Fapea Kings 5:13 - Buka Blahi Ka Cheke Holo

¹³ Aonu nogna mae gloku mana re mei rhegna mana ne cheke eghu, “Mae biꞌo, jame te cheke nigho iagho mae profet te mala eni unha te ninhigrana na, iagho tangomana te eni na. Nu glepo te chekeni mana igne khogla bligi kolho. Naugna unha sagho te theome leghuni unha te chekeni mana igne mala teke keli fapulo thinimu na ia?”

Fapea Kings 5:13 ပူးပေါင်းရင်းမြစ်များ

Fapea Kings 6:21

King gna Israel na ne filodi soldia di Siria igre, eghuteuna mana ne ghusna eghu ka mae Elisa, “Ba mae biꞌo, iara na aknu falehedi mare?”

Thakle 7:14

Iara ne cheke eghu ka mana, “Mae biꞌo, iara theome lasedi. Iagho ngala te lasedire.” Mana ne cheke eghu ka iara, “Naikno igre neke theome lehe ka papara biꞌo. God neke hata fadelei nakhibodire naugna Lam na neke thofa dadaragna na neke lehe. Eghume gognaro na mare klino fara ke ulugna God.

Fapea Kings 13:14

Ame lehe nga King Jehoas teuna, profet Elisa neke fogra fara neke namo lehe. Aonu King Jehoas tei ne sighoni mana, ne tanhi eghu eigna mana, “Mama ghe! Mama ghe! Iagho nodi greoreo maedi Israel!”

Fapea Kings 2:12

Mae Elisa ne filoni mae Elija te tei na ne eha eghu, “Mama! Mama! Iara filodi chariot nei maedi Israel te saghe ka hose!” Kate haghehi mae Elija kligna na, mae Elisa ne diꞌanagnafagna fara ne rerheku nogna pohe na.

Ululahu Pita 3:21

Eghuteuna khoꞌu igne kaisei fagaglana ranghi ghita eigna apublahi. God gognaro na fakarha ghami ghotilo ka khoꞌu naugna mae Jisas Kraes na kela karha fapulohi. Jaola, apublahi gne theome mala tihi koko thona ka thinimi ghotilo re, nu mala eni ghotilo kaisei nhaꞌa cheke ka God ka thofno gaoghatho te tutuani.

Hibru 10:22

Naugna igne tahati mala mei namo ka God balu nagnafa heta nei fatutuani ni fara mae Jisas Kraes. Mana faklinodihi nagnafada nei gaoghathoda te thona. Eghume tahati laseni God na la hata fadeleidihi nakhibodare nei mana la faklino ghitahi ke ulugna thegna.

Taetus 3:5

Mana neke fakarhi ghita. Nu mana neke theome fakarha ghita eidi unha gloku te keli teke edi tahati re, theo! Ka nogna kokhoni ghita kolho mana teke fakarha ghita na. Mana neke tusu mei ka tahati u nogna Tharunga te Blahi na mala fagagaedi u nagnafadare, nei hatini tahati u karha majaghani na.

Mae Khuru 22:16

Eghume ofo unha sagho ia? Kegra haghe, kiloni nanghagna Lord nei apublahi eghu mala tihi kokodi God nakhibomure. Kate eni igne, fatutuani ni mana nate fakarhi nigho na.’

Ululahu Korin 4:15

Eigna neuba ne au nabotho thogha naikno ghotilo te mala farirhiu ghami puhigna Kraes na, kaisei mae ngala te jateula kmami teu ghotilo na. Tutuani, iara ngala te hata mei u Nonomho te Keli igne ka ghotilo mala jateula kmami eghu ghotilo ka mae Jisas Kraes.

Ululahu Korin 1:27

Nu God vahidi iheire te theome lalase teu naiknogna nauthoglu igne mala famamajadi iheire te lalase fara. Mana vahidi iheire te theome nheta teu naiknogna nauthoglu igne mala famamajadi iheire te nheta fara.

Ululahu Korin 1:21

Ninhigrana fara ranghidi naiknore te lase fakelini God leghuni nodi gaoghatho thedi na. Nu God magnahaghei te leghuni gaoghathogna thegna te hata u cheke te toutonuni tahati igne mala fakarhidi iheire te fatutuani ni mana. Neuba keha naiknore ne cheke eghu, “U thoutonu igne theo nafugna kolho.”

Jone 13:8

Mae Pita ne tirogna fara ne cheke eghu ka mae Jisas, “Lord, iagho theome tangomana te titihi ghahegu iara gre funu gognaro te haghe na.” Mae Jisas ne cheke eghu ka mana, “Uve, ghema Pita, te theome titihi iara ghahemu iagho re, iagho theome tangomana te kaisei mae nogu gloku iara na.”

Matiu 23:9

Thosei kiloni kaisei mae biꞌo ka nauthoglu igne ‘Mama,’ naugna ghotilo kaisei mae Kmami kolho, mae ihei te au kligna.

