Fapea Kings 8:12 - Buka Blahi Ka Cheke Holo

¹² Eghuteuna mae Hasael ne ghusna eghu, “Mae biꞌo, naugna unha site tanhi iagho gnea?” Mae Elisa ne cheke eghu, “Naugna iara laseni unha nate eni iagho ka ghehati agne Israel. Iagho ginauna gnubra nomi vido mala poru ghehati gre. Eghuteuna iagho ginauna aknu falehe nomi famane mae majaghani gre ka magra, eghuteuna iagho ginauna fada ruaruja sua gegeꞌe gre ka thina. Eghuteuna goro gaꞌase te bukla gre iagho ginauna vahe thiꞌadire.”

Fapea Kings 8:12 ပူးပေါင်းရင်းမြစ်များ

Profet Hosia 13:16

Naiknodi Samaria igre theome keli ranghi ghau iara, naugna igne mare ginauna ari deniu glehe na. Mae naokare ginauna mei mala falehedi naikno igre, eghuteuna mare ginauna koko tafri goro suare ka glalabagna namono na. Eghuteuna mare ginauna hata goro gaꞌase te buklare mala vahe pea thiꞌadire.”

Profet Nahum 3:10

Nu neuba namono biꞌo Tebes igne ne au nogna nolaghi biꞌo ngau, nogna naoka naꞌa igre na mei hata naikno gna namono igne mala sneka ka keha kantri delei. Mare na koko soru goro suare pari mala lehe ka vido te gnafa ka namono tuana. Eghuteuna mare na hata goro mae biꞌore mala haru ka chen. Mare hata ne tei goro mae biꞌo igre, mala lalahu khale mala tufa nodi naikno sneka.

Fapea Kings 15:16

Ka narane tuare, mae Menahem jifla funugna Tiasa ne mei roꞌeni namono biꞌo Tapua, baludi naikno nei namono te gnafa te au faligohoni namono biꞌo tuana, naugna mare neke theome snakreni mana te ruma mei ke lamnagna nodi namono na. Mana blau gobi lepo gna namono biꞌo Tapua igne, nei goigonidi gaꞌase te bukla re, aonu mana alha pea thiꞌadi goro gaꞌase te bukla re.

Fapea Kings 13:3

Aonu Lord ne diꞌatagna ka naiknodi Israel igre, kmana finogha mana neke snakredi mala au ke parigna nogna nolaghi King Hasael gna Siria ghe Ben-Hadad mae thugna na.

Fapea Kings 12:17

Ka narane tuana, King Hasael gna Siria tei ne magra Gat ne hata namono biꞌo tuana. Ke leghugna igne, mana ghaoghatho mala mei snura Jerusalem.

Profet Emos 1:13

Lord ne cheke eghu, “Kmana fata naiknogna kantri Amon tapla jafra ka nakhibo. Mare theome gnafa katha vido ikoi ka puhi igne. Thono theo fara. Mare magra koba mala hata keha vido glose. Eghuteuna mare vahe pea thiꞌadi goro gaꞌase te bukla ka nohi Gilead mala lehe reꞌe. Eghume, iara ginauna na roꞌeni kantri Amon.

Fapea Kings 13:7

Ka narane tuare, King Jehoahas theome au nogna kmana soldia te mala magra na, naugna mae king gna Siria igne neke goigonidi nei falehedi neku mare. Mana au glimafulu soldia kolho te mala saghe ka hose na, eghuteuna nabotho chariot, nei nabotho thogha soldia.

Profet Hosia 10:14

Eghuteuna mae naokare ginauna mei goigoni nomi namono biꞌo ghotilo te bara te maku igre. Uve, goigoni nate eni mare igne na jateula teke eni king Salman teke groꞌe namono biꞌo Bet-Abel tifa ia eghu. Ka magra igne mare neke goigonidi fara goro gaꞌase nei thudi teure neke koko tafri ka namono na.

Profet Isaia 13:18

Mae soldia igre ginauna fada falehe goro mae majaghani gna namono na ka jata. Eghuteuna mare ginauna jaola aknu falehe goro sua ikodi nei gegeꞌe teure. Uve mare theome kokhonidi kolho naiknore.

Fapea Kings 4:28

Aonu naikno biꞌo igne ne tanhi ne cheke eghu, “Funei, ka chekemu iagho kolho, God neke tusu mei sua igne ka iara. Iara neke theome toreni ka iagho. Nu iara neke cheke eghu ka iagho, ‘Thosei chaghi ghau iara.’ ”

Ululahu Kings 18:13

Jau iagho theome nomhini unha teke eni iara kate falehedi koba Kuin Jesebel nogna Profet Lord ra. Iara neke pophoru kaisei gobi Profet ke lamnadi phei gluma thina. Iara lilisei glimafului ka keha na, eghuteuna glimafului ka keha na. Eghuteuna iara fei ghedi gano nei khoꞌu eghu leuleghu narane ka mare.

Ululahu Kings 19:17

Kate king mae Hasael igne, mana ginauna na aknu falehe kmana naikno. Jame keha te rikhani mana na, mae Jehu ginauna aknu falehedi mare. Eghuteuna jame keha te rikhani mae Jehu na, mae Elisa ginauna aknu falehedi mare.

Fapea Kings 13:22

Ka narane teke king mae Jehoahas Israel igre, King Hasael gna Siria mei ne goigonidi koba mare.

Fapea Kings 12:18

Nu kate nomhini King Joas igne, mana tei ka nogna Sugablahi Lord na ne hata fajifla gobigna lepo te keli fara teke fafara King Jehosafat, nei King Joram nei King Ahasaea, thilo mae kuꞌegna mana neke fablahidi glepo igre. Mana hata fajifla glepo igre ne lilisei baludi nogna glepo thegna re. Eghuteuna mana jaola ne hata fajifla gol te gnafa teke nanhaꞌa naiknore ka Sugablahi igne, nei gol teke au ka nogna suga na. Aonu mana ne fatei glepo igre ka mae Hasael king gna Siria. Aonu king baludi nogna soldia re figri neke pulo ne theome mei Jerusalem.

Profet Hosia 14:1

Ghotilo maemi Israel, ghotilo ke figri ka Lord nomi God, naugna nakhibo te edi ghotilo are fapari ghami ghotilo.