Fapea Kings 9:21 - Buka Blahi Ka Cheke Holo

²¹ Aonu King Joram ne cheke eghu, “Ghotilo tarabana nogu chariot iara ia.” Kate tarabana mare hata te mei na, King Joram ne saghe ka nogna chariot na, eghuteuna King Ahasaea jaola ne saghe ka nogna chariot na, aonu phiamare tei ne thafoni mae Jehu ka nogna vido glose mae Nabot maegna Jesrel teke lehe tifa na.

Fapea Kings 9:21 ပူးပေါင်းရင်းမြစ်များ

Fapea Kronikols 22:7

Ka narane te tei King Ahasaea te sighoni King Joram igne, Lord ne vahini narane igne mala goigoni ni mae Ahasaea. Aonu Lord ne vahini Jehu thugna mae Nimsi mala aknu falehe vikegna King Ehab. Kate au teu King Ahasaea balugna King Joram igne, phei king igre tei ne thafoni Jehu.

Profet Maeka 1:13

Ghotilo iheire te au Lakis! Ghotilo haru famaku nomi hose are tei ka chariot mala rikha. Ghotilo kaisei namono biꞌo ululahu Juda, ghotilo leghudi puhi te diꞌa te edi naiknodi Israel ke raru, nei jaola batudi naiknodi Jerusalem ka nakhibo.

Ululahu Kings 20:14

Aonu mae Ehab ne ghusna eghu ka profet, “Ihei nate magra ka mare te mala uludi mare na?” Eghuteuna Profet ne cheke eghu, “Igne unha te chekeni Lord na: ‘Hatimare mae soldia majaghani te au ke paridi hatimare mae komanda ka provins te gnafa igre nate magra na.’ ” King neke ghusna eghui, “Nu ihei nate cheke te mala fufunu magra na?” Eghuteuna profet ne cheke eghu ka mana, “Iagho ngala!”

Naba 20:14

Kate au teu mare Kades na, mae Moses ne kuru teidi keha mae mala tei cheke ka mae king gna Idom na. Mare ne cheke eghu ka mana, “Ghehati vikegna Israel gre kherami ghotilo. Eghuteuna ghotilo la lasedi hila eidi kmana puhi te thoke ghami ghehati ra.