Fapea Kings 5:23 - Buka Blahi Ka Cheke Holo

²³ Mae Naman ne cheke eghu, “Doglou kolho. Nu iagho na hata namno salei nhana kilo silva.” Eghuteuna mana cheke faheta ka mae Gehasi mala hata mana. Aonu mana ne fafodu phei baeg ka silva, eghuteuna nhaꞌa lao phei famane pohe baludi. Eghuteuna mae Naman ne kurudi phei nogna mae gloku re mala pala glepo igre mala kulu tei ke ulugna ka mae Gehasi.

Fapea Kings 5:23 ပူးပေါင်းရင်းမြစ်များ

Luku 11:54

Mare ne fariuriu saosagroni mae Jisas mala cheke fajafra mana.

Profet Isaia 30:6

Igne nogna nonomho Lord eidi glepo te tautagu te au Negev ke mata Juda. Lord neke cheke eghu, “Namono nagou igne fodu ka lion nei ka mogo te faghughumhu eghu tagna. Mae te mala hata nonomho igre mare luja nodi dedei nei glepo te keli teure ka dongki nei kamel mala tei ka vido igne. Mare hata tei glepo igre jateula namha eghu ka kantri Ijep te theome toghodi kolho mare igne.

Fapea Kings 12:10

Leuleghu fata na bokis igne fodu ka sileni, nogna sekretri mae king balugna mae pris biꞌo igne, phiamare mei ne kaha sileni igre ne hohono ka baeg.

Fapea Kings 6:3

Aonu kaisei mae profet ne cheke eghu, “Mae biꞌo, ghehati magnahaghei nigho iagho te mei balumi ghehati.” Eghuteuna mae Elisa ne cheke eghu, “Uve, iara ginau ari balumi ghotilo.”

Fapea Kings 5:16

Nu mae profet ne cheke eghu, “Theo. Iara nogna mae gloku Lord mae ihei te karha te tifa. Ka nanghagna mana, iara cheke kate tutuani, iara na theome hata kaisei glepo ka iagho.” Neuba Naman heta fara ka mae Elisa te mala hata namha na, nu mae Elisa ne theome magnahagheni ne theome hata.

Fapea Kings 2:17

Nu mae profet igre heta ghedi te ghusnani mana, ne ghilei mamaja nogna ka unha te ghusnani mare na, aonu mana ne snakredi mare ne tei. Mare tei ne hironi mae profet Elija ka vido te gnafa re nabagna thilo narane, nu mare ne theome tangomana te filoni mana na.

Ululahu Kings 20:7

Aonu King Ehab nomhini igne, mana ne kilo meidi hatimare mae mala baubatu te gnafa Israel, ne cheke eghu ka mare, “Filo ghotilo ia! Mae igne magnahaghei te mei goigoni ghita tahati! Ulu lahu na, mana toredi khetogu nei thugu teu iara igre, baludi nogu silva te gnafa, nei nogu gol te gnafa teu iara igre, nu iara theome gleꞌani nogna cheke mana igne.”

Fapea Kings 5:5

Eghuteuna king gna Siria igne ne cheke eghu, “Uve, iara ginauna rioriso kaisei letas mala hata tei iagho ka king gna Israel.” Mae Naman hata nogna letas king igne, eghuteuna mana ne hata thilo gobi phiatutu kilo silva, eghuteuna fitusalei kilo gol, eghuteuna nabotho famane pohe eghu ne tei balugna.

Jenesis 33:11

Eghume iara gognaro na thofno tore nigho iagho te mala hata nogu namha iara te tusu ari ka iagho igre. Eigna God na neke fablahi ghau iara neke tusu ranghi ghau iara glepo kmana fara.” Eghuteuna naugna ka te cheke heta fara mae Jekop igne mae Iso ne hata u namha tuana.