Fapea Kings 4:31 - Buka Blahi Ka Cheke Holo

³¹ Mae Gehasi ne kulu tei ne nhaꞌa lao nogna khodo mae Elisa na ke klignadi tathagna nei foflogna teu mae sitei na, nu mae sitei igne ne theome vese ba ne theome kaplo. Aonu, mae Gehasi pulo neke tei thafoni mae Elisa ne cheke eghu ka mana, “Iara ne leghuni unha teke chekeni iagho ia, nu mae sitei na ne theome kegra haghe kolho.”

Fapea Kings 4:31 ပူးပေါင်းရင်းမြစ်များ

Jone 11:11

Ke leghugna te chekeni mae Jisas igne, mana neke cheke eghu, “Mae kherada Lasaros na khogla thuru kolho. Nu iara na tei jare mala fadofrani mana.”

Nonomho Te Keli Teke Risoi Mae Mak 5:39

Mae Jisas ruma ka suga na ne cheke eghu ka naiknore, “Naugna unha site tanhi nei paopado teu ghotilo gnea? Sua gaꞌase igne theome lehe. Naꞌa thuru kolho.”

Profet Daniel 12:2

Eghuteuna kmana naikno teke lehe tifa ra ginauna nake karha fapulo. Keha ka igre ginauna gleale'a fara kau nakarha te au fabrahu te tifa te tifa igne. Nu keha ka igre ginauna na mamaja nodi fara, eghuteuna na au papara fabrahu tifa tifa.

Profet Esikiel 14:3

“Maegna ka nauthoglu: Naikno igre tarai koba ka mumuju, naugna igne te khoko mare ka nakhibo. Ba, keliu kolho te mei mare ka iara te mala haradi keha glepo na? Theo. Iara tirogudi mare.

Thoutonu Eigna Mae Job 14:12

kate lehe na naikno na theome tangomana na teke kegra haghe na. Uve, jame te lehe na mana theome tangomana na teke dofra haghe na ghilei thokeni narane nate dofini maloa gne.

Ululahu Kings 18:29

Naublatha thongana na te ghilei thokeni vido mala fafara fei grafi na, mare eha fabiꞌo jateula naikno te noli ra neu. Nu theo kaisei cheke tughu te mei ka mare na, theo kaisei naikno te fanomho ka mare na, eghuteuna theo kaisei god te fanomho ka nodi cheke mare igre.

Ululahu Kings 18:26

Aonu mare ne hata keha buluka nalhaꞌugna na ne tarabana neu. Eghuteuna mare ne funu tarai ka Baal hamerane ne ghilei farihotei aublatha. Aonu mare ne eha eghu fabiꞌo, “Lord Baal! Fanomho mei ka nomi tharai ghehati gre!” Aonu mare ne ragi faligohoni olta teke horo mare na, nu theo kaisei cheke tughu te mei funu ka god Baal.

Ululahu Samuel 28:6

Aonu mana ne tarai ne toreni Lord unha nate eni mana na. Nu Lord ne theome cheke tughuni nogna tharai mana na, eghuteuna theo kaisei cheke tughu te mei ka mifi, ba ka hatimare mae pris, ba ka hatimare mae profet.

Ululahu Samuel 14:37

Aonu king ne toreni mae pris mala ghusna eghu ka God, “Ba, keliu ngala te tei ghehati te magra ka armi gna Filistia na? Jame te tei ghehati na, iagho ginauna tangomana te togho ghami ghehati te mala uluni magra igne na?” Nu God ne theome cheke tughu ka mana ka vido tuana.

Fapea Kings 4:32

Kate posa mae Elisa ka suga na, mana ne filoni mae sitei igne lehe thuru neu ka sape na.

Fapea Kings 5:20

mae Gehasi, nogna mae gloku mae Elisa igne ne ghaoghatho eghu ka nagnafagna thegna na, “Nogu mae funei iara gne snakreni mae Naman maegna Siria igne neke tei kolho. Mala unha si mana te theome hata glepo teke magnahaghei tufa mae Naman ka mana ra? Ka nanghagna Lord te karha te tifa, iara cheke tutuani fara, iara na ngolho tei ke leghugna mae Naman, eghuteuna iara ginauna hata keha glepo ka mana.”

Fapea Kings 8:1

Tifa na, mae Elisa neke cheke eghu ka naikno biꞌo gna Sunem teke lehe thugna na, eghuteuna ke fakarha fapulo mae profet teku ia, “Te chekeni Lord na heva heva agne Israel na ginauna theo gano nabagna fitu finogha. Eghume te keli na iagho balugna tharaknamu na jifla ka vido igne mala tei au ka keha kantri delei.”