Fapea Kings 8:13 - Buka Blahi Ka Cheke Holo

¹³ Nu mae Hasael ne cheke eghu, “Iara jateula khuma eghu kolho! Faꞌunha eghu edi iara glepo igre?” Mae Elisa ne cheke eghu, “Lord neke fakakhanahi ka iara iagho nate king gna Siria.”

Fapea Kings 8:13 ပူးပေါင်းရင်းမြစ်များ

Ululahu Samuel 17:43

Eghuteuna mana ne cheke eghu ka mae Devet, “Ghema, ne kaisei khuma iara eghu mei balu khodo sagho ia?” Aonu mana ne ehadi nogna god re mala tibrini mae Devet.

Ululahu Kings 19:15

Aonu Lord ne cheke eghu, “Iagho ke pulo mala tei ka namono nagou rhegna namono Damaskas. Kate tei iagho jare na, iagho tofa oel ka phaꞌugna mae Hasael, fablahini mana mala king gna Siria.

Fapea Samuel 9:8

Eghuteuna mae Mefiboset neke fapea pogho sorui pari ke ulugna king, ne cheke eghu, “King, iara gne thofno diꞌa fara jateula kaisei khuma tela lehehi ra eghu! Naugna unha sagho te keli ranghi ghau iara gnea?”

Matiu 7:6

“Thosei tusu lao glepo blahire ka naikno te diꞌare. Naugna mare jateula bukrei bosu te goigonidi glepo te blahi ra eghu, ba jateula bukrei khuma te mei kathi ghami ghotilo ra eghu kolho.”

Profet Maeka 2:1

Kokhoni ghami fara ghotilo iheire te edi unha gaoghatho te diꞌa kate thuru teu ka sape na! Eghuteuna hamerane na, ghotilo edi fabrahu nomi gaoghatho te diꞌa tuare, theo kaisei naikno te lhoti ghami ghotilo na.

Nodi Khoje Hatimare Mae Jiu 22:20

Hata fapulo ghau, eigna mae igre ginauna mei falehe ghau iara. Iagho togho ghau iara eigna mae igre jateula khuma eghu na mei falehe ghau iara. Iara gne ginauna theome karhahi.

Nodi Khoje Hatimare Mae Jiu 22:16

Mae te diꞌa igre mei falithui ghau iara jateula bukrei khuma te rodi mei kathi ghau iara ra eghu. Mare magnahaghei te mei kathidi khamegu nei gahegu teu iara re.

Fapea Kings 8:10

Mae Elisa ne cheke eghu, “Iagho tei cheke eghu ka mana, ‘Uve, iagho ginauna nake keli fapulou.’ Nu Lord fakakhana hi ka iara mana ginauna lehe.”

Thakle 22:15

Nu keha naiknore theome nabadi te tei lamna na. Igre naikno te leghudi puhi te chara, nei iheire te au naitu khoraphaꞌu, nei iheire te gnognoro, nei iheire te falehe naikno, nei iheire te pogho soru ka mumuju, nei iheire te lase chaichaghi fara.

Filipae 3:2

Filo fakeli ghami ghotilo ia ka naikno te diꞌa fara puhidi are. Mare heta fara ka puhi te dalha thini gne. Mare farirhiu koba igne fagaglana te leghuni puhigna God na.

Profet Jeremaea 17:9

Ihei te lase fakelini gaoghathogna naikno na? Gaoghathogna naikno na jateula kaisei fogra biꞌo te theome tangomana kaisei naikno teke famafoni ra eghu. Thiꞌagna naikno na fodu ka chaichaghi. Ihei te lase fakelini nagnafagna naikno na?

Fapea Kings 13:22

Ka narane teke king mae Jehoahas Israel igre, King Hasael gna Siria mei ne goigonidi koba mare.