Fapea Kings 5:27 - Buka Blahi Ka Cheke Holo

²⁷ Naugna te eni iagho igne, iagho nei vikemu iagho teu igre ginauna au papara fabrahu ka khabru leprosi teke au ka thinigna mae Naman na igne.” Kate jifla mae Gehasi ka mae profet Elisa na, khabru te diꞌa igne ne kasa ka mae Gehasi, eghuteuna thinigna mana na ne thofno vegha fara.

Fapea Kings 5:27 ပူးပေါင်းရင်းမြစ်များ

Eksodas 4:6

Lord neke cheke eghu ka Moses, “Iagho nhaꞌa lao khamemu na lamna ka nou pohe na.” Aonu Moses ne leghuni unha te chekeni Lord igne ne nhaꞌa lao lamna ka nogna pohe na. Eghuteuna kate atha fajifla mana khamegna na, bakua ne thafru ka khamegna na mana na, eghuteuna khame igne ne thofno diꞌa filogna na.

Fapea Kings 15:5

Lord ne nhaꞌa lao kaisei thubu te thono diꞌa fara te kiloi leprosi ka thinigna mae king na ne ghilei lehe mana. Aonu mana tei ne au sopa thegna ka kaisei suga, eghuteuna mae Jotam thugna mana igne teke gavana ka kantri Juda.

Naba 12:10

eghuteuna gromno na jaola ne jifla kokoni Suga Thapuale te blahi na. Ke leghugna tuana, kaisei khabru te thono diꞌa fara na ne thokeni Miriam ne fadiꞌani thinigna naꞌa na, eghuteuna guligna Miriam na jaola ne vegha fara. Aonu Eron figri lao ka naꞌa ne filodi thubu ka thinigna Miriam na.

Profet Hosia 10:13

Nu ghotilo joꞌu fabrahu puhi te diꞌa na. Naugna igne sisi te diꞌa na ure ka nagnafami ghotilore. Eghuteuna ghotilo boho kolho ka nomi cheke themi te chaichaghire. Kate filodi te kmana nomi soldia re, ghotilo rouronu ka nomi nolaghi themi.

Fapea Kings 5:1

Mae Naman gne kaisei komanda ka armi gna Siria. Eghuteuna king gna Siria igne thofno magnahagheni nei keli tagnani eghu mae Naman. Naugna Lord neke toghoni mana mala tangomana armi gna Siria te uludi magra re. Mana kaisei mae soldia keli tutuani fara, nu mana au tagna kaisei fogra te diꞌa te kiloi leprosi ka thinigna na.

Fapea Samuel 3:29

Papara eigna glepo igne mala thokeni mae Joab, nei vikegna kmagna mana re eghu kolho. Puhi biꞌo igne ginauna thokedi fabrahu iheire nate karha mei ka vikegna mae Joab igre: Keha ginauna au khabru diꞌa ka mamajadi mae nalhaꞌure, keha ginauna leprosi, keha ginauna blughu, keha ginauna lehe ka magra, eghuteuna keha ginauna theome naba gano te mala ghamu na.”

Josua 7:25

Mae Josua ne cheke eghu ka mana, “Naugna unha sagho te eni ka ghehati puhi biꞌo ignea? Nu Lord ginauna na jaola tusu ari puhi biꞌo ka iagho.” Aonu naiknore ne kafe hata thina ne fada falehedi mae Ekan nei tharaknagna. Eghuteuna mare ne gnubra ka khaꞌaghi thinidire balu nodi gobigna lepo fateote'o.

Fapea Pita 2:3

Mae velepuhi chaichaghi igre na edi kmana thonu chaichaghi, naugna mare magnahaghei hata sileni fara kolho ka ghotilo. Nu God fatedihi mare eidi puhi igre, eghuteuna mana neke ofodi mare funu tifa. Mana theome thuru, nu mana ginauna fatedi mare naugna mana neke kulu chekenihi.

Ululahu Timoti 6:10

Magnahaghei sileni biꞌo na u glathigna puhi diꞌa fateote'o. Keha naiknore jifla kokoni khiloau gne naugna mare magnahaghei sileni biꞌo. Nu mare khogla fadiꞌa nagnafadi nei paradi eghu kolho thedi.

Mae Khuru 8:20

Nu mae Pita ne cheke eghu ka mana, “Ghema, nou sileni iagho gre mala boto balumu Gehena, naugna iagho theome tangomana te foli ka sileni na u nogna nolaghi God na!

Mae Khuru 5:10

Safira jaola ghosei ne khoko soru ke ulugna mae Pita ne lehe. Aonu mae majaghanire ruma mei ne filoni naꞌa tela lehehi na. Mare pala ne jifla kosi ne tei giugilui rhegna khetogna na.

Mae Khuru 5:5

Kate nomhini igne, mae Ananias khoko soru ke ulugna mae Pita ne lehe. Aonu naikno te gnafa te nomhini igne ne mhaghu nodi fara.

Levitikas 13:10

mala filo mana tagna. Jame thubugna mana igne vegha nu mare tangomana te filoni nafnahi eghuteuna keha khakla re vegha tongana kate au thubu igne teuna,

Levitikas 13:25

mae pris na fifilo ka mae igne. Jame ka vido igne vegha tongana, eghuteuna thubu na theome au ka guli na kolho, nu tei lamna ka nafnahi na, igne kaisei fogra diꞌa ka thini te funu ka vido aheva teke thunu ka khaꞌaghi na, eghuteuna pris ginauna chekeni te mae igne theome klino ka tathagu iara na.

Eksodas 20:5

Thosei tuturupuku soru tarai ka mumuju god nei keha tothoghaledi keha god delei. Naugna kaisei Iara ngala nou Lord nei God teu ghotilo te mala loku ranghini na. Iara ginau na theome keli tagu ka naikno te tuturupuku soru te tarai ka mumuju ba tothoghale igre. Jame te theome magnahaghei ghau iara ghotilo na, iara ginau na para ghami ghotilo eigna u nakhibo te eni ghotilo tuana. Theome ka ghotilo kolho eghu, nu iara ginau na jaola na paradi goro thumi, grami nei fapea grami teu ghotilo are.