Fapea Kings 4:38 - Buka Blahi Ka Cheke Holo

³⁸ Kaisei fata, narane te theo gano na ne thoke mei ka kantri Israel. Eghuteuna naiknore ne theome naba ghedi gano. Eghuteuna ka narane igre mae Elisa neke pulo Gilgal. Kaisei narane keha mae profet mei ne thafoni mana jare, eghuteuna mare gnokro soru ne fanomho ka mana. Mana ne chekeni kaisei nogna mae gloku mala nhaꞌa lao suspen biꞌo na ka khaꞌaghi na mala gahu susupu maladi hatimare mae profet.

Fapea Kings 4:38 ပူးပေါင်းရင်းမြစ်များ

Fapea Kings 8:1

Tifa na, mae Elisa neke cheke eghu ka naikno biꞌo gna Sunem teke lehe thugna na, eghuteuna ke fakarha fapulo mae profet teku ia, “Te chekeni Lord na heva heva agne Israel na ginauna theo gano nabagna fitu finogha. Eghume te keli na iagho balugna tharaknamu na jifla ka vido igne mala tei au ka keha kantri delei.”

Fapea Kings 2:3

Kaisei tothoghei profet na au jare Betel. Mare mei ne filoni profet Elisa, ne cheke eghu ka mana, “Gognaro na Lord ginauna hata tei nou mae funei iagho gne. Iagho laseni ngau tuana ba theo?” Mana ne cheke eghu, “Uve, iara lasenihi, nu ghotilo theome tangomana te cheke eigna igne na.”

Fapea Kings 2:1

Namo ka narane Lord te hatani profet Elija te haghe kligna na, Lord ne kuruni kaisei seseuru biꞌo mala mei hatani mae Elija. Ka narane igne, profet Elija ghe profet Elisa jifla Gilgal ne nolo ne tei.

Mae Khuru 22:3

“Iara kaisei mae Jiu, eghuteuna iara neke karha ka namono Tasis ka Provins Silisia, nu iara neke biꞌo haghe agne Jerusalem. Mae biꞌo teke farirhiu ghau iara na mae Gamalio, eghuteuna mana neke farirhiu fakeli ghau iara te mala leghuni nodi vetula mae ku'edara. Iara thofno heta fara te mala fafnaknoni God ka gobigna lepo te edi iara re, jateula te eni ghotilo gognaro gne eghu.

Luku 10:39

Mafa au kaisei greghagna, nanghagna na Meri. Eghuteuna Meri mei ne gnokro rhegna mae Jisas mala fanomho kate farirhiu mana na.

Levitikas 26:26

Ginauna na thoke mei thofno narane ninhigrana nate theo gano nate rofo ghotilo na, eghuteuna nabotho gaꞌase kolho nate tangomana nate kafe gahu bret ka kaisei biti kolho. Eghuteuna kate tufa ghotilo katha bret kolho, ghotilo ginauna rofo.

Mae Khuru 15:36

Keha narane ke leghugna igne, mae Pol ne cheke eghu ka mae Banabas, “Tapa nake pulo mala ke sighodi kherada ka namono te gnafa aheva teke toutonuni tapa chekegna Lord ia, nei mala filoni unha te eni mare gognaro na.”

Mae Khuru 10:38

Eghuteuna ghotilo lasenihila u thoutonu eigna mae Jisas gna Nasaret. Tutuani, God Mama neke kuruni mae Tharunga te Blahi na mala toghoni mana nei tusu ranghini mana u nolaghi te biꞌo tulao. Ghotilo jaola laseni mae Jisas gne neke tei tongana heva heva neke edi koba glepo te kelire, nei fakelidi naikno te gnafa te au ke parigna nogna nolaghi mae Satan. Mae Jisas tangomana te eni igne naugna God au balugna mana.

Jone 21:9

Mare longa mata ne filoni kaisei khaꞌaghi te karha teu sisibegna na. Keha sasare ne foefobe neu ka khaꞌaghi na nei keha bret eghu jare.

Jone 21:5

Aonu, mana ne cheke eghu ka mare, “Kheraguro, ne atha keha sasa ghotilo ia?” Mare ne cheke eghu, “Theo kolho.”

Luku 9:13

Nu mae Jisas ne cheke eghu ka mare, “Theo. Faghamudi si ghotilo naikno gre.” Mare ne cheke eghu ka mana, “Ghehati au glima bret nei phei sasa eghu kolho. Ba iagho magnahaghei ghami ghehati te tei foli gano te mala nabadi naikno te kmana igre sia?!”

Luku 8:38

Nu mae teke keli fapulo igne ne cheke eghu ka mae Jisas, “Ghema, iara magnahaghei te tei balumu iagho.” Nu mae Jisas ne kuru teini mana, ne cheke eghu ranghini,

Luku 8:35

Aonu naiknore mei ne filoni unha te toutonuni mare na. Eghuteuna kate mei mare ka mae Jisas na, mare ne filoni mae teke brue fajifla mae Jisas naiture tagna na. Mana pipichi pohe gnokro neu rhedi ghahegna mae Jisas re, eghuteuna gaoghathognare kela doglohi. Aonu naiknore ne mhaghu nodi fara.

Luku 4:25

Uve, unha te chekeni iara ka ghotilo gne thofno tutuani fara. Ka narane gna mae Elija na neke theome nakhete thilo finogha namno nhigra. Aonu heva te heva na ne behu neke theo gano. Eghuteuna kmana naikno biꞌo te glehe kokoi neke au jare Israel ka narane tuare.

