Fapea Kings 5:20 - Buka Blahi Ka Cheke Holo

²⁰ mae Gehasi, nogna mae gloku mae Elisa igne ne ghaoghatho eghu ka nagnafagna thegna na, “Nogu mae funei iara gne snakreni mae Naman maegna Siria igne neke tei kolho. Mala unha si mana te theome hata glepo teke magnahaghei tufa mae Naman ka mana ra? Ka nanghagna Lord te karha te tifa, iara cheke tutuani fara, iara na ngolho tei ke leghugna mae Naman, eghuteuna iara ginauna hata keha glepo ka mana.”

Fapea Kings 5:20 ပူးပေါင်းရင်းမြစ်များ

Fapea Kings 4:12

Mana ne kuruni mae Gehasi, nogna mae gloku na mala kilo meini naikno biꞌo igne. Aonu naꞌa mei ne kegra ke kosi chogho.

Fapea Kings 6:31

Aonu mana ne cheke faheta eghu balu diꞌatagna, “Gognarona, jame te theome khusu iara phaꞌugna mae profet Elisa thugna mae Safat igne, iara toreni God mala falehe ghau iara!”

Fapea Kings 4:36

Mae Elisa ehani mae Gehasi, ne cheke eghu ka mana, “Iagho eha meini naikno biꞌogna Sunem ia.” Aonu mae Gehasi ne eha meini naꞌa. Kate mei naikno biꞌo igne na, mae Elisa ne cheke eghu ka naꞌa, “Iagho mei hata thumu gne.”

Fapea Kings 4:31

Mae Gehasi ne kulu tei ne nhaꞌa lao nogna khodo mae Elisa na ke klignadi tathagna nei foflogna teu mae sitei na, nu mae sitei igne ne theome vese ba ne theome kaplo. Aonu, mae Gehasi pulo neke tei thafoni mae Elisa ne cheke eghu ka mana, “Iara ne leghuni unha teke chekeni iagho ia, nu mae sitei na ne theome kegra haghe kolho.”

Taetus 1:7

Eghume iara magnahaghe nigho te mala vavahi mae mala baubatu ka mae iheire te keli puhidire naugna mana mala loku ranghini God nei reireghi fakelini eghu u gloku gna u khiloau na. Mana theome kaisei mae mala fabiꞌobiꞌo, ba mae mala ghosei diꞌatagna, ba mae mala koꞌu koba, ba mae mala khuru magra ba mae mala magnahaghei hata glepo kmana kolho ka puhi te chaichaghidi naiknore.

Fapea Timoti 4:10

Iagho lasenihi, mae Dimas ia la tei koko ghauhi iara, naugna mana namhani fara puhigna nauthoglu igne, eghuteuna mana la teihi ka namono Tesalonika. Eghuteuna mae Kriseni la teihi ka Provins Galesia, eghuteuna mae Taetus la teihi ka nohi Dalamatia.

Eksodas 20:7

“Thosei cheke faparini nanghagu iara na. Iara nomi Lord nei God eghu ghotilo. Tutuani, iara ginau na paradi naikno te cheke faparini nanghagu iara na.

Ululahu Pita 5:2

reireghi fakelidi naikno khiloau are jateula mae mala reireghi sipu eghu. Theo kaisei naikno te huhuru ghami te mala eni gloku igne. Nu, ghotilo sasaꞌa mala reireghi fakeli, naugna igne teke magnahagheni God mala eni ghotilo teku na. Theome keli te eni ghotilo gloku igne te mala hata nomi sileni kolho na. Theo. Ghotilo mala loku ka gloku igne naugna ghotilo gleale'a fara te mala toghodi naiknore.

Mae Khuru 5:2

ne tusu lao kolho keha vidogna sileni na ka hatimare mae khuru. Nu mana ne lilisei fapulo maladi thedi keha sileni. Eghuteuna Safira ne laseni igne. Aonu repa ne kaisei nodi gaoghatho te mala chaghidi hatimare mae khuru.

Jone 13:2

Kate ima rafi teu mae Jisas baludi nogna mae fanomhore, mae Satan neke kulu liliseihi ka nagnafagna mae Judas na te mala majorani mae Jisas. Mae Judas gne kaisei mae ka hatimare nabotho phei mae fanomho gre, thugna mae Simon Iskariot.

Jone 6:70

Mae Jisas ne cheke eghu ka mare, “Iara neke kafe vahi ghami ghotilo nabotho phei mae. Nu neuba ngau kaisei mae ka ghotilo na thono jateula mae Satan eghu.”

Luku 16:8

“Aonu ke leghugna igne, nogna funei mae te chaichaghi igne ne fafnaknoi mana naugna mana ne mae hiohiro fara ne hiro dedi puhi igre. Naugna naiknogna nauthoglu igne hiohiro fara kate reireghidi nodi glokure ke uludi fara naikno te au ka naphae re.”

Luku 12:15

Mae Jisas tudu ne cheke eghu, “Fiofilo fakeli ghami ka kmana nafnata khiri te magnahaghedi ghotilo igre. Naugna thofno nakarhagna naikno na theome leghudi kolho glepo kmana te khotodi mana re.”

