Fapea Kings 7:6 - Buka Blahi Ka Cheke Holo

⁶ Naugna Lord neke snakredi maedi Siria gre neke nomhini kaisei naogla te jateula naogla gna armi biꞌo balu hose nei chariot teu igne. Aonu mare ne cheke eghu fari thedi, “King gna Israel gne, mana jame neke folidi mae Hit nei king gna Ijep mala mei magri ghita tahati!”

Fapea Kings 7:6 ပူးပေါင်းရင်းမြစ်များ

Fapea Samuel 5:24

Kate nomhini ghotilo naogla te jateula te nonolo naikno teu ke kligna gaju na, ghotilo faghosei tei magra ka mare, naugna iara ginauna tapla ulu mala magra balumi ghotilo ka maedi Filistia are.”

Profet Isaia 31:1

Kokhoni ghami fara ghotilo naikno te soru te hiro thotogho Ijep are! Ba, ginauna na togho ghami nodi hose baludi chariot nei mae soldia te saghe ka hose na are neu si ghotilo ia? Theo fara! Lord nodi God te Blahi maedi Israel, nu ghotilo theome rouronuni mana kolho ba toreni mana mala togho ghami.

Ululahu Kings 10:29

Eghuteuna mare jaola tei foli chariot mala magra Musri, naugna foligna kaisei chariot na namno gobi silva kolho, eghuteuna foligna kaisei hose na kaisei gobi glimafulu silva. Eghuteuna nogna mae bisnis mae Solomon igre mare sabiri hose nei chariot mala magra teu igre ka hatimare mae king ka vikegna mae Het, nei ka hatimare mae king di Siria.

Thakle 9:9

Mare fahaghe phoko jateula phoko mala magra teke horo ka aean eghu. Eghuteuna taitanhidi baghidire jateula naogladi kmana hose nei chariot eghu te chari te tei ka magra ra eghu.

Profet Esikiel 10:5

Eghuteuna naogla baghidi engel igre thono biꞌo fara, mala tangomana naiknore te nomhidi neubane kegra mei neu delei ka keha philegna glalaba biꞌogna Sugablahi na. Naogla igne thono biꞌo fara jateula naogla gna Lord mae ihei te au nolaghi fateote'o eghu kate cheke teu mana na.

Profet Isaia 36:9

Nu neuba, nomi armi ghotilo na glaꞌe fara, eghuteuna ghotilo theome tangomana te uluni kaisei ofisa ka nogu armi iara na. Eghuteuna neuba iagho ne rouronu Ijep te mala famei chariot, nei soldia mala magra ka hose neu, iagho ginauna theome tangomana te ulu ghau iara na.

Nodi Khoje Hatimare Mae Jiu 14:5

Nu ka narane tuana, naikno te diꞌa igre ginauna mhaghu nodi fara. Naugna God na au baludi naikno te leghuni mana re.

Thoutonu Eigna Mae Job 15:21

Lamna ka nagnafagna na, mana haimidi glepo te mhaghudi fara mana re. Eghuteuna kate ghathoni mana ne au fakeli neu kolho teuna, mae te blau igre ginauna mei goigonini mana.

Fapea Kings 19:7

Iagho thosei mhaghu! Iara ginauna figri gaoghathogna king gna Asiria na kate nomhini mana ripot igne mala ke pulo mana ka nogna kantri na. Eghuteuna mare ginauna aknu faleheni mana ka magra jare.”

Ululahu Samuel 14:15

Eghuteuna soasopai tothoghei ka nodi armi maedi Filistia igre ne mhaghu nodi fara, neuba mare ne tei magra ba au ka suga tapuale, mare ne rhana nodi fara. Eghuteuna God ne famhaghudi maedi Filistia gre ne faꞌihodi tafri.

Ululahu Samuel 26:6

Mae Devet ne ghusnadi mae Ahimelek maegna Het, ghe mae Abisae thugna mae Seruia thabusigna mae Joab, “Mae ihei ka ghopa nate mei balugu iara te mala ruma lamna ka vido te au teu mae Sol na?” Mae Abisae ne cheke eghu, “Iara na ari balumu iagho.”

Fapea Samuel 10:6

Kate laseni hatimare mae Amon igre te thofno diꞌatagna fara mae Devet eigna unha te eni mare igne, mare hata varadaki thogha soldia Aram funu Bet-Rehob nei Soba. Eghuteuna nabotho phei thogha Tob, eghuteuna hata kaisei thogha soldia Maka. Mare kafe mei ne loku fodu tarabana mala magra.

Fapea Kings 7:5

Aonu kate funu romno soru na, mare ne tei ka vido aheva te au armi gna Siria. Nu kate posa mare ka vido igne na, theo kaisei mae te au jare na.

Profet Jeremaea 46:21

Mae soldiadi keha kantri teke folidi ghotilo mala mei togho ghami teku igre jateula buluka majaghani te blokhara eghu. Kate mei naoka na, maedi Ijep igre theome tangomana te kegra heta na, naugna mare na rikha kolho. Ka narane tuana, hoholo biꞌo ginauna mei ka naiknodi Ijep. Uve, narane te mala paradi mare na ginauna mei.

Profet Esikiel 1:24

Kate flalo glepo igre, iara ne nomhidi naogladi baghidi re, naogla igre jateula naogla galo biꞌo te poha ke kligna khalaꞌe ra eghu. Eghuteuna naogla igne jateula naogladi armi biꞌo te tei ka magra ra eghu, nei jateula naoglagna God mae ihei te au nolaghi fateote'o ra eghu. Kate theome flalo na, mare lolhopo baghidire.

Jajis 7:21

Nogna soldia Gidion igre ne kegra faligohoni armigna Midian. Eghuteuna mare ne kafe ifu nodi trampet re. Eghuteuna Lord eni armigna Midian igne ne thono mhaghu nodi fara. Aonu mare eha ne rikha tafri ne hata naflahi ne falehedi kheradi thedire. Aonu mae naoka te gnafa igre eha balu mhaghu ne rikha. Mare rikha ne tei namono Serera, nu mare tei ne posa ka namono Bet-Akesia te au ka fofotagna namono Abel-Mehola rhegna namono Tabat.

Ululahu Kings 20:20

Mare ne aknu falehe ne hui soldia di Siria teke tarabana mala mei magra ka mare teku ra. Aonu hatimare mae soldia di Siria ra mhaghu ne rikha, nu mae soldia di Israel ra ne tei ke leghudi mare. Nu King Ben-Hadad ne tei ka nogna hose na ne rikha baludi keha nogna soldia te saghe ka hose.