Nonomho Te Keli Teke Risoi Mae Mak 6:37

Mae Jisas ne cheke eghu ka mare, “Fei ghedi si ghotilo mala ima mare.” Mare neke cheke eghu ka mana, “Tore, jame kaisei mae loku kaisei finogha te nabagna te mala foli gano te mala faghamudi naikno igre!”

Profet Esikiel 24:3

Iagho na toutonu kaisei cheke naba ka naikno te theome leghu ghau iara igre. Iagho cheke eghu ka mare, Lord God ne cheke eghu: “ ‘Totoho khoꞌu ka sospen ana mala gahu lao ka khaꞌaghi ana.

Profet Esikiel 14:13

“Maegna ka nauthoglu. Jame naiknodi ka kaisei kantri tapla jafra ranghi ghau iara ka puhi te theome leghudi mare puhigu iara na, iara ginauna goigonidi ghedi gano mare re mala thokedi mare narane grofo na. Mare ginauna rofo fara na ghilei lehe, eghuteuna nodi glepo tautagu mare re ginauna jaola lehe.

Proveb 8:34

Mae ihei te fanomho ka iara na, mana mei ka nogu suga iara na mala farirhiuni iara. Eghuteuna ihei te au balugu iara na, mana ginauna gleale'a.

Fapea Samuel 21:1

Ka narane te kegra funei King Devet igre, kaisei nhigra behu ne thoke mei. Eghuteuna naiknodi phei kantri Israel ghe Juda igre ne theome naba gano ne rofo nabagna thilo finogha. Aonu mae Devet ne tarai ka Lord mala laseni gaoghathogna te theo gano te rofo mare igne. Lord ne cheke tughuni nogna tharai mana igne, ne cheke eghu ka mana, “Puhi biꞌo igne thoke mei naugna King Sol nei vikegna teu mana igre ne falehe naikno. Uve, mana neke aknu falehe maedi Gibeon ra.”

Ululahu Samuel 19:20

Aonu mana ne kurudi keha mae mala tei lokini mae Devet. Kate tei posa mare ka namono na, mare ne filoni kaisei tothoghei profet. Mae Samuel batudi mae profet igre ne ragi nei koje neu mala kilo fnaknoni God, naugna Tharunga gna God na ne mei ka mare. Tharunga igne jaola ne mei ka mae teke kuru tei mae Sol igre, mare jaola ne ragi nei koje neu mala kilo fnaknoni God.

Luku 2:46

Mare hiro ne hiro. Ka fatilo narane na repa ne ruma ka Sugablahi na ne ludeni mana jare. Mae Jisas gnokro neu baludi hatimare mae velepuhigna vetula nogna mae Moses re fanomho neu ka cheke te edi mare re, eghuteuna mana ne faghusna ka hatimare.

Jenesis 25:29

Kaisei narane mae Jekop ne kuki keha susupu, aonu mae Iso neke pulo mei funugna mhata ne glaꞌe fara ka glehe grofo.

Fapea Kings 4:39

Aonu kaisei mae profet tei mata ne hiro khuromu mala nhaꞌa lao ka susupu na. Eghuteuna mana tei ne filoni kaisei gnarho te au kmana sisigna. Mana hata sisi igre duduki ka pohe na, eghuteuna vuivuri lao ka suspen biꞌo na. Nu theo kaisei mae ka mare te laseni ne poesen sisigna gnarho igne teuna.

Profet Esikiel 11:3

Mare ne cheke eghu, ‘Theome raugha, tahati ginauna nake funu loku ka noda suga ra. Namono igne jateula kaisei suspen aean eghu, eghuteuna tahati au fakeli kolho lamna jateula nafnahi te au ke lamna suspen ra eghu.’

Profet Esikiel 11:7

“Naugna igne Lord ne cheke eghu: Tutuani, namono igne jateula kaisei suspen aean eghu. Nu unha nafnahi eghu nate au lamna na? Thinidi naikno te lehe igre ngala nafnahi te au lamna na. Eghuteuna iara ginauna ngolhi fajifla ghami ghotilo ka namono igne.

Profet Emos 7:14

Nu iara ne cheke eghu ka mana, “Nogu gloku iara na theome jateula nodi gloku mae profet ra eghu. Theo. Iara mae mala reireghi buluka nei nogu sipu gre eghu, eghuteuna iara reireghidi kolho nogu nagare gaju fig teu igre.

Ululahu Kings 17:1

Profet Elija mae gna Tisbe, ka nohi Gilead. Mana tei ne cheke eghu ka King Ehab, “Iara nogna mae gloku Lord, nodi God mae Israel te karha te tifa. Ka nanghagna Lord iara na cheke fadoglo ari ka iagho, ginauna na theome nakhete keha finogha. Jare ginauna theo kaisei nakhete ba nabubla nate soru mei na ghilei chekeni iara na teke soru mei nakhete na.”

Fapea Kings 4:1

Kaisei narane, khetogna kaisei mae ka tothoghei mae profet tifa igre mei ne tanhi eghu ka mae Elisa, “Khetogu iara na la lehehi. Iagho laseni, mana neke jateula kaisei nou mae gloku iagho neku, eghuteuna mana neke ghatho tahuni Lord. Tifa na mana neke kaoni ka kaisei mae, eghuteuna gognarona mae igne magnahaghei te mei hata phei thugu nalhaꞌu iara gre mala nogna sneka.”

Thoutonu Eigna Mae Job 30:4

Mare hata unha nafnata khakla gaju te diꞌa mala ghamu. Neubane glathi gaju te diꞌa are, nu mare jaola ghamu.