Fapea Kings 8:24 - Buka Blahi Ka Cheke Holo

²⁴ Kate lehe mae Jehoram na, mare ne giugiluni mana ka bekudi mae king tifa ka namonogna King Devet. Eghuteuna mae Ahasaea thugna mana na neke king tughuni mana.

Fapea Kings 8:24 ပူးပေါင်းရင်းမြစ်များ

Fapea Kronikols 25:23

Eghuteuna King Jehoas gna Israel ne lokini King Amasaea. Aonu King Jehoas balu nogna armi na tei Jerusalem ne paꞌe soru bara thinagna namono na, funu ka Grengatha gna Efrem, tei posani Grengatha gna Kona. Vidogna bara thina te paꞌe soru mare igne jame jateula te kaisei gobi nhanasalei mita eghu.

Fapea Kronikols 22:6

Aonu mana figri neke pulo Jesrel. Eghuteuna mana tei ne au kmu neu ka namono igne mala ke keli. Ke leghugna igne, King Ahasaea gna Juda tei ne sighoni King Joram gna Israel naugna mana neke ghoreho ka magra.

Fapea Kronikols 21:17

Mare mei ne magra Juda. Aonu mare doglo ne tei ruma lamna ka nogna suga king na ne hata nogna famane gobigna lepo mana re, baludi thugna nalhaꞌu, nei khetogna teure. Nu thugna nalhaꞌu leghu lahu mae Jehoram, nanghagna na Ahasaea igne ngala te theome hata mare na.

Fapea Kronikols 21:1

King Jehosafat lehe, eghuteuna mare ne giugiluni mana ka bekudi mae king ka nogna Namono biꞌo King Devet. Eghuteuna thugna mana, mae Jehoram neke tughuni mana neke king.

Fapea Kronikols 21:20

Mae Jehoram neke tolufulu phei finogha gna neke king nga mana, eghuteuna mana neke king Jerusalem nabagna nhana finogha. Eghuteuna kate lehe mana na, theo kaisei naikno teke diꞌanagnafani mana na, theo kolho. Mare ne giugiluni mana ka Nogna Namono biꞌo King Devet, nu mare neke theome giugiluni mana ka bekudi hatimare mae king.

Ululahu Kronikols 3:11

eghuteuna mae Ahasaea na thugna mae Jehoram, eghuteuna mae Joas na thugna mae Ahasaea, eghuteuna mae Amasaea na thugna mae Joas,

Ululahu Kings 14:31

Kate lehe King Rehoboam na, mare ne giugiluni mana ka bekudi king tifa ka nogna namono biꞌo King Devet. Nanghagna idogna mana na, Nama, ka vikegna mae Amon. Aonu mae Abaeja thugna mae Rehoboam teke king tughuni mana na.

Ululahu Kings 14:20

Mae Jeroboam neke King nabagna varadaki phei finogha Israel. Eghuteuna kate lehe mae Jeroboam na, thugna mana mae Nadab igne teke king ke leghugna mana na.

Ululahu Kings 11:43

Kate lehe mana na, mare neke giugiluni mana ka nogna Namono biꞌo King Devet. Aonu thugna mana mae Rehoboam igne teke kegra king tughuni mana na.

Ululahu Kings 2:10

Aonu kate lehe mae Devet na, mare ne giugiluni mana Jerusalem.

Fapea Kings 8:23

Keha glepo teke edi king Jehoram re, mare neke rioriso soru ka Buka Eidi Glepo Teke Edi Hatimare Mae King di Juda.

Fapea Kings 10:13

Ka vido igne, mare ne thafodi keha kheragna King Ahasaea gna Juda. Mae Jehu ne ghusna eghu ka mare, “Ghotilo mae iheire sia?” Mare ne cheke eghu, “Ghehati kheragna King Ahasaea. Eghuteuna ghehati mala tei Jesrel mala sighodi tharaknagna king ra nei goro thugna Kuin Jesebel.”

Fapea Kronikols 21:7

Nu neuba, Lord theome magnahaghei te goigoni ni vikegna King Devet, naugna tifa na mana neke eni kaisei nhaꞌa cheke balugna King Devet. Te chekeni ka nhaꞌa cheke igne na, kaisei ka vikegna Devet igne te mala king fabrahu Juda, mala jateula kaisei juta eghu phae fabrahu.

Fapea Kronikols 22:1

Mae Ahasaea gne mae neke karha leghu lahu ka King Jehoram. Eghuteuna naiknodi Jerusalem gre ne vahini mana mala ke king tughuni kmagna, naugna soldia di Arab mei neke aknu falehe keha thugna King Jehoram. Aonu Ahasaea thugna King Jehoram igne neke kegra king Juda.

Fapea Kings 9:28

Nogna mae biꞌo mana re hata thinigna mana na ka nogna chariot na neke pulo Jerusalem mala ke giugiluni mana ka bekudi mae kuꞌegna ra ka nogna namono biꞌo King Devet.

Fapea Kings 14:20

Aonu mare hata thini gna mae Amasaea na neke pulo Jerusalem ka hose neke giugilu ka bekudi hatimare mae king tifa ra ka nogna namono biꞌo King Devet.

Fapea Kings 15:38

Kate lehe mana na, mare ne giugiluni mana ka bekudi mae king tifa ra ka nogna namono biꞌo King Devet. Eghuteuna mae Ehas thugna mana igne neke king tughuni mana.

Fapea Kings 16:20

Kate lehe mana na, mare neke giugilui ni mana ka bekudi hatimare mae king ka nogna namono biꞌo King Devet. Eghuteuna mae Hesekaea, thugna mana na neke king tughuni mana.