Fapea Kings 8:20 - Buka Blahi Ka Cheke Holo

²⁰ Ka narane te king mae Jehoram tuare, naiknodi Idom igre ne theome magnahagheni king gna Juda te funei frunidi. Aonu mare ne magra ka naiknodi Juda igre ne vahini kaisei nodi king thedi.

Fapea Kings 8:20 ပူးပေါင်းရင်းမြစ်များ

Ululahu Kings 22:47

Ka narane igre, kantri Idom igne theo nodi king, aonu King Jehosafat ne vahini kaisei mae biꞌo mala funei fruni ni kantri Idom.

Fapea Kings 3:9

Aonu king gna Idom igne ne hata nogna armi na ne tei baludi mae king igre. Eghuteuna thilo armi igre lithui ne tei fei namono nagou nabagna fitu narane. Nu jare na theo khoꞌu maladi mare baludi nodi hose nei kamel teu re.

Fapea Kings 8:22

Funu ka narane igne, naiknodi Idom magnahaghei te kegra sopa mala au fadelei ka naiknodi Juda. Eghuteuna mare au eghu ngala ghilei mei posa ka narane gognarogne. Eghuteuna naiknodi Libna gre jaola theome magnahagheni king gna Juda te funei frunidi re.

Fapea Kings 3:27

Aonu king gna Moab igne ne hata mae thugna teke kulu karha mala ke king tughuni teku na, ne aknu faleheni mana ke kligna bara thina gna namono biꞌo na. Mana ne gahu mae thugna na ne fafara ka nodi god na. Mae Israel gre filoni igne ne mhaghu nodi fara. Aonu mare jifla ka namono igne neke figri ka nodi kantri na.

Fapea Samuel 8:14

Mana ne lilisei kmana soldia ka vido te gnafa Idom, eghuteuna naikno te gnafa Idom igre ne au ke parigna nogna nolaghi mana. Eghuteuna ka vido te gnafa aheva te tei magra mae Devet igre, Lord toghoni mana.

Jenesis 27:40

Iagho ginauna mala magra ka naflahi malagna te tangomana iagho te tei deni gano ba vido aheva te keli te mala au na. Eghuteuna iagho ginauna mae mala loku ranghini kolho mae tahimu na. Nu kate kegra heta fabrahu iagho kate leghuni mana na, iagho ginauna na snagla nou ka mana, eghuteuna ke leghugna igne mana ginauna na theome tangomana teke funei fruni nigho iagho na eghu.”

Fapea Kings 3:26

Kate filoni King Mesa gna Moab te theome nheta hila na, mana ne hata fitu gobi soldia te lase magra ka naflahi ne jifla ne tei magra rhegna mae king gna Idom, nu soldia di Moab faꞌiho te jifla te tei na.

Ululahu Kings 22:48

King Jehosafat ne horo vaka biꞌo mala luja glepo. Eghuteuna mana ne kuru teidi nogna mae gloku re mala tei hata gol Ofia. Nu vaka igne ne tei ghorho Esion-Geba ne theome tangomana te tei thoke jare.

Fapea Kings 14:7

Nogna soldia mae Amasaea gre ne aknu falehe nabotho thogha soldia di Idom ka glogu te kiloi mare, “Glogu mala hata tahi.” Mana ne hata namono biꞌo Sela igne ka magra, eghuteuna mare kiloni namono igne Joktel, nangha igne au ngala mei thoke ka narane gognarogne.