Fapea Kings 4:22 - Buka Blahi Ka Cheke Holo

²² Eghuteuna naꞌa ehani khetogna na ne cheke eghu, “Iagho kuru meini kaisei mae gloku balugna kaisei dongki. Naugna iara magnahaghei te ghosei te tei filoni mae profet. Eghuteuna iara ginauna theome raugha nake pulo mei.”

Fapea Kings 4:22 ပူးပေါင်းရင်းမြစ်များ

Mae Khuru 9:38

Namono Jopa gne kaisei namono rhegna Lida. Naikno khiloaudi Jopa re nomhini te au teu mae Pita Lida na. Aonu mare ne kurudi phei mae ne tei ka mae Pita. Phiamare ne cheke eghu ka mae Pita, “Ghehati magnahaghe nigho iagho te faghose mei ka nomi namono na!”

Jone 11:3

Phei greghagna mana re ne kurudi keha mae mala tei cheke eghu ka mae Jisas, “Lord, mae kheramu iagho mae Lasaros ia ne fogra.”

Fapea Kings 4:26

Faghose tei thafoni naꞌa, eghuteuna iagho ginauna ghusna eghu ka naꞌa, ‘Iagho keliu kolho? Khetomu thumu teu iagho ra ba, keliu kolho ba theo?’ ” Kate ghusna eghu mana na, naikno biꞌo na ne cheke eghu, “Ghetilo keliu kolho.”

Fapea Kings 4:24

Naꞌa saghe ka dongki na ne cheke eghu ka mae gloku na, “Faghose ari, thosei paipalighi, ghilei cheke ranghi nigho iara.”

Fapea Kings 4:21

Kate lehe thugna na, idogna na pala thinigna mae sitei na ne haghe ka nogna chogho mae Elisa na ne fathuru soru ka sape na, eigna mae Elisa dofini jare. Aonu naꞌa jifla kosi ne bobotho grengatha na.

Fapea Kings 4:23

Nu mae khetogna na ne cheke eghu ka naꞌa, “Naugna unha sagho te magnahaghei tei ngala gognaro gnea? Theome narane Sabat, nei theome narane khafa la ngau eghu.” Naikno biꞌo igne ne cheke eghu, “Thosei nanga nou. Keliu kolho!”