Fapea Kings 7:9 - Buka Blahi Ka Cheke Holo

⁹ Aonu mare ne cheke eghu fari thedi, “Tahati gne la eni unha te theome doglo na! Tahati hata nonomho te keli na gognarogne, nu tahati tathaji malada theda kolho. Jame ofo meu me ghilei hamerane tahati meuna, mare ginauna para ghita tahati. Tahati na tei gognarogne mala cheke ka nogna mae biꞌo mae king ra.”

Fapea Kings 7:9 ပူးပေါင်းရင်းမြစ်များ

Profet Isaia 52:7

Thofno keli fara te filoni kaisei mae te chari te mei ka thogele ro, mana atha mei famane nonomho te keli eigna pharikeli. Mana toutonu eigna God ginauna fakarhi ghita. Mana ginauna mei Saion mala cheke eghu ka tahati, “Nomi God ghotilo na king!”

Filipae 2:4

Thosei khogla ghathoni kolho unha te magnahagheni themu na, nu te keli na, kulu ghathoni ghu unha te magnahagheni mae kheramu fofodu na.

Profet Nahum 1:15

Ghotilo naiknomi Juda! Filo ghotilo ia! Kaisei mae mala hata nonomho na la plomho mei ka thogele ro. Mana hata mei famane nonomho eigna pharikeli. Te keli na tahati mala gleale'a eidi noda narane biꞌo igre mala ke ghathodi noda nhaꞌa cheke teke eni tahati balugna Lord. Naikno te diꞌare ginauna theome tangomana nate mei hata noda namono tahati igne. Lord ginauna thofno goigonidi mare, eghuteuna theo kaisei ka mare nate karha na.

Profet Isaia 41:27

Iara Lord kolho, iara mae ulu lahu teke toutonu ranghini Saion unha glepo nate thoke mei ginauna. Lord ne cheke eghu, ‘Filo si ghotilo mare kela pulo meihi.’ Eghuteuna iara gognarona jaola kuruni kaisei mae mala hata tei nonomho te keli igne Jerusalem.

Fapea Kings 7:3

Ka narane igne, fati mae te au kmana thubu biꞌo te kiloi leprosi ka thinidi re au neu ke kosi grengatha gna namono biꞌo Samaria. Eghuteuna mare ne cheke eghu fari thedi, “Naugna unha si tahati te ofo teu agne nate ghilei lehe gnea?

Naba 32:23

“Nu jame te theome edi ghotilo na, ghotilo jateula te eni puhi te diꞌa ranghini Lord eghu. Eghuteuna ghotilo jaola thofno laseni eigna Lord te ginau para ghami ka puhi te diꞌa te edi ghotilo re.

Luku 2:10

Engel na ne cheke eghu ka mare, “Thosei mhaghu! Naugna iara hata mei keha nonomho te keli ka ghotilo. Naikno te gnafare ginauna na keli tadi fara ka nonomho igne.

Proveb 24:16

Neubane thoke mei kmana fata puhi biꞌo ka mae te keli igne, nu mae te keli igne ginauna kegra heta. Nu puhi biꞌo ginauna goigonini mae te diꞌa na.

Fapea Kings 7:6

Naugna Lord neke snakredi maedi Siria gre neke nomhini kaisei naogla te jateula naogla gna armi biꞌo balu hose nei chariot teu igne. Aonu mare ne cheke eghu fari thedi, “King gna Israel gne, mana jame neke folidi mae Hit nei king gna Ijep mala mei magri ghita tahati!”

Fapea Kings 7:8

Kate mei fati mae igre ka kaisei suga tapuale jare, mare ne ruma lamna ne filodi gobigna lepo te au teu lamna suga na. Aonu mare ghamu nei koꞌu neu, eghuteuna mare ne hata silva nei gol nei pohe eghu teke au teku ka suga tapuale igne ne pophoru. Mare jaola ne tei ruma ka keha suga tapuale na ne enila nafnata puhi igne.

Fapea Kings 7:10

Aonu mare neke figri ka namono biꞌo na, eghuteuna mare ne kilodi mae te reireghi gna grengatha gna namono biꞌo na ne cheke eghu, “Ghehati neke tei ka nodi namono maedi Siria ra, nu ghehati ne theome filoni kaisei mae jare, nei ghehati theome nomhini kaisei mae te cheke na. Nodi suga tapuale re au fakeliau kolho, eghuteuna hose nei dongki teure haru maku ngala.”

Fapea Kings 5:4

Mae Naman nomhini cheke igne, aonu mana tei ne filoni king. Mana tei ne toutonu ka mana unha teke chekeni gaꞌase igne.