Fapea Kings 5:9 - Buka Blahi Ka Cheke Holo

⁹ Aonu king kuruni mae Naman ne tei filoni mae profet. Mana ne tei balu hose nei chariot ne tei snoto ke ulugna nogna suga mae Elisa na.

Fapea Kings 5:9 ပူးပေါင်းရင်းမြစ်များ

Profet Isaia 60:14

Thudi iheire teke para ghami fara ghotilo ra ginauna mei fafnakno ghami ghotilo, eghuteuna mare ginauna mei pogho soru pari ke ulumi ghotilo. Iheire teke filo fapari ghami ghotilo tifa ra ginauna mei tuturupuku ke ulumi ghotilo. Eghuteuna naiknore ginauna cheke eghu, ‘Tutuani fara, mare ginauna kiloni namono biꞌo Saion igne nogna namono Lord mae ihei te blahi fara, nodi God mae Israel.’

Fapea Kings 6:32

Aonu king gna Siria igne ne kuruni kaisei mae mala hata mei mae profet igne. Ka narane igne, mae Elisa au neu ka nogna suga na baludi hatimare mae lida gna namono biꞌo na. Eghuteuna ame posa meinga mae igne ka suga na teuna, mae Elisa ne cheke eghu ka mae lida igre, “King gne mae mala falehe naikno. Mana kuru mei niu kaisei mae mala kusu phaꞌugu iara na. Mae tuana meiu gognarona, eghume kate mei posa mana agne na, ghotilo bobotho grengatha na, thosei snakreni mala mei lamna suga. Eghuteuna king gna Israel na jaola mei au ke leghugna mana.”

Fapea Kings 3:12

King Jehosafat nomhini igne ne cheke eghu, “Uve, mae Elisa gne kaisei nogna mae profet tutuani Lord.” Aonu thilo mae king igre tei ne filoni mae Elisa.

Fapea Kings 5:8

Mae Elisa, nogna mae profet God igne, mana nomhini nogna cheke mae king igne ne diꞌa nagnafagna ne rerheku nogna pohe na. Aonu mae Elisa ne fatei cheke eghu ka king, “Naugna unha sagho te theome keli tamu ka puhi ignea? Iagho kuru meini mana ka iara agne, eghuteuna iara ginauna falalase ka mana te kaisei mae profet tutuani na au agne Israel.”

Fapea Kings 5:10

Eghuteuna mae Elisa kuruni nogna mae gloku na ne tei cheke eghu ka mae Naman, “Iagho tei apu fitu fata ka Khoꞌu biꞌo Jordan, eghuteuna thinimu iagho na ginauna nake keli fapulo.”