Fapea Kings 6:32 - Buka Blahi Ka Cheke Holo32 Aonu king gna Siria igne ne kuruni kaisei mae mala hata mei mae profet igne. Ka narane igne, mae Elisa au neu ka nogna suga na baludi hatimare mae lida gna namono biꞌo na. Eghuteuna ame posa meinga mae igne ka suga na teuna, mae Elisa ne cheke eghu ka mae lida igre, “King gne mae mala falehe naikno. Mana kuru mei niu kaisei mae mala kusu phaꞌugu iara na. Mae tuana meiu gognarona, eghume kate mei posa mana agne na, ghotilo bobotho grengatha na, thosei snakreni mala mei lamna suga. Eghuteuna king gna Israel na jaola mei au ke leghugna mana.” အခန်းကိုကြည့်ပါ။ |
Kate aknu falehe te gnafa Kuin Jesebel nogna profet Lord igre na, mae Obadaea ne hata kaisei gobi mae profet te karha teure ne tei pophoru ke lamnadi phei gluma thina. Mana tufa mae profet igre ne glimafulu mae ka keha na, eghuteuna glimafulu mae ka keha na neu. Eghuteuna mana ne faghamudi nei fakoꞌudi neu koba mae profet igre leuleghu narane.
Mae Jisas ne cheke eghu ka mare, “Tei si ghotilo cheke eghu ka mae Herod mae ihei te lase saosagro fara jateula khuma fakaukathu teu tuana! ‘Gognaro ba nathuꞌu iara na bruedi naiture eghuteuna nake fakarha fapulodi naikno te fogra re. Eghuteuna ka fatilo narane na, iara ginauna na gnafa ka nogu gloku na.’
Kaisei mae biꞌo ne cheke eghu, “King, theo kaisei mae ka ghehati te tangomana te eni nafnata puhi igne. Nu mae Elisa, mae profet gna Israel igne kolho te cheke ranghini king gna Israel gobigna lepo te magnahaghei edi tahati re. Neuba iagho ne cheke neu lamna ka nou chogho mala thuru na, mana laseni ngala.”
Aonu mare hata ne mei phei mae te mala cheke chaichaghi igre ne gnokro rhegna mana, eghuteuna phiamare ne funu cheke chaghi eigna mana ke uludi hatimare mae biꞌo, ne cheke eghu, “Mae igne cheke faparini God nei jaola cheke faparini king.” Aonu mare hatani mae Nebot ne tei ke kosi namono biꞌo ne fada faleheni mana ka thina.
Nu mae Elisa ne cheke eghu ka mana, “Ghema, thosei chaghi. Ne theome filo nigho iara neu sagho ia? Tharungagu iara na au neku balumu iagho jare neke filoni mana teke krofu sukha ka nogna chariot na teke mei teke thafo nigho iagho ia. Theome doglo te hata pohe, ba sileni, ba nagare oliv, ba nagare grep, ba sipu, ba buluka, ba mae gloku, ba gaꞌase gloku teu iagho na.
King ne vahini mae biꞌo te tei koba balugna na mala reireghi grengatha gna namono biꞌo na. Eghuteuna kate chari te mei naiknore mala jifla kosi teure, mare huju soruni nei tapla ke kligna gna neu mae igne ne ghilei lehe. Igne ne horoghoto fara ka unha teke chekeni mae profet Elisa kani teke tei king teke filoni mana na.
King Sedekaea fasosoloni profet Jeremaea jare, naugna mana ne toutonuni fabrahu ni chekegna God. King ne cheke eghu ka mae Jeremaea, “Naugna unha sagho te cheke fadiꞌa ghau iara gnea? Igne nafnata cheke te eni iagho na, ‘Igne unha te chekeni Lord na: Iara ginauna lisa lao namono igne ka khame gna king gna Babilonia.