Fapea Kings 7:17 - Buka Blahi Ka Cheke Holo

¹⁷ King ne vahini mae biꞌo te tei koba balugna na mala reireghi grengatha gna namono biꞌo na. Eghuteuna kate chari te mei naiknore mala jifla kosi teure, mare huju soruni nei tapla ke kligna gna neu mae igne ne ghilei lehe. Igne ne horoghoto fara ka unha teke chekeni mae profet Elisa kani teke tei king teke filoni mana na.

Fapea Kings 7:17 ပူးပေါင်းရင်းမြစ်များ

Fapea Kings 7:2

Kaisei mae biꞌo te tei koba balugna king na ne cheke eghu ka mae Elisa, “Iagho chaghi! Neuba Lord ne tothora maloa na ne tofa soru gano gna kligna na gognarogne meuna, foligna gano na theome tangomana nate soru na!” Mae Elisa ne cheke eghu ka mana, “Iagho ginauna filoni ka tathamu themu na glepo igne, nu iagho ginauna na theome ghamuni kaisei glepo ka gano igre.”

Fapea Kings 6:32

Aonu king gna Siria igne ne kuruni kaisei mae mala hata mei mae profet igne. Ka narane igne, mae Elisa au neu ka nogna suga na baludi hatimare mae lida gna namono biꞌo na. Eghuteuna ame posa meinga mae igne ka suga na teuna, mae Elisa ne cheke eghu ka mae lida igre, “King gne mae mala falehe naikno. Mana kuru mei niu kaisei mae mala kusu phaꞌugu iara na. Mae tuana meiu gognarona, eghume kate mei posa mana agne na, ghotilo bobotho grengatha na, thosei snakreni mala mei lamna suga. Eghuteuna king gna Israel na jaola mei au ke leghugna mana.”

Hibru 10:29

Te eghu na, unha nate eni God ranghini mae ihei te filo soruni Thugna God na? Unha nate eni God ranghini mae ihei te filo soruni dadaragna mae Kraes teke horoghoto ka nogna nhaꞌa cheke God na ngala nate fagaeni mana ka nakhibo na? Unha nate eni God ranghini mae ihei te filo soruni mae Tharunga te Blahi te falalase nogna namha na ka mana? Mae igne nabagna na mala au papara fara!

Profet Maeka 7:10

Ka narane tuana, naokare ginauna filodi glepo igre, eghuteuna mare ginauna mamaja fara. Mare mamaja naugna tifa na, mare neke maꞌe eghu ghita, “Ahevau Lord na, nomi God ghotilo ia?” Ghotilo ginauna filoni Lord na uludi nei tapla ka mare, jateula mae ihei te nolo ka nabrou ke lamna chopu ra eghu.

Profet Isaia 25:10

Lord ginauna doadofrani nei reireghini eghu Thogele blahi Saion. Nu mana ginauna na tapla ke klignadi naiknodi Moab, jateula buluka te tapla ke klignadi buburu eghuteuna buburu igre chakhi ka charagna thegnare lamna chopu ra eghu.

Fapea Kings 9:33

Aonu mae Jehu ne eha eghu ka mare, “Ghotilo koko soru mei pari agne naikno biꞌo tuana!” Aonu mare tei ne lolhoku ne koko soruni naꞌa pari ka glose na, eghuteuna dadara gna naꞌa re ne sridi tafri ka gringni gna suga na, nei jaola ka hose nei chariot eghu te saghe mae Jehu te tei ke kligna gna thinigna naꞌa na.

Fapea Kings 5:18

Nu toreni Lord mala hata fadelei nakhibogu iara. Kate tei tarai nogu king iara gne ka nogna Sugablahi god Rimon igne, iara ginauna toghoni king mala nolo balugna mana. Eghuteuna jame te pogho soru iara balugna king ke lamnagna nogna Sugablahi Rimon igne na, snakreni Lord mala hata fadelei nakhibogu iara gre.”