Fapea Kings 6:15 - Buka Blahi Ka Cheke Holo

¹⁵ Hamerane boibongi, nogna mae gloku mae Elisa igne ne dofra haghe ne jifla kosi. Aonu nogna mae gloku Elisa na ne filodi nodi armi mae Siria balu hose nei chariot, mare mei ne kegra ligohoni namono igne. Aonu mana figri ka mae Elisa ne cheke eghu ka mana, “Tore, mae funei! Maedi Siria gre la mei kegra faligoho ghitahi. Unha nate eni tahati ginauna?”

Fapea Kings 6:15 ပူးပေါင်းရင်းမြစ်များ

Matiu 8:26

Ka vido tuana mae Jisas ne cheke eghu ka mare, “Thosei mhaghu, theo kaisei nafugna te mhaghu ghotilo na! Ghotilo theome biꞌo kolho nomi fatutuani na ka God.” Mana kegra haghe ne cheke eghu faheta ka nuri na, “Beata sagho!” Eghuteuna ke jaola ka galore mala sola. Ka vido tuana nhorora na ne lehe soru ne beata fara.

Fapea Kronikols 20:12

Nomi God, paradi sagho mare. Ghehati theome nheta te mala magra ka armi biꞌo te mei magra ka ghehati igne. Ghehati theome laseni unha nate eni na, nu ghehati filo ari ka iagho kolho te mala togho ghami na.”

Nodi Khoje Hatimare Mae Jiu 53:5

Nu mare ginauna na thono mhaghu nodi fara. Tifa na mare neke theome mhaghu nodi jateula tuana neku. Thono theo fara. God ginauna falehedi nei tofa tafridi eghu nhubradire. Mana ginauna roꞌedi naugna mana ne theome magnahaghedi.

Eksodas 24:13

Aonu mae Moses ghe mae Josua ne tarabana ne jifla ne tei, eghuteuna mae Moses ne haghe ka nogna thogele God na.

Mae Khuru 13:5

Kate tei thoke mare ka namono Salamis ka moumolu Saeprus, phiamare ruma ne toutonuni u Nonomho te Keli nogna God na ka nodi suga tharai mae Jiure. Eghuteuna ka vido tuana mae Jone Mak ne tei baludi phiamare mala toghodi ka gloku na.

Fapea Kings 6:5

Kaisei mae ka mae profet igre ne kato kaisei gaju, eghuteuna kheꞌigna nogna nhirama mana igne snamhu ka gajugna na ne tei khoko lamna khoꞌu. Aonu mana ne eha eghu ka mae Elisa, “Mae biꞌo, nhirama igne nogna kaisei mae ngau!”

Fapea Kings 5:27

Naugna te eni iagho igne, iagho nei vikemu iagho teu igre ginauna au papara fabrahu ka khabru leprosi teke au ka thinigna mae Naman na igne.” Kate jifla mae Gehasi ka mae profet Elisa na, khabru te diꞌa igne ne kasa ka mae Gehasi, eghuteuna thinigna mana na ne thofno vegha fara.

Fapea Kings 5:20

mae Gehasi, nogna mae gloku mae Elisa igne ne ghaoghatho eghu ka nagnafagna thegna na, “Nogu mae funei iara gne snakreni mae Naman maegna Siria igne neke tei kolho. Mala unha si mana te theome hata glepo teke magnahaghei tufa mae Naman ka mana ra? Ka nanghagna Lord te karha te tifa, iara cheke tutuani fara, iara na ngolho tei ke leghugna mae Naman, eghuteuna iara ginauna hata keha glepo ka mana.”

Fapea Kings 3:11

Nu King Jehosafat ne ghusna eghu, “Theo kaisei nogna profet Lord te au agne na? Jame au teu mana agne na, tahati na tei filoni mana mala laseni gaoghathogna Lord na.” Aonu kaisei nogna komanda King Joram na ne cheke eghu, “Mae Elisa, thugna mae Safat na au agne. Tifa na mana neke loku ranghini mae profet Elija.”

Ululahu Kings 19:21

Ke leghu mae Elisa neke pulo ka nogna nagare na. Mana ne aknu falehe phei nogna buluka ra, eghuteuna mana ne koko lao ka khaꞌaghi thaba mala plao ra, eghuteuna gahu nafnahidi phei buluka igre ka khaꞌaghi. Aonu mana ne tufa nafnahi igre ka naikno gna namono na. Gnafa teuna, mana tei ne leghuni profet Elija mala toghoni mana.

Fapea Kings 6:14

Aonu king ne fatei kmana soldia balu hose nei chariot. Mare tei ne posa ka namono igne bongiro ne kegra faligohoni.

Fapea Kings 6:16

Nu mae Elisa ne cheke eghu, “Thosei mhaghu. Tutuani, mare au kmana soldia, nu tahati au tothoghei biꞌo salaꞌudi mare te mala togho ghita na.”