Fapea Kings 6:17 - Buka Blahi Ka Cheke Holo

¹⁷ Eghuteuna mana ne tarai eghu, “Lord, tothora tathagna mana re mala filoni mana nou nolaghi iagho na.” Aonu Lord ne tothora tathagna mae gloku igne. Mana ne filoni thogele te au phiamare igne ne fodu ka hose nei chariot eghu ne jateula khaꞌaghi neu filodire. Mare ikotongana faligohoni mae Elisa.

Fapea Kings 6:17 ပူးပေါင်းရင်းမြစ်များ

Nodi Khoje Hatimare Mae Jiu 68:17

Noda Lord na neke jifla mei ka Thogele Sanai neke mei au ka nogna suga te blahi na. Mana neke mei balu nogna soldia nei kmana thogha chariot mala magra.

Nodi Khoje Hatimare Mae Jiu 34:7

Nogna engel Lord na, tangomana te reireghidi iheire te ghatho tahuni mana re, nei atha fadelei ranghidi u puhi te au tadire.

Fapea Kings 2:11

Phiamare toutonu nolo ne tei. Aonu kaisei khaꞌaghi te jateula chariot mala magra te korho ka hose ra teuna ne mei salaꞌu farihoteidi phiamare. Eghuteuna ka vido tuanala, kaisei seseuru ne mei hatani mae profet Elija ne haghe kligna.

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.

Mae Khuru 26:18

Iara na kuru tei nigho mala tothora tathadi iheire te au kate romno mala filoni mare u thofno naphaegna God. Uve, iara na kuru nigho mala jifla kokoni mare nogna nolaghi mae Satan mala ke pulo ka God. Eghuteuna te fatutuani ghau iara mare na, God ginauna hata fadelei nakhibodire. Eghuteuna mare ginauna na kaisei ngala baludi naikno teke kulu vavahi God re.’

Matiu 26:53

Tutuani fara iagho lasenihi igne. Iara tangomana te toreni mae Mama te mala kuru mei kmana thogha engel te mala togho ghau iara na.

Profet Isaia 42:7

Iagho ginauna nake fakelidi tathadi iheire te dofu mala ke fifilo fakeli, eghuteuna toghodi iheire te au ka suga sosolo te romno mala jifla mei ka nasnagla.

Nodi Khoje Hatimare Mae Jiu 119:18

Fasnaglini nagnafagu gne mala filo glanidi iara thofno chekemu iagho te au ka vetula na igre.

Thakle 19:14

Hatimare mae soldia di klignare mare saghe ka hose vegha na tei ke leghugna mana, eghuteuna mare ne pipichi famane pohe te vegha nei siasigla fara eghu.

Efesus 1:18

Iara toreni noda God mala tusu ari glalase te biꞌo. Glalase igne ginauna togho ghami ghotilo mala filo glanini unha teke kilo ghita God na. Jaola glalase igne mala togho ghami ghotilo te mala filo glanini thofno glepo keli te gnafa teke nhaꞌa cheke ranghidi nogna naiknore.

Profet Sekaraea 1:8

Ka bongi, iara ne filoni kaisei mifi. Ka mifi igne iara ne filoni kaisei engel nogna Lord ne gnokro ka hose ukru te kegra ke paridi gaju ikoi te kiloni mare matel ka kaisei glogu ikoi. Ke leghugna mana keha mae gnokro ke kligna hose te ukru, nei hose te via, nei hose te vegha.

Nodi Khoje Hatimare Mae Jiu 91:11

Lord ginauna kuru meidi nogna tothoghei engel re mala reireghi nigho, nei mala baubatu nigho eghu ka vido aheva te tei iagho na.

Thakle 19:11

Aonu iara ne filoni maloa na ne thora, eghuteuna iara ne filoni kaisei hose vegha. Mae te saghe ka hose na nanghagna na, “Mae ihei te eni fakeli nogna gloku na, nei nogna cheke na doglo fabrahu.” Kate fatedi naiknore nei kate tei ka magra teuna, puhigna mana na jaola doglo fara kolho.

Nodi Khoje Hatimare Mae Jiu 104:3

Eghuteuna iagho neke hohoro nou suga na ka maloa. Iagho neke eꞌei grokho na mala jateula nou chariot eghu, mala saghe kate gaghafa teu nuri na.

Nodi Khoje Hatimare Mae Jiu 91:15

Kate kilo mei mare ka iara na, iara na cheke tughu ka mare. Nei iara ginauna au baludi kate thoke mei puhi ka mare na. Uve, iara na atha fajifladi ka puhi nei tusu ranghidi nafnakno.

Thakle 3:7

Mae igne neke cheke eghu ka iara, “Iagho rioriso tei kaisei letas ranghini engel gna khiloau Filadelfia, eghuteuna iagho cheke eghu ka mana: Igre nogu cheke iara mae ihei te blahi nei taji fabrahuni teu nogu nhaꞌa cheke na. Iara au nolaghi te mala funei frunidi naiknore jateula mae King Devet tifa ia eghu. Tutuani iara au nolaghi te mala chekeni ihei te ruma haghe ka nogna nauthoglu majaghani God na, nei ihei nate theome ruma haghe jare na. Jateula iara te au kaisei ki ka khamegu na te mala tothora grengatha na ranghidi kehare nei bobotho ranghidi kehare teuna.

Jenesis 21:19

Aonu God ne falalase ka Hega kaisei khoꞌu seu. Naꞌa tei ne toho fafodu duku guli na ka khoꞌu ne fakoꞌuni thugna na.

Jenesis 32:1

Mae Jekop jaola ne jifla ne tei balugna nogna vike na, eghuteuna nogna engel God re ne mei ne thafoni mana.

Nodi Khoje Hatimare Mae Jiu 104:4

Iagho eꞌei nuri na mala jateula nou engel eghu te mala athadi nou chekere, nei eꞌei fila na mala jateula nou mae gloku eghu.

Profet Daniel 10:7

Ka narane igne, kmana naikno au balugu iara, nu iara thegu kolho te filoni mifi igne. Neuba mare ne theome filoni mifi igne, mare ne mhaghu nodi fara rikha ne tei poru.

Jenesis 32:2

Kate filodi mare na mana ne cheke eghu, “Igne nogna tothoghei soldia God!” Aonu mae Jekop ne kiloni namono igne Mahanaem. Nangha igne gaoghathogna na “Phei namono” eghu.

Jenesis 32:3

Mae Jekop ne kurudi keha mae mala kulu tei ka kantri Seia, keha nanghagna na Idom, mala hata cheke tei ka mae Iso, mae ke biꞌogna na.

Naba 22:31

Aonu Lord ne snakreni mae Balam mala filoni engel te kegra teu jare te loku naflahi mala magra teuna. Kate filoni mana engel na mae Balam pogho soru ne ghilei thoke phaꞌugna na ka glose pari.

Nodi Khoje Hatimare Mae Jiu 125:2

Eghume funu gognaro na Lord na toghodi fabrahu nogna naiknore, jateula bukrei thogele te kegra faligohoni Jerusalem are eghu. Thogele igre faligohoni Jerusalem fabrahu.