Fapea Kings 4:8 - Buka Blahi Ka Cheke Holo

⁸ Kaisei narane, profet Elisa ne tei ka namono Sunem. Eghuteuna ka namono igne na au kaisei naikno biꞌo te dedei. Naꞌa ne kiloni mae profet mala tei ghamu baludi repa khetogna. Funu ka narane tuana, kate tei mana Sunem na, mana tei ghamu koba ka sugadi repa na.

Fapea Kings 4:8 ပူးပေါင်းရင်းမြစ်များ

Josua 19:18

Namono ke lamnagna rijon igne na: Jesrel, nei Kesulot, nei Sunem,

Luku 24:29

Phiamare ne toreni mana, ne cheke eghu, “Iagho au balumi ghepa, naugna narane gne la rafihi, eghuteuna la namo romnohi.” Aonu mana ruma ka suga na ne au baludi phiamare.

Thoutonu Eigna Mae Job 1:3

Mana au nogna fitu thogha sipu, nei thilo thogha kamel, nei kaisei thogha buluka, nei glima gobi dongki. Eghuteuna mana au nogna kmana mae gloku. Eghuteuna mana kaisei mae dedei fara salaꞌudi mae te gnafa ka rijon ke maghati.

Jenesis 19:3

Nu mae Lot ne toredi fara phia mare mala tei ka nogna suga na. Aonu phia mare ne leghuni mana ne tei ka nogna suga mana na. Mae Lot ne chekedi nogna mae gloku re ne kuki bret te theo isi gna na ne tarabana mala ima phia mare.

Ululahu Kings 1:3

Aonu mare ne tei ka namono te gnafa Israel igre ne ghilei filoni kaisei famane gaꞌase majaghani nanghagna na Abisag, ka namono Sunem, eghuteuna mare hata ne mei gaꞌase igne ka King Devet.

Fapea Samuel 19:32

Mae Basilae gne thono kuekuꞌe fara, mana nhana salei finogha funu karhagna. Mana kaisei mae dedei fara. Kani au teku mae Devet ka namono Mahanaem igne na, mana hata gano mei koba ka mae Devet.

Jajis 19:20

Aonu mae khuekuꞌe igne ne cheke eghu, “Thosei nanga nomi. Ari ka suga. Iara ginauna reireghi ghami ghotilo, nu ghotilo thosei thuru agne.”

Mae Khuru 16:15

Naꞌa nei naikno te gnafa te au ka nogna suga na ne kafe apublahi. Aonu Lidia ne tore ghami ghehati mala tei ka sugagna na. Naꞌa ne cheke eghu ka ghehati, “Ne thofno kaisei naikno khiloau iara teu ghotilo gaoghathomi na, mei au ghotilo ka sugagu iara gne eghu.” Naꞌa ne cheke fara ka ghehati mala au balugna.

Luku 1:15

Naugna ginauna mana na kaisei mae nafnakno ka tathagna Lord na. Eghuteuna mana na theome koꞌu waen ba unha nafnata khoꞌu te nheta fara. Nu funu ka karhagna na, mana na fodu ka Tharunga te Blahi.

Proveb 7:21

Aonu nogna cheke famaemahe gaꞌase na igre ne figrini gaoghathogna mae majaghani igne.

Fapea Kings 4:18

Keha finogha ke leghu kate biꞌo haghe mae sitei igne, mae kmagna na baludi mae glokure ne tei kato wit ka nagare na. Mae sitei igne tei ka nagare na mala filoni mae kmagna na.

Ululahu Samuel 28:4

Aonu, kate nomhini king Sol te mei armi gna Filistia igne te au rhegna namono Sunem gne, King Sol jaola ne loku fodu nogna armi na ne mei au ka Thogele Gilboa.

Luku 14:23

“Mae funei na ne cheke eghu, ‘Ke tei sagho ka nabrou ke kosi namono are ba ka nabrou ikodi ke mata are mala hata mei keha naikno mala fodu nogu suga gne.

Matiu 25:17

Ke jaola ngau mae teke hata phia duku na. Mana tei ne loku neke tangomana teke horo haghe keha phei duku sileni.