Fapea Kings 7:4 - Buka Blahi Ka Cheke Holo

⁴ Tahati theome tangomana te tei lamna namono na, naugna tahati ginauna lehe kolho ka grofo. Eghuteuna jame au teu tahati agne na, tahati ginauna jaola lehe. Jau tahati na faghila ari kate au armi gna Siria gno mala snakre lao ghita theda ka khamedi mare. Jame te falehe ghita mare na, tahati mala lehe. Nu jame te theome falehe ghita mare na, tahati na karha.”

Fapea Kings 7:4 ပူးပေါင်းရင်းမြစ်များ

Profet Jeremaea 14:18

Jame te tei iara mata na, iara ginauna filodi iheire teke lehe ka magra ra. Eghuteuna jame te tei iara ke lamna namono na, iara na filodi naikno te lehe ka grofo ra. Hatimare mae profet nei hatimare mae pris teu igre mare toutonu eha tafri heva heva theome laseni unha te eni mare na.’ ”

Profet Jona 3:9

Jame te eghu tahati na, glahu kokhoni ghita God, eghuteuna mana ginauna na tughu gaoghathogna na theome diꞌatagna ka tahati, eghuteuna mana ginau na theome falehe ghita.”

Profet Jeremaea 8:14

Nogna naikno God te au Juda igre ginauna cheke eghu, “Naugna unha site fiti gnokro teu kolho tahati gnea? Mei ghotilo, mala rikha tei tahati ka namono te bara te lithui mare ka thina are mala lehe jare. Noda Lord God la fate ghitahi te mala lehe tahati na. Mana jateula te famei pophoji raha te mala koꞌu tahati ra eghu, naugna tahati ne tapla jafra ka nakhibo.

Nogna Buka Esta 4:16

“Iagho tei kilo fodudi naikno Jiu te gnafa te au ke lamnagna namono biꞌo Susa mala thosei ima nei koꞌu eghu nabagna thilo narane nei thilo bongi. Eghuteuna iara baludi nogu gaꞌase gloku te au balugu igre ginauna jaola na theome ima nei koꞌu eghu. Aonu ke leghudi thilo narane igre, neuba iara ne huhughuni vetula na, iara ginauna tei filoni king. Eghuteuna, neuba iara ne lehe, iara mala lehe ngala.”

Fapea Samuel 14:14

Tahati te gnafa na, tahati ginauna lehe. Eghuteuna gleheda tahati na jateula khoꞌu te thofa soru ka glose na ia kolho, eghuteuna theome tangomana kaisei naikno na teke hata fapulogna na tuia eghu. Nu God na theome tangomana te hata fadelei nakarhagna naikno na. Theo. Mana ginauna hironi kaisei nabrou eigna ihei te au khaba ka mana na mala ke pulo mei.

Hibru 9:27

Naikno te gnafare na kaisei fata lehe kolho, ke leghugna igne God ginauna fatedi mare.

Ululahu Kronikols 12:19

Kani teke loku fodu mae Devet baludi mae king di Filistia te mala tei magra ka King Sol tifa na, keha mae ka vikegna mae Manase igre magnahaghei te mei mala loku fodu ka mana. Nu king di Filistia igre ne mhaghu nodi, glahu chaghidi mae Devet na lisa laodi ka khamegna King Sol, aonu mare ne kuru fapuloni mana ka namono Siklag, mala theome eni mana kaisei glepo te mala toghodi mare na.

Fapea Kings 6:24

Ke leghudi narane tuare, King Ben-Hadad gna Siria hata nogna armi na ne tei magra ka namono biꞌo Samaria, eghuteuna mare mei ne kegra faligohoni namono biꞌo igne mala magra ka mare.

Fapea Kings 7:5

Aonu kate funu romno soru na, mare ne tei ka vido aheva te au armi gna Siria. Nu kate posa mare ka vido igne na, theo kaisei mae te au jare na.