Fapea Kings 8:4 - Buka Blahi Ka Cheke Holo

⁴ Eghuteuna ka narane tuana, king ne cheke balugna Gehasi nogna mae gloku mae Elisa. King magnahaghei te nomhidi thoutonu eidi kofubobhoi teke edi mana re.

Fapea Kings 8:4 ပူးပေါင်းရင်းမြစ်များ

Mae Khuru 24:24

Keha narane ke leghudi igre, mae Gavana Filiks ne mei balu khetogna Drusila, naꞌa kaisei thau Jiu. Mae Filiks ne kurudi keha mae mala hata meini mae Pol. Mae Filiks ghe khetogna ne fanomho ka mae Pol kate cheke eigna puhi te mala fatutuani ni mae Jisas Kraes.

Jone 9:27

Mana ne cheke eghu ka mare, “Iara la chekehi ka ghotilo sia, nu ghotilo theome fatutuanidi nogu cheke iara re neu. Mala ke faꞌunhai si ghotilo teke magnahaghei nomhini ngala gnea? Ba, ghotilo magnahaghei teke mala nogna mae fanomho la mana sia?”

Luku 23:8

Kate filoni mae Jisas na mae Herod ne gleale'a fara. Mana nomhini kmana thoutonu eigna mae Jisas. Eghuteuna mana magnahaghei te filoni mae Jisas funu tifa. Mae Herod magnahaghei te filoni mae Jisas mala edi keha kofubobhoi.

Luku 9:9

Nu mae Herod ne cheke eghu, “Mae Jone ia iara neke chekedi mare neke kukusu pha'ugna na tifa. Eghume mae ihei eghu si te nomhini iara thoutonu gna na gnea?” Eghuteuna mae Herod ne magnahaghei fara te filoni mae Jisas.

Matiu 2:8

Aonu mana ne fariuriu chaghidi mare ne cheke eghu, “Tei ghotilo mala hiro fakelini mae sua na. Eghuteuna kate filoni deni ghotilo na, ke mei fanomhi ghau iara eghu, mala tei iara pogho soru ranghini mana.”

Fapea Kings 7:10

Aonu mare neke figri ka namono biꞌo na, eghuteuna mare ne kilodi mae te reireghi gna grengatha gna namono biꞌo na ne cheke eghu, “Ghehati neke tei ka nodi namono maedi Siria ra, nu ghehati ne theome filoni kaisei mae jare, nei ghehati theome nomhini kaisei mae te cheke na. Nodi suga tapuale re au fakeliau kolho, eghuteuna hose nei dongki teure haru maku ngala.”

Fapea Kings 7:3

Ka narane igne, fati mae te au kmana thubu biꞌo te kiloi leprosi ka thinidi re au neu ke kosi grengatha gna namono biꞌo Samaria. Eghuteuna mare ne cheke eghu fari thedi, “Naugna unha si tahati te ofo teu agne nate ghilei lehe gnea?

Fapea Kings 7:1

Nu mae Elisa ne cheke eghu, “King! Fanomho mei ka nogna cheke Lord igne! Nathuꞌu jateula gognarogne teuna, praes di glima kilo flaoa re thono pari fara ka kaisei silva koen kolho, eghuteuna nabotho kilo bali na kaisei silva kolho eghu ka grengatha gna namono biꞌo Samaria!”

Fapea Kings 6:32

Aonu king gna Siria igne ne kuruni kaisei mae mala hata mei mae profet igne. Ka narane igne, mae Elisa au neu ka nogna suga na baludi hatimare mae lida gna namono biꞌo na. Eghuteuna ame posa meinga mae igne ka suga na teuna, mae Elisa ne cheke eghu ka mae lida igre, “King gne mae mala falehe naikno. Mana kuru mei niu kaisei mae mala kusu phaꞌugu iara na. Mae tuana meiu gognarona, eghume kate mei posa mana agne na, ghotilo bobotho grengatha na, thosei snakreni mala mei lamna suga. Eghuteuna king gna Israel na jaola mei au ke leghugna mana.”

Fapea Kings 6:6

Mae Elisa ne ghusna eghu, “Neke khoko aheva?” Mae profet igne ne falalase ka mae Elisa vido aheva te khoko na. Aonu mae Elisa ne kato kaisei gaju, ne koko soru ka khoꞌu na. Eghuteuna nhirama igne ne thagra haghe ne phogla.

Fapea Kings 5:14

Aonu mae Naman soru ka khoꞌu Jordan igne ne apu fitu fata leghuni unha teke chekeni mae profet Elisa na. Eghuteuna ke leghugna te apu te gnafa mana na, guligna mana na neke keli fapulo, eghuteuna thinigna mana na neke klino jateula guli sua majaghani neu.

Fapea Kings 4:12

Mana ne kuruni mae Gehasi, nogna mae gloku na mala kilo meini naikno biꞌo igne. Aonu naꞌa mei ne kegra ke kosi chogho.

Fapea Kings 2:24

Nu mae Elisa figri ne filo tutu ka mare, eghuteuna mana ne eha ka nanghagna Lord mala thokedi hoholo mae igre. Theome raugha, phei bea gaꞌasedi megei nga ne suplu mei ka namhata na ne falehedi phiatutu phei mae ka mae sitei igre.

Fapea Kings 2:14

Mana hata nogna pohe mae Elija igne ne prosa ka khoꞌu na. Eghuteuna kate prosa ka khoꞌu na, mana ne cheke eghu, “Ba, nogna God mae Elija gne au balugu iara signea?” Eghuteuna kate prosa mana ka khoꞌu na, khoꞌu na ne fnota pea ka phei vido, eghuteuna mae Elisa ne nolo ne kasa ka keha phile.

Fapea Kings 8:3

Kate gnafadi fitu finogha igre, naꞌa neke pulo mei funu Filistia, eghuteuna naꞌa tei ka king ne toredi nogna vido glose nei nogna suga teure.

Fapea Kings 4:25

Aonu repa ne tei filoni profet Elisa ka Thogele Kamel. Nu kate mei khaba teu naꞌa na, mae Elisa ne filo teinihi naꞌa ne cheke eghu ka mae Gehasi nogna mae gloku na, “Filo sagho! Naikno biꞌogna Sunem tela mei ana.