Profet Malakai 1:6

Igne nogna cheke Lord mae ihei te au nolaghi fateoteꞌo. Mana ne cheke eghu ka hatimare mae pris, “Leuleghu fata na mae sitei na ghatho tahuni mae kmagna na, eghuteuna mae gloku na mana thofno leghuni nogna mae funei na. Eghume iara thofno mae kmami ghotilo. Naugna unha si ghotilo te theome leghudi nogu cheke iara grea? Iara nomi mae funei ghotilo. “Ghotilo mae pris gre cheke fadiꞌani nanghagu iara na. “Nu ghotilo cheke eghu, ‘Ba? Niha ngala si ghehati teke cheke fadiꞌani nanghamu iagho na ia?’

Profet Isaia 1:16

“Ghotilo fagae ghami themi, eghuteuna thosei ke eni kaisei puhi te diꞌa.

Nodi Khoje Hatimare Mae Jiu 51:7

Hata fadeleidi sagho nakhibogu iara gre, naugna iagho ngala te au nolaghi te mala titihi fagae ghau iara te mala jateula pohe vegha teu iara na.

Nodi Khoje Hatimare Mae Jiu 51:2

Tihi kokodi sagho ka iara nakhibo te edi iara gre. Hata fadeleidi sagho tagu, mala gae nogu iara.

Fapea Kings 8:9

Aonu mae Hasael hata balugna phiatutu kamel te fodu ka famane glepo di Damaskas ne tei thafoni mae Elisa. Mana tei ne kegra ke ulugna mae Elisa ne cheke eghu, “Thumu Ben-Hadad king gna Siria neke kuru mei ghau iara mala ghusna nigho iagho, mana nake keli fapulou ka fogra igne ba theo?”

Fapea Kings 5:10

Eghuteuna mae Elisa kuruni nogna mae gloku na ne tei cheke eghu ka mae Naman, “Iagho tei apu fitu fata ka Khoꞌu biꞌo Jordan, eghuteuna thinimu iagho na ginauna nake keli fapulo.”

Fapea Kings 5:3

Kaisei narane, gaꞌase igne ne cheke eghu ka khetogna mae Naman, “Jame tei filoni mae profet nogu funei iara gne Samaria meuna, mana ginauna tangomana teke fakelini fogra te diꞌa ka thinigna funei na igne.”

Ululahu Kings 20:31

Aonu nogna mae biꞌo mana re ne cheke eghu, “Unha te nomhini ghehati na, king di Israel re thofno keli fara. Te keli na iagho snakre ghami ghehati mala pipichi pohe thona kolho, eghuteuna ghehati haru gnarho ka grarami gre, fagaglana gna nomi diꞌanagnafa na. Aonu ghehati ginauna tei filoni king gna Israel mala laseni mana te au ghehati ke parigna nogna nolaghi mana na, mala theome falehe nigho mana.”

Ululahu Kings 20:23

Ke leghugna igne, hatimare nogna mae biꞌo King Ben-Hadad igre ne cheke eghu ka mana, “Nodi god naiknodi Israel na, god gna thogele kolho, naugna igne te ulu ghita tahati mare na. Nu jame te tei magra tahati ka mare ka sare na, tahati ginauna tangomana te uludi mare na.

Jenesis 41:43

Mana ne snakreni mae Josep mala saghe ka nogna fapea chariot mae king na. Mae gloku te tei ke ulugna mana re mare ne eha eghu ka mavitu te mei ke ulugna chariot na, “Igne tela mei nomi mae funei ghotilo na, fasnagla nabrou gne.” Ka puhi igne mae king ne vahini mae Josep ne kaisei mae funei biꞌo gna Ijep.

Jone 9:7

Aonu, mae Jisas ne cheke eghu ka mae te dofu na, “Tei dadalu tathamure ka kholo seu te kiloi Siloam.” Gaoghathogna Siloam gne “Kuru tei”. Aonu mana tei ka Kholo Siloam na ne dadalu phia tathagnare. Kate ke pulo mei ka sugagna na, mana tangomana teke fifilo na.

Ululahu Samuel 24:11

Mama, filo mei sagho ka nou nabreku pohe igne. Jame magnahaghei aknu falehe nigho iara na, iagho jame neke falehehi! Nu iara neke atha kolho katha nou nabreku pohe iagho! Filo sagho, iara theome ghathoni kaisei glepo te mala falehe nigho iagho na. Iara jaola neke theome eni kaisei glepo te diꞌa ranghi nigho iagho, nu iagho hiro ghau iara mala falehe ghau iara!

Ululahu Samuel 28:23

Nu mae Sol tirogna ne cheke eghu, “Iara tirogu ghamu.” Phei nogna mae gloku mana re ne toghoni naikno biꞌo igne ne toreni fara mana mala ghamu. Aonu mana fanomho ka retilo ne kegra haghe ka glose na ne gnokro haghe ka sape na.