Fapea Kings 4:2 - Buka Blahi Ka Cheke Holo

² Aonu mae Elisa nomhini cheke igne ne ghusna eghu ka naꞌa, “Faꞌunha eghu tangomana iara nate togho nigho iagho na? Cheke meini unha te au ka sugamu iagho na.” Naikno biꞌo igne ne cheke eghu, “Iara theo kaisei glepo, nu kaisei botol oliv oel ikoi kolho te au na.”

Fapea Kings 4:2 ပူးပေါင်းရင်းမြစ်များ

Ululahu Kings 17:12

Eghuteuna gaꞌase igne ne cheke eghu ka mana, “Thono kokhoni ghita fara! Ka nanghagna Lord nou God mae ihei te karha fabrahu te tifa te tifa, iara theo kaisei bret. Iara au kaisei kapu flaoa, nei katha oel eghu kolho. Iara mei hata katha gaju mala gahu katha gano tuana mala ghamu ghepa thugu. Tuana ngala leghu lahu gna ghemi gano ghepa na, jau ke leghu na ghepa ginauna lehe.”

Jemes 2:5

Kheraguro, fanomho fakeli ghotilo ia. God neke vahidi naikno te kuma igre mala biꞌo nodi fatutuani na ka mana. Eghuteuna mana jaola neke vahidi naikno igre mala tusu ranghidi u thofno nakarha na. Eghuteuna, mana neke eni igne naugna mana neke kulu nhaꞌa chekehi te mala namhadi naikno te kuma igre.

Fapea Kings 2:9

Ke leghu kate kasahi phiamare na, mae Elija ne cheke eghu ka mae Elisa, “Lord na la namo mei hati ghauhi iara, eghuteuna iara ginauna na tei koko nigho iagho gognaro na. Jame te au iagho kaisei glepo te magnahaghei ghau iara te kulu eni ranghi nigho na, te keli na iagho cheke ranghi ghau iara.” Eghuteuna mae profet Elisa ne cheke eghu, “Iara magnahaghei nigho iagho te tusu mei ka iara u nolaghi teke tusu ari God ka iagho teke edi iagho nogna gloku mae profet igre. Eghuteuna eni sagho ka iara u nafnata puhi te eni mae mama ka thugna ulu lahu na te tusu lao kmana glepo ka mana ra, mala tangomana iara te hata sapemu iagho na te mala eni nogna gloku mae profet na.”

Fapea Korin 6:10

Mare tangomana te fadiꞌa nagnafa ghami na, nu ghehati gleale'a fabrahu kolho. Ghehati kuma fara ka nauthoglu igne, nu ghehati toghodi kmana naikno mala dedei kligna. Ghehati theo kaisei nomi glepo ka nauthoglu igne, nu ghehati thofno khotodi glepo te gnafa te au kligna.

Mae Khuru 3:6

Nu mae Pita ne cheke eghu ka mana, “Iara theo sileni. Nu keha glepoi ngau te au ka iara na, tuana nate tusu ari iara ka iagho na. Te cheke nigho iara na, ka nanghagna mae Jisas Kraes gna Nasaret, kegra haghe, nonolo tafri!”

Matiu 15:34

Mae Jisas ne ghusna eghu ka mare, “Niha bret te au ka ghotilo na?” Mare ne cheke eghu ka mana, “Fitu bret nei keha sasa ikodi eghu.”

Fapea Kings 4:3

Aonu mae Elisa ne cheke eghu ka naꞌa, “Iagho tei filodi iheire te au rhemu iagho ra, eghuteuna iagho tore kmana khune botol ka mare mala kulu hata ghu.

Eksodas 4:2

Aonu Lord ne ghusna eghu ka Moses, “Unha site loku teu iagho ana ia?” Eghuteuna Moses ne cheke eghu, “Kaisei khodo.”