Fapea Kings 6:6 - Buka Blahi Ka Cheke Holo

⁶ Mae Elisa ne ghusna eghu, “Neke khoko aheva?” Mae profet igne ne falalase ka mae Elisa vido aheva te khoko na. Aonu mae Elisa ne kato kaisei gaju, ne koko soru ka khoꞌu na. Eghuteuna nhirama igne ne thagra haghe ne phogla.

Fapea Kings 6:6 ပူးပေါင်းရင်းမြစ်များ

Fapea Kings 2:21

Eghuteuna mana tei ka glokha na ne tofa lao solt igne ka khoꞌu na. Aonu mana ne cheke eghu ka mare, “Lord na ne cheke eghu, ‘Iara Lord, iara eni khoꞌu igne mala ke keli fapulo. Eghuteuna ginauna na theo kaisei naikno nate lehe ka khoꞌu igne na, eghuteuna theo kaisei gano nate lehe ka glose igne na.’ ”

Fapea Kings 4:41

Aonu mae Elisa ne cheke eghu ka mae te kuki gre, “Ghotilo hata mei keha flaoa.” Aonu mae Elisa hata flaoa igne ne tofa lao ka susupu na. Eghuteuna mana ne cheke eghu ka nogna mae glokure, “Ghotilo krisu ka tapera susupu ana mala ke ghamu hatimare mae profet ra.” Eghuteuna kate ghamu mare na, susupu igne neke theome raha ka mare.

Eksodas 15:25

Aonu mae Moses ne tarai heta ka Lord ne cheke eghu, “Lord, togho ghau iara!” Lord ne falalase ka mae Moses kaisei phugra gaju ikoi. Mae Moses ne atha haghe phugra gaju ikoi tuana ne koko lao ka khoꞌu te raha na. Eghuteuna khoꞌu na neke keli neke naba mala teke koꞌu na. Ka vido igne God ne tusu ranghidi hatimare mae Israel keha vetula nei fariuriudi mare jare mala laseni glahula me leghuni Mana gu theo ghu teu naiknore.

Fapea Kings 6:5

Kaisei mae ka mae profet igre ne kato kaisei gaju, eghuteuna kheꞌigna nogna nhirama mana igne snamhu ka gajugna na ne tei khoko lamna khoꞌu. Aonu mana ne eha eghu ka mae Elisa, “Mae biꞌo, nhirama igne nogna kaisei mae ngau!”

Fapea Kings 6:7

Eghuteuna mae Elisa ne cheke eghu ka mana, “Hata sagho.” Aonu mana pogho soru ne hata nhirama igne.