Fapea Kings 8:5 - Buka Blahi Ka Cheke Holo

⁵ Kate toutonu teu mae Gehasi ka king eigna mae Elisa teke fakarha fapuloni mae teke lehe na, idogna mae sitei teke lehe igne mei ne toredi nogna vido glose nei nogna suga teu igre ka king. Gehasi ne cheke eghu, “King, nogu funei, igne ngala naikno biꞌo tuao, eghuteuna igne ngala mae thugna naꞌa mae ihei teke fakarha fapulo mae Elisa na!”

Fapea Kings 8:5 ပူးပေါင်းရင်းမြစ်များ

Fapea Kings 4:35

Mae Elisa kegra haghe neke nolo tafri lamna chogho, eghuteuna mana neke pulo neke thuru ke kligna gna mae sitei na. Eghuteuna mae sitei igne ne megei nga ne chihe fitu fata, aonu phei tathagnare ne thora!

Letas Teke Riso Tei Mae Pol Ka Khiloau Rom 8:31

Eghume faꞌunha eghu tahati chekedire glepo igre? Tutuani, te kafe phile God baluda tahati na, theo kaisei naikno te tangomana te tapla soru ghita na.

Eklesiasti 9:11

Keha glepo te filoni iara ka nauthoglu na igne, keha fata mae te lase chari na theome uluni fangenghele na, keha fata mae te nheta na theome uluni magra na, keha fata mae te lalase na theome autagna nakarha te keli na, keha fata mae te ghaoghatho fakeli na theome dedei, keha fata mae te lalase fara na theome fnakno nanghagna na, naugna glepo te diꞌa na kafe thoke ghita hui.

Proveb 16:9

Tahati tangomana te ghathoni unha te magnahagheni na. Nu Lord saghe leghudi puhida tahati re.

Nodi Khoje Hatimare Mae Jiu 145:1

Iara ginauna cheke thakleni nanghamu iagho na, naugna iagho ngala nogu God, nei King teu iara na. Iara ginauna na cheke fakeli nigho koba leuleghu fata.

Nogna Buka Esta 5:14

Aonu Seres baludi kheragna mana igre ne kafe cheke eghu, “Iagho na chekedi keha mae mala fakegra haghe kaisei gaju, nabagna varadaki glima mita haghegna na. Eghuteuna iagho ginauna tei hamerane nathuꞌu mala toreni king mala haru graragna mae Modikae ana mala fagefe hagheni mana ka gaju tuana. Aonu ke leghugna igne, iagho ginauna gleale'a kate tei ka gaghamu na.” Mae Haman nomhini igne ne thofno keli tagna fara. Aonu mae Haman ne chekedi nogna mae glokure ne tei jokra haghe kaisei gaju brahu mala haru graragna mae Modikae na mala fagefe haghe ka gaju tuana mala lehe mana.

Fapea Kings 6:26

Kaisei narane, king gna Israel ne nolo tafri ke kligna gna bara thina gna namono biꞌo na, eghuteuna kaisei gaꞌase mei ne tanhi eghu ka mana, “King, nogu funei! Togho ghau!”

Fapea Kings 6:12

Kaisei mae biꞌo ne cheke eghu, “King, theo kaisei mae ka ghehati te tangomana te eni nafnata puhi igne. Nu mae Elisa, mae profet gna Israel igne kolho te cheke ranghini king gna Israel gobigna lepo te magnahaghei edi tahati re. Neuba iagho ne cheke neu lamna ka nou chogho mala thuru na, mana laseni ngala.”

Ululahu Samuel 26:17

Aonu king Sol ne glani naoglagna mae Devet na ne ghusna eghu, “Devet, thuguo Devet! Naoglamu iagho site nomhini iara ignea?” Eghuteuna mae Devet ne cheke eghu, “Uve, nogu funei nei nogu king. Iara ngala.”

Thoutonu Eigna Rut 2:3

Aonu Rut ne tei ka nagare na. Naꞌa ne tei ke leghudi mae glokure ne salo phaꞌudi bali te lilisei faleghu teke tei mae glokure. Nu Rut theome laseni nagare igne te nogna nagare mae Boas, vikegna mae Elimelek teu na.

Fapea Kings 4:12

Mana ne kuruni mae Gehasi, nogna mae gloku na mala kilo meini naikno biꞌo igne. Aonu naꞌa mei ne kegra ke kosi chogho.

Fapea Kings 8:6

Eghuteuna king ne ghusnani naikno biꞌo na eigna igne, eghuteuna naꞌa ne toutonu ranghini mana. Aonu king ne lisa lao ka nogna mae biꞌo na nogna puhi naikno biꞌo igne, ne cheke eghu ka mana, “Iagho ke tusu fapulo gobigna lepo teke nogna naꞌa ra, baludi nogna sileni teke hata iagho ka gano ka nogna vido glose naꞌa tifa ra funu ka narane teke jifla naꞌa ka kantri igne te ghilei mei posa ka narane gognarogne.”

Ululahu Kings 20:1

Ben-Hadad king gna Siria igne, mana ne kafe kilo meidi nogna soldia re. Eghuteuna keha tolufulu phei king ne mei balu nodi armi mala toghoni mana, mare mei balu nodi hose nei chariot eghu mala magra. Aonu mare tei ne kegra ligohoni namono biꞌo Samaria ne magra ka naiknodi Israel.