Fapea Kings 4:43 - Buka Blahi Ka Cheke Holo

⁴³ Nu nogna mae gloku mana igne ne cheke eghu, “Gano igne thono ikoi fara, theome nabadi kaisei gobi mae profet igre.” Nu mae Elisa ne cheke eghu, “Hata tei sagho mala ghamu mare, naugna Lord na neke cheke eghu, ‘Mare ginauna ghamu boho, eghuteuna kehare ginauna salaꞌui u ngala.’ ”

Fapea Kings 4:43 ပူးပေါင်းရင်းမြစ်များ

Luku 9:13

Nu mae Jisas ne cheke eghu ka mare, “Theo. Faghamudi si ghotilo naikno gre.” Mare ne cheke eghu ka mana, “Ghehati au glima bret nei phei sasa eghu kolho. Ba iagho magnahaghei ghami ghehati te tei foli gano te mala nabadi naikno te kmana igre sia?!”

Matiu 14:20

Naikno te gnafare kafe ghamu ne boho. Aonu ke leghugna te gnafa ghamu na mae fanomhore ne salofodu vido gano teke sala'uire ne fafofodu nabotho phei khara'o.

Jone 6:9

“Kaisei mae sitei agne au glima bret nei phei sasa. Nu gano igre ginauna theome naba kolho ka naikno te kmana igre!”

Luku 9:17

Naikno te gnafare ne kafe ghamu ne boho. Eghuteuna mae fanomhore ne salo fodu vido gano teke salaꞌui re, ne fafofodu nabotho phei khara'o.

Nonomho Te Keli Teke Risoi Mae Mak 8:20

Mae Jisas ne cheke eghu ka mare, “Ka narane teke faꞌimadi iara fati thogha naikno ka fitu bret ra, ghathodi niha khara'o teke fafofodu ghotilo ka vido gano teke salaꞌui ra?” Mare ne cheke cheke eghu ka mana, “Fitu khara'o.”

Matiu 15:37

Mare kafe ghamu ne boho. Aonu mae fanomhore ne fafofodu fitu khara'o ka vido gano teke salaꞌui ka naiknore.

Nonomho Te Keli Teke Risoi Mae Mak 8:4

Nogna mae fanomho mae Jisas re ne cheke eghu ka mana, “Nu tahati gne theome namo ka kaisei namono. Aheva nate hata naba gano tahati te mala kafe faghamudi naikno te kmana igre?”

Naba 11:13

Heva te tangomana tei atha nafnahi iara maladi naikno igre na? Naikno igre tanhi fabrahu ka iara, ‘Ghehati magnahaghei ghemi nafnahi!’

Naba 11:23

Nu Lord ne cheke eghu, “Ba, ne theome tangomana iara te edi re eghu sagho ia? Filo sagho!”