Fapea Kings 8:28 - Buka Blahi Ka Cheke Holo

²⁸ Kaisei fata, mae Ahasaea neke tei balugna King Joram gna Israel mala magra ka King Hasael gna Siria. Mare magra rhegna namono Ramot-Gilead. Ka magra igne, King Joram ne ghoreho.

Fapea Kings 8:28 ပူးပေါင်းရင်းမြစ်များ

Fapea Kronikols 22:5

Kaisei fata King Ahasaea ne leghuni nodi cheke te theome doglo nogna mae advaesa manare ne tei balugna King Joram gna Israel, thugna King Ehab mala magra ka Hasael king gna Siria. Mare magra rhegna namono Ramot-Gilead. Ka magra igne, King Joram ne ghoreho.

Fapea Kronikols 19:2

Ka narane tuana kaisei profet, nanghagna na mae Jehu thugna mae Hanan, mana tei ne thafoni King Jehosafat, ne cheke eghu ka mana, “Ba? Ka gaoghathomu iagho na, puhi doglo te tei toghoni iagho mae te diꞌa na nei fofodu balugna mae ihei te tirognani Lord na teuna? Uve, Lord na diꞌatagna fara ka iagho eigna glepo igne!

Fapea Kronikols 18:31

Aonu kate filoni King Jehosafat igne, nogna komanda king gna Siria igre gaoghathodi mare na ne king gna Israel neu nodini ne tei magra ka mana. Nu King Jehosafat ne eha fabiꞌo ka Lord, eghuteuna Lord ne toghoni mana. God brue teidi mare ne tei kokoni mana.

Fapea Kings 8:15

Nu ka keha narane na, mae Hasael hata kaisei blanket thuta ne fabobothu ka khoꞌu, eghuteuna toku tafru tathagna nei foflogna teu king re, mala lehe mana. Aonu mae Hasael neke kegra king tughuni mana mala king gna Siria.

Fapea Kings 3:7

Eghuteuna mae Joram ne fatei cheke ka King Jehosafat gna Juda, ne cheke eghu ka mana, “Gognarona mae king gna Moab gne la tirogna fanomho ka iara la theome leghu ghau iara. Eghuteuna iara magnahaghei te tei magra ka mana gognarona. Iagho tangomana te mei balugu iara na ba theo?” Eghuteuna King Jehosafat ne cheke eghu ka mana, “Iara tangomana te tei balumu iagho na. Iara tarabanau kolho te mala leghuni unha te magnahagheni iagho na. Eghuteuna nogu mae soldia nei hose teu iara igre kaikaliti fabrahu kolho te mala togho nigho iagho na.”

Ululahu Kings 22:29

King Ehab gna Israel balugna King Jehosafat gna Juda, phiamare tei ne magra ka king gna Siria ka namono Ramot-Gilead.

Ululahu Kings 19:17

Kate king mae Hasael igne, mana ginauna na aknu falehe kmana naikno. Jame keha te rikhani mana na, mae Jehu ginauna aknu falehedi mare. Eghuteuna jame keha te rikhani mae Jehu na, mae Elisa ginauna aknu falehedi mare.

Ululahu Kings 4:13

Mae Ben-Geba, mana reireghini namono biꞌo Ramot te au ka nohi Gilead. Namono igre nodi vikegna mae Jaea, thugna mae Manase. Eghuteuna mana jaola reireghini vido Agob ka rijon Basan. Nohi igne au namnosalei namono biꞌo. Namono biꞌo igre bara lithui ka thina biꞌo. Eghuteuna grengathadire bibilakhi ka aean biꞌo te horo ka bras.

Josua 21:38

Eghuteuna ka nogna vido Gad, mare khotodi fati namono baludi glose te au faligoho ka mala lilisei buluka, nei sipu nei nanigot. Ulu lahu na, namono igre Ramot jare Gilead, kaisei ka namono te mala poru igre, baludi Mahanaem,

Fapea Kings 8:29

Aonu mana figri neke pulo ka namono Jesrel. Mana ne au kmu ka namono mala ke ghaota fapulo. Ke leghu, King Ahasaea gna Juda mei ne sighoni King Joram gna Israel naugna mana neke ghoreho ka magra.

Fapea Kings 9:1

Kaisei narane, profet Elisa ne kilo meini kaisei mae profet majaghani, ne cheke eghu ka mana, “Iagho tarabana mala tei Ramot-Gilead. Eghuteuna iagho hata botol oliv oel igne.

Fapea Kings 9:14

Ka narane tuana, King Joram au neu Jesrel, naugna mana au kmu mala ke keli fapulo ke leghugna narane teke ghoreho ka magra balugna King Hasael gna Siria ka namono Ramot-Gilead. Mae Jehu ne ghaoghatho mala tei faleheni King Joram. Eghuteuna mana ne cheke eghu ka hatimare mae komanda, “Jame te kaisei gaoghatho tutuani ghotilo te togho ghau iara te mala king na, ghotilo tei toutonu nonomho igne Jesrel.”

Josua 20:8

Eghuteuna mare vavahi keha thilo namono ke maghati Khoꞌu biꞌo Jordan, nanghadi re Bese rhegna Jeriko ka namono nagou holo ka thogele ka nogna rijon Ruben, eghuteuna Ramot jare Gilead ka nogna rijon Gad, nei Golan jare Basan te au ka nogna rijon Manase.

Fapea Kings 9:16

Aonu mae Jehu saghe ka nogna chariot na ne tei Jesrel. King Joram au kmu neu Jesrel, eghuteuna King Ahasaea gna Juda mei ne sighoni mana, eghuteuna King Joram au neu ka namono igne.