Fapea Kings 6:8 - Buka Blahi Ka Cheke Holo

⁸ Kaisei narane, king gna Siria mei ne magra ka maedi Israel. Leuleghu fata na mana faidu koba baludi nogna mae ofisa re, “Tahati na tei au ka kaisei vido jare Israel.”

Fapea Kings 6:8 ပူးပေါင်းရင်းမြစ်များ

Profet Isaia 8:10

Ghotilo tangomana te salofodu mala roghe poru te mala eni unha te magnahagheni ghotilo na. Nu ginauna na theo nafugna kolho, naugna God na au balumi ghehati.

Proveb 21:30

Gaoghatho te keli, nei glalase te keli eghuteuna iagho laseni puhi te keli te mala horo glepo na teuna, igne theome naba te mala togho nigho kakatha na, jame te naoka iagho ka Lord na.

Proveb 20:18

Kulu hata gaoghatho te keli ka keha naiknore, eghuteuna nou gloku iagho na ginauna keli fara. Jame te magnahaghei te tei magridi mae naokare teuna, iagho kulu hata ghaoghatho fakeli.

Fapea Kings 6:24

Ke leghudi narane tuare, King Ben-Hadad gna Siria hata nogna armi na ne tei magra ka namono biꞌo Samaria, eghuteuna mare mei ne kegra faligohoni namono biꞌo igne mala magra ka mare.

Ululahu Kings 22:31

King gna Siria igne ne cheke eghu ka nogna tolufulu phei mae komanda te magra ka hose. “Ghotilo tei magra kolho ka king gna Israel!”

Ululahu Kings 20:34

King Ben-Hadad ne cheke eghu ka mana, “Iara nake tusu fapulo ka iagho namono biꞌo teke hata mae mama ka mae kmamu iagho tifa ra. Iagho tangomana te eꞌei bisnis Damaskas jateula teke eni mae mama Samaria tifa ia eghu.” King Ehab ne cheke eghu, “Jame te cheke tutuani iagho ka igne na, iara ginauna snakre nigho iagho mala tei ka nasnagla.” Aonu phei mae king igre ne nhaꞌa cheke pharikeli, eghuteuna mae Ehab snakreni mae Ben-Hadad ne tei ka nasnagla.

Ululahu Kings 20:23

Ke leghugna igne, hatimare nogna mae biꞌo King Ben-Hadad igre ne cheke eghu ka mana, “Nodi god naiknodi Israel na, god gna thogele kolho, naugna igne te ulu ghita tahati mare na. Nu jame te tei magra tahati ka mare ka sare na, tahati ginauna tangomana te uludi mare na.

Ululahu Kings 20:1

Ben-Hadad king gna Siria igne, mana ne kafe kilo meidi nogna soldia re. Eghuteuna keha tolufulu phei king ne mei balu nodi armi mala toghoni mana, mare mei balu nodi hose nei chariot eghu mala magra. Aonu mare tei ne kegra ligohoni namono biꞌo Samaria ne magra ka naiknodi Israel.

Fapea Kings 6:7

Eghuteuna mae Elisa ne cheke eghu ka mana, “Hata sagho.” Aonu mana pogho soru ne hata nhirama igne.

Fapea Kings 6:9

Nu leuleghu fata na mae Elisa, nogna mae profet God igne laseni vido aheva te magnahaghei tei au mae Siria igre. Aonu mana ne fatei cheke ka king gna Israel mala thosei tei namo ka vido igne.

Ululahu Kings 22:1

Nabagna thilo finogha Israel ghe Siria ne au ka pharikeli, theo kaisei magra ka phei kantri igre.