea Kronikols 11:12

Ka puhi igne, mana edi namono igre ne thofno rheta fara, mala tangomana te reireghi fakelidi phei nodi nohi Juda ghe Benjamin.

Ululahu Kronikols 12:18

Eghuteuna tharunga gna God na ne mei ka mae Amasae mae ihei te lida ka tolufulu soldia te nheta igre ne eha eghu fabiꞌo, “Devet, thugna mae Jesi! Ghehati nou iagho gognaro na! Iagho ginauna tangomana nate uludi magra re. Iara toreni God mala tusu ranghi nigho iagho nei iheire te au balumu nogna nolaghi nei pharikeli.” Aonu mae Devet ne kelitagna fara ka mare, eghuteuna mana ne vahidi mare mala batudi tothoghei soldia teke tei blau glepo ka nodi namono mae naoka re.

Eksodas 32:26

Aonu mana tei ne kegra ka grengatha gna vido aheva te au teu mare na ne eha eghu fabiꞌo ka mare, “Ghotilo te gnafa te nogna Lord ra mei agne balugu iara!” Aonu vikegna Livae mei ne khapru faligohoni mana.

Fapea Kings 9:7

Iagho mala roꞌeni nou King Joram, nei iheire te gnafa ka vikegna mae Ehab, naugna tifa na Kuin Jesebel neke aknu falehedi mae profet nei keha nogu mae gloku iara ra. Ka puhi igne, iara ginauna nake tughu fapulo puhigna naꞌa te diꞌa ra.

Fapea Kings 9:31

Kate ruma mei mae Jehu ka grengatha gna namono na, Jesebel ne eha eghu ka mana, “Iagho jateula mae Simri eghu! Iagho mae mala faleheni nou funei na! Naugna unha site mei iagho agne gnea? Iara lase nigho iagho theome magnahaghei te au ka pharikeli!”

Fapea Kings 9:33

Aonu mae Jehu ne eha eghu ka mare, “Ghotilo koko soru mei pari agne naikno biꞌo tuana!” Aonu mare tei ne lolhoku ne koko soruni naꞌa pari ka glose na, eghuteuna dadara gna naꞌa re ne sridi tafri ka gringni gna suga na, nei jaola ka hose nei chariot eghu te saghe mae Jehu te tei ke kligna gna thinigna naꞌa na.

Nodi Khoje Hatimare Mae Jiu 94:16

God ngala te togho ghau iara na, nei kaisei phile ka iara mala magridi naikno te diꞌare teuna.