Matiu 10:4

mae Simon, mae te kiloi Silote, naugna mana kaisei mae ka tothoghei te magnahaghei khidi mae di Rom; nei mae Judas Iskariot. Mae Judas gne mae ihei te snakreni mae Jisas ka khamedi nogna naokare.

Profet Habaku 2:9

“Kokhoni ghami fara ghotilo iheire te hata nodi glepo keha naiknore te mala dedei nodi khetomi, thumi nei kherami teu themi are. Eghuteuna gognarona ghotilo babana nomi famane suga maku mala theome tangomana ihei te mei roꞌeni, jateula gnoku gaghata te au kligna ka phaꞌu gajura eghu.

Profet Jeremaea 22:17

Nu iagho King Jehoiakim, fariu riu mala atha glepo ka puhi te theome doglo. Leuleghu fata na, iagho falehedi iheire te theome eni kaisei glepo te diꞌa, iagho fakabru naikno, nei chaghi tafridi iheire te diꞌa.”

Proveb 26:16

Gaoghathogna mae te thodo na, nogna glalase na ne uludi fitu mae te cheke tughudi thua nafnata faghusna ra eghu.

Nodi Khoje Hatimare Mae Jiu 10:3

God, mae te diꞌa igne, mana cheke fahaehaghedi fara glepo te diꞌa te magnahaghedi thegna re. Mae igne magnahaghedi kmana glepo fara, ne figri tagru nigho, ne cheke fadiꞌa nigho.

Ululahu Samuel 14:39

Iara cheke tutuani ka nanghagna Lord, mae ihei te karha nei togho ghita mala uluni tahati magra na, iara nhaꞌa cheke ke ulumi ghotilo, mae ihei te eni glepo te diꞌa igne, mana mala lehe. Neubane thugu iara mae Jonatan, ba mae ihei, mana mala lehe!” Nu mare te gnafa na ne theome ghagri kaisei cheke.

Eksodas 20:17

“Thosei mamagnani nogna glepo ihei. Thosei mamagnadi nogna suga, khetogna, nogna naikno gloku, nogna buluka, nogna dongki ba keha glepo la ngau eghu teke nogna mana re.”

Ululahu Kings 17:1

Profet Elija mae gna Tisbe, ka nohi Gilead. Mana tei ne cheke eghu ka King Ehab, “Iara nogna mae gloku Lord, nodi God mae Israel te karha te tifa. Ka nanghagna Lord iara na cheke fadoglo ari ka iagho, ginauna na theome nakhete keha finogha. Jare ginauna theo kaisei nakhete ba nabubla nate soru mei na ghilei chekeni iara na teke soru mei nakhete na.”

Fapea Kings 5:16

Nu mae profet ne cheke eghu, “Theo. Iara nogna mae gloku Lord mae ihei te karha te tifa. Ka nanghagna mana, iara cheke kate tutuani, iara na theome hata kaisei glepo ka iagho.” Neuba Naman heta fara ka mae Elisa te mala hata namha na, nu mae Elisa ne theome magnahagheni ne theome hata.

Fapea Kings 5:21

Aonu mae Gehasi ne tei ke leghugna mae Naman. Kate filoni mana kaisei mae te mei ke leghugna na, mae Naman ne krofu soru ka nogna chariot na ne kegra neu ka nabrou na. Mae Gehasi mei ne thafoni mana. Eghuteuna mae Naman ne ghusna eghu ka mae Gehasi, “Ba, gobigna lepore keli au kolho?”

Fapea Kings 8:4

Eghuteuna ka narane tuana, king ne cheke balugna Gehasi nogna mae gloku mae Elisa. King magnahaghei te nomhidi thoutonu eidi kofubobhoi teke edi mana re.

Fapea Kings 8:7

Profet Elisa ne tei ka namono biꞌo Damaskas ka kantri Siria, eghuteuna mae Ben-Hadad king gna Siria igne ne fogra. Eghuteuna mare ne cheke eghu ka king, “Elisa mae nogna God na la mei agne Damaskas.”

Fapea Kings 13:19

Nu puhi igne theome doglo ka mae profet, aonu mana ne cheke eghu ka king, “Jame puri sukha iagho ka glose gne glima fata ba namno fata meuna, iagho jame neke thofno uludi fara maedi Siria re, nu iagho ginauna thilo fata kolho nate uludi mare na.”

Fapea Kings 4:25

Aonu repa ne tei filoni profet Elisa ka Thogele Kamel. Nu kate mei khaba teu naꞌa na, mae Elisa ne filo teinihi naꞌa ne cheke eghu ka mae Gehasi nogna mae gloku na, “Filo sagho! Naikno biꞌogna Sunem tela mei ana.

Profet Isaia 48:1

Ghotilo naiknomi Israel teke karha mei ka vikegna mae Juda ra, nei ghotilo goro thugna mae Jekop ra eghu fanomho mei ka cheke igne! Ghotilo nhaꞌa cheke ka nanghagna Lord, eghuteuna ghotilo chekeni kolho nate tufru soruni nodi God mae Israel. Eigna ghotilo cheke fahaehaghe koba ne naiknogna nogna namono Blahi God teuna. Eghuteuna ghotilo jaola chekeni te lelheghu ka God gna Israel, nanghagna na Lord mae ihei te au nolaghi fateote'o. Nu ghotilo thono chaghi fara! Ghotilo theome thofno leghuni kolho puhigna Mana te doglo na.