Fapea Kings 4:20 - Buka Blahi Ka Cheke Holo

²⁰ Aonu mae gloku igne papa mae sitei igne ne tei ka idogna na. Mae sitei igne thuru neu ka boebokegna idogna na ne ghilei aublatha, eghuteuna mae sitei igne ne lehe.

Fapea Kings 4:20 ပူးပေါင်းရင်းမြစ်များ

Luku 7:12

Kate posa mei mae Jisas rhegna namono na, kaisei jajagha naikno te mala tei ka giugilu na pala ne mei kaisei mae sua nalhaꞌu teke lehe na. Mae sua igne ngala thugna naikno biꞌo te glehe kokoi na. Eghuteuna naiknogna namono tuana ne kafe tei balugna naꞌa.

Jone 11:14

Aonu, mae Jisas ne cheke eghu fadoglo ka mare, “Mae Lasaros na la lehehi.

Jone 11:5

Mae Jisas gne namhadi fara Meri ghe Mafa nei mae Lasaros.

Jone 11:3

Phei greghagna mana re ne kurudi keha mae mala tei cheke eghu ka mae Jisas, “Lord, mae kheramu iagho mae Lasaros ia ne fogra.”

Luku 2:35

Naugna mana, ginauna na falalase gaoghatho teke poru ka naikno te gnafare. Eghuteuna iagho themu ginauna na diꞌanagnafamu fara ka unha nate edi ginau re.”

Profet Isaia 66:13

Eghuteuna ka ghotilo te au ka namono Jerusalem ra, iara ginauna fameomego ghami ghotilo, jateula kaisei naikno biꞌo te fameomegoni thugna na ia eghu.” Igne chekegna Lord.

Profet Isaia 49:15

Aonu, Lord ne cheke eghu, “Ba, gaꞌase na tangomana te ghatho ihoni thugna te chuꞌu teuna? Ba, naꞌa tangomana te tirognani thugna teke karha ka thegna na? Thono theo fara! Nu iara jateula kaisei gaꞌase te theome ghatho ihoni thugna na ia eghu theome tangomana te ghatho iho ghami ghotilo na.

Ululahu Kings 17:17

Ke leghudi igre, thugna nalhaꞌu naikno biꞌo te khotogna suga te au mae Elija igne ne fogra fara ne ghilei lehe.

Jenesis 37:5

Kaisei fata mae Josep ne mifi. Kate toutonu ni mana eigna u mifi igne ka mare na, mare ne thofno diꞌatadi fara ngala ka mana.

Jenesis 37:3

Aonu mae Jekop ne namhani fara mae Josep ke tulaodi keha thugna re, naugna mae Josep gne neke karha ka vido tela kuekuꞌehi mana na. Eghuteuna mana ne hohoro kaisei fagano phoko te brahu khamegna re ne tusu lao ka mae Josep.

Jenesis 22:2

Aonu God ne cheke eghu ka mana, “Iagho au kaisei mae thumu nalhaꞌu kolho, mae Isak, mae ihei iagho te namhani fara, hata mae sitei igne tei ka nohi Moriah. Iara ginauna na falalase ka iagho kaisei thogele jare. Ka thogele igne te mala falelehe iagho mae thumu Isak gne te mala gahu re mala fafara ka iara na.”

Fapea Kings 4:19

Mae sitei igne filo neu ka mae te lokure, aonu mana megei nga ne tanhi eghu fabiꞌo, “Ei, mama iara kabru fara phaꞌugu na! Phaꞌugu na kabru fara!” Mae kmagna na ne cheke eghu ka kaisei mae gloku, “Iagho hata mae sitei igne tei ka idogna na.”

Fapea Kings 4:21

Kate lehe thugna na, idogna na pala thinigna mae sitei na ne haghe ka nogna chogho mae Elisa na ne fathuru soru ka sape na, eigna mae Elisa dofini jare. Aonu naꞌa jifla kosi ne bobotho grengatha na.