Fapea Kings 5:11 - Buka Blahi Ka Cheke Holo

¹¹ Nu kate nomhini mae Naman cheke igne, mana ne thono diꞌatagna fara neke funu figri. Eghuteuna mana ne cheke eghu, “Iara jau na jifla mana kosi filo ghau, eghuteuna ngafa mei ke klignadi thubugu iara gre, eghuteuna kiloni nanghagna Lord nogna God na mala fakeli ghau neu sia!

Fapea Kings 5:11 ပူးပေါင်းရင်းမြစ်များ

Hibru 12:25

Eghume fanomho ghotilo eghu, thosei fofotho khulimi are ka God mae ihei te cheke teu ka ghotilo. Naiknodi Israel tifa re neke tirodi fanomho ka chekegna God te mei ka nauthoglu igne. Kate eni igne, mare neke theome rikhani fate na. Gognaro tahati nomhini chekegna God te mei funu kligna na. Tutuani fara, jame te tirodani tahati nogna cheke mana na, theo kaisei nabrou aheva nga te mala rikha tahati na!

Jone 13:20

Tutuani fara te chekeni iara ka ghotilo na. Mae ihei te taji fakelini kaisei nogu naikno gloku teke kuru meini iara na, mana taji fakeli ghau la iara. Nu ihei te taji fakeli ghau iara na, mana mala jaola taji fakelini mae Mama, mae teke kuru mei ghau iara na.”

Jone 4:48

Mae Jisas ne cheke eghu ka mae biꞌo na, “Ghotilo magnahaghei te kulu filodi ghu kofubobhoi nei fagaglana teu te edi iara re ame fatutuani ghau nga iara eghu.”

Luku 14:11

Eghume, mae ihei te nhaꞌa faꞌuluni thegna na, God ginauna nake nhaꞌa faleghuni mana. Nu mae ihei te nhaꞌa faleghuni thegna na, God ginauna nake nhaꞌa faꞌuluni mana.”

Matiu 19:22

Kate nomhini cheke igne mae majaghani na, diꞌanagnafagna fara, naugna mana kaisei mae dedei fara. Aonu mana ne tei kokoni mae Jisas.

Matiu 15:27

Naikno biꞌo na ne cheke eghu ka mana, “Uve Lord, nu neuba ngau, khumare tangomanau te ghamu vido gano te khoko soru ke parigna tevo nodi funei na.”

Matiu 8:8

Mae funei na ne cheke eghu ka mae Jisas, “Mae biꞌo, iara theome nabagu te mei iagho ka nogu suga na. Nu ka chekemu kolho mala ke keli fapulo nogu mae gloku na.

Proveb 13:10

Mae te fahaehaghe na, mae mala magra nei fapholai eghu. Nu mae te fanomho ka farirhiu na, mana mae glalase.

Proveb 3:7

Thosei ghatho nigho themu ne lalase teuna, ghatho tahuni Lord eghuteuna figri tagrudi thuagna lepo te diꞌa fateote'o.

Proveb 1:32

Iheire te theome au tadi gaoghatho te keli na ginauna lehe, naugna mare ne figri tagru ghau iara. Eghuteuna naikno te fameomekro re ginauna lehe naugna ne tirodini puhi te doglo na.

Jenesis 20:7

Gognaro na iagho ke hata fapulo gaꞌase igne ka mae thofno khetogna na, naugna mae igne kaisei nogu mae profet iara, eghuteuna mana ginauna na tarai nigho iagho, eghuteuna iagho ginauna na theome tangomana te lehe na eghu. Nu jame te theome hata fapulo iagho gaꞌase igne na, iagho ginauna na lehe baludi nou naiknore.”

Fapea Kings 5:10

Eghuteuna mae Elisa kuruni nogna mae gloku na ne tei cheke eghu ka mae Naman, “Iagho tei apu fitu fata ka Khoꞌu biꞌo Jordan, eghuteuna thinimu iagho na ginauna nake keli fapulo.”

Fapea Kings 5:12

Jauna phei khoꞌu biꞌo Abana ghe Fapa Damaskas igre ne thofno keli fara salaꞌudi khoꞌudi Israel igre neu sia! Ne faꞌunha site theome tangomana iara te apu ka phei khoꞌu igre mala teke gnafa fogra ignea?” Aonu mana diꞌatagna fara neke pulo ka nogna suga na.

Fapea Kings 4:5

Aonu naikno biꞌo igne baludi phei thugna re nomhi igne ne tei lamna suga ne bobotho grengatha na. Phei mae sitei igre hata ne mei khune botol igre ka naꞌa. Naꞌa hata oel igne ne funu toho lao ka botol igre.