Fapea Kings 9:24 - Buka Blahi Ka Cheke Holo

²⁴ Eghuteuna mae Jehu hata nogna phaloho na ne fadi leghuni mae King Joram. Eghuteuna jata te fada mana igne tei ne kahi farihoteidi phei khekleghogna mae King Joram re ne tei suplu ka nagnafagna mana na. Eghuteuna mana khoko soru ke lamna chariot ne lehe.

Fapea Kings 9:24 ပူးပေါင်းရင်းမြစ်များ

Ululahu Kings 22:34

Nu kaisei mae soldia gna Siria ne fada tafri ka nogna phaloho na ne soru ka King Ehab. Jata igne ne soru ka khukrugna pohe te mala fanagragna jata na. Aonu king ne cheke eghu ka nogna mae draeva gna nogna chariot na, “Iara la ghoreho hila. Iagho figri chariot gne mala tei kokoni tapa magra igne!”

Ululahu Tesalonika 5:3

Kate chekeni naiknore, “Pharikeli nei nasnagla,” God ginauna ghosei roꞌedi, jateula khabru ghosei te mei ka gaꞌase te namo karha sua ia eghu. Eghuteuna naikno tuare ginauna theome rikha.

Proveb 21:30

Gaoghatho te keli, nei glalase te keli eghuteuna iagho laseni puhi te keli te mala horo glepo na teuna, igne theome naba te mala togho nigho kakatha na, jame te naoka iagho ka Lord na.

Nodi Khoje Hatimare Mae Jiu 50:22

“Ghotilo naikno te ghatho iho ghau iara ra, ghotilo fanomho fakeli ka gobigna lepo igre. Te theo ghotilo na, iara ginauna na fadidiꞌa ghami ghotilo, eghuteuna ginauna na theo kaisei mae te nabagna te mala fakarhi ghami ghotilo na.

Fapea Kings 10:4

Nu mae biꞌodi Samaria igre nomhini igne ne mhaghu nodi fara, ne cheke eghu, “Tahati gne theome naba te tei magra ka mae Jehu na. Phei mae king igre, Joram ghe mae Ahasaea ra neke theome tangomana teke uluni mana na.”

Profet Sekaraea 13:6

Eghuteuna glahu kaisei mae cheke eghu, “Nu glafidi thubu fei gagaromu iagho are, neke unha sarea?” Jame te eghuna, mana ginauna chaghi eghu, “Glafi igre iara fnera ka nodi suga mae kheragu iara.”

Ululahu Kings 19:17

Kate king mae Hasael igne, mana ginauna na aknu falehe kmana naikno. Jame keha te rikhani mana na, mae Jehu ginauna aknu falehedi mare. Eghuteuna jame keha te rikhani mae Jehu na, mae Elisa ginauna aknu falehedi mare.

Ululahu Kings 21:29

“Ba, iagho filoni King Ehab tela nhaꞌa faparini thegna gognarogne? Naugna tela nhaꞌa faparini thegna mana ke ulugu iara igne, iara ginauna theome eni kaisei puhi biꞌo mala thokeni mana kate karha teu mana na. Nu puhi biꞌo igne ginauna thokedi vikegna manare ka narane te king thugna mana na.”

Ululahu Kings 22:35

Nu magra igne raꞌe ne brana fara ka narane igne, eghuteuna king Ehab ghasa haghe ka nogna chariot na ne figri tei ka hatimare mae soldiadi Siria. Eghuteuna dadara gna manare ne thofa soru ne fodu ke lamna chariot, eghuteuna ka grafi tuna mana ne lehe.

Fapea Kings 10:9

Hamerane, mana ne tei ka grengatha igne, ne cheke eghu ka naiknore, “Ghotilo thosei mhaghu, ghotilo theome nabami te papara ka puhi igne. Iara neke eni gaoghatho igne ranghini King Joram, eghuteuna iara neke faleheni mana. Nu mae iheire teke falehedi mae igre? Theome iara kolho!