Fapea Kings 9:28 - Buka Blahi Ka Cheke Holo

²⁸ Nogna mae biꞌo mana re hata thinigna mana na ka nogna chariot na neke pulo Jerusalem mala ke giugiluni mana ka bekudi mae kuꞌegna ra ka nogna namono biꞌo King Devet.

Fapea Kings 9:28 ပူးပေါင်းရင်းမြစ်များ

Fapea Kronikols 35:24

Aonu mare hata fajiflani mana ka nogna chariot mala magra na ne nhaꞌa laoni ka keha nogna chariot na. Aonu mare hata fapuloni mana neke figri Jerusalem ne lehe jare. Mare giugiluni mana ka bekudi kuꞌegna ra. Eghuteuna naiknodi Jerusalem nei Juda teu igre diꞌanagnafa ne tanhi fabiꞌo.

Fapea Kings 23:30

Nogna mae gloku re hata thinigna mae Josia na ka chariot funu Megido ne posa Jerusalem ne giugilu ka nogna beku thegna na. Eghuteuna naiknodi Juda igre ne vahini mae Jehoahas, mae thugna mae Josia na ne tofa oel ka phaꞌugna na mala king tughuni mae kmagna na.

Fapea Kronikols 25:28

Eghuteuna mare hata thinigna mana na ka hose neke pulo Jerusalem. Mare ne giugiluni mana ka bekudi hatimare mae king ka nogna Namono biꞌo King Devet.

Fapea Kings 23:20

Mana ne aknu falehe mae pris te loku ka vido blahi igre. Eghuteuna mana ne gnubra nhubradi mae igre ka olta igre. Ke leghudi igre mana neke figri Jerusalem.

Fapea Kronikols 22:9

Mana ne hironi King Ahasaea, eghuteuna keha mae teke mei balugna mae Jehu igre ne hironi mana ne ghilei tei filoni mana Samaria. Mare hatani mana ne mei ka mae Jehu. Eghuteuna mare ne faleheni mae Ahasaea ne giugiluni mana ka puhi te keli, naugna mare ghatho tahuni kuꞌegna mana King Jehosafat mae ihei teke fariuriu fara te mala eni unha te magnahagheni Lord. Eghume theo kaisei ka vikegna King Ahasaea ka mae iheire te karha teu igre nate tangomana te mala king na.

Ululahu Kings 2:10

Aonu kate lehe mae Devet na, mare ne giugiluni mana Jerusalem.

Fapea Kings 8:24

Kate lehe mae Jehoram na, mare ne giugiluni mana ka bekudi mae king tifa ka namonogna King Devet. Eghuteuna mae Ahasaea thugna mana na neke king tughuni mana.