Fapea Kings 6:1 - Buka Blahi Ka Cheke Holo

¹ Aonu kaisei narane keha mae ka tothoghei profet igre ne cheke eghu ka mae Elisa, “Nomi suga ghehati igne, thono ikoi fara! Theome nabami ghehati.

Fapea Kings 6:1 ပူးပေါင်းရင်းမြစ်များ

Fapea Kings 2:3

Kaisei tothoghei profet na au jare Betel. Mare mei ne filoni profet Elisa, ne cheke eghu ka mana, “Gognaro na Lord ginauna hata tei nou mae funei iagho gne. Iagho laseni ngau tuana ba theo?” Mana ne cheke eghu, “Uve, iara lasenihi, nu ghotilo theome tangomana te cheke eigna igne na.”

Fapea Kings 4:1

Kaisei narane, khetogna kaisei mae ka tothoghei mae profet tifa igre mei ne tanhi eghu ka mae Elisa, “Khetogu iara na la lehehi. Iagho laseni, mana neke jateula kaisei nou mae gloku iagho neku, eghuteuna mana neke ghatho tahuni Lord. Tifa na mana neke kaoni ka kaisei mae, eghuteuna gognarona mae igne magnahaghei te mei hata phei thugu nalhaꞌu iara gre mala nogna sneka.”

Ululahu Kings 20:35

Ka narane igne, cheke gna Lord na ne mei ka kaisei mae profet te au ka kaisei tothoghei profet. Lord neke cheke ka mae profet igne mala chekeni kaisei mae mala cheke eghu mana, “Puri ghau iara sagho!” Nu mae ihei teke cheke lao mana tagna igne ne tirogna.

Ululahu Samuel 19:20

Aonu mana ne kurudi keha mae mala tei lokini mae Devet. Kate tei posa mare ka namono na, mare ne filoni kaisei tothoghei profet. Mae Samuel batudi mae profet igre ne ragi nei koje neu mala kilo fnaknoni God, naugna Tharunga gna God na ne mei ka mare. Tharunga igne jaola ne mei ka mae teke kuru tei mae Sol igre, mare jaola ne ragi nei koje neu mala kilo fnaknoni God.

Josua 19:47

Ke leghu, kate theome tangomana mare te hata nodi glose mare igre, mare tei ne magra ka naikno ka namono Laes. Mare ne uluni namono igne ka magra, mare ne aknu falehe naikno te gnafa ka namono igne, mare jaola ne hata glose te au te lithui ni namono igne. Mare ne tuthughu nanghagna nodi namono mare Laes igne ka Dan nanghagna kuꞌedi mare tifa.

Josua 17:14

Vikegna Josep igre mei ka Josua ne cheke eghu ka mana, “Gognarona, ghehati la kmana fara naugna Lord ne fablahi ghami. Eghume ghehati magnahaghei nigho iagho te snakre mei keha glosei ka ghehati.”

Thoutonu Eigna Mae Job 36:16

“God ginauna togho nigho iagho mala jifla mei ka puhi biꞌo, eghuteuna mana ginauna reireghi nigho ka namono te keli. Mana ginauna fafodu nou tevo iagho na ka famane gano te keli.

Fapea Kings 4:38

Kaisei fata, narane te theo gano na ne thoke mei ka kantri Israel. Eghuteuna naiknore ne theome naba ghedi gano. Eghuteuna ka narane igre mae Elisa neke pulo Gilgal. Kaisei narane keha mae profet mei ne thafoni mana jare, eghuteuna mare gnokro soru ne fanomho ka mana. Mana ne chekeni kaisei nogna mae gloku mala nhaꞌa lao suspen biꞌo na ka khaꞌaghi na mala gahu susupu maladi hatimare mae profet.

Fapea Kings 6:2

Te keli na iagho snakre ghami ghehati mala tei kato thaba ka geri khoꞌu Jordan mala horo keha suga na.” Eghuteuna mana ne cheke eghu ka mare, “Keliu kolho, tei si ghotilo.”

Fapea Kings 2:5

Kaisei tothoghei profet na jaola au jare Jeriko. Mare mei ne filoni mae profet Elisa, eghuteuna mare ne cheke eghu ka mana, “Gognaro na Lord ginauna hata tei nou mae funei iagho igne. Iagho laseni igne ba theo?” Eghuteuna mae Elisa ne cheke eghu, “Iara lasenihi, nu ghotilo theome tangomana te cheke eigna igne na.”

Fapea Kings 2:7

Glimafulu profet ne leghudi phiamare. Phia mare au neu ka geri khoꞌu na, eghuteuna mae profet igre ne au fakhaba neu kakatha ikoi ka khoꞌu Jordan.

Fapea Kings 2:15

Glimafulu mae profet di Jeriko ne filoni unha te eni mae Elisa ka narane igne. Eghuteuna mare ne cheke eghu, “Tore! Nolaghi te mala cheke jateula mae profet Elija teuna la meihi ka mae Elisa!” Aonu mare tei ne thafoni mana, eghuteuna mare ne pogho soru pari ka glose na ne fafnaknoni mana.