Fapea Kings 4:16 - Buka Blahi Ka Cheke Holo

¹⁶ Eghuteuna mae Elisa ne cheke eghu ka naꞌa, “Jateula gognarogne teu ka finogha te mei gne, iagho ginauna au kaisei thumu nalhaꞌu.” Nu naikno biꞌo igne ne cheke eghu, “Mae biꞌo! Iagho mae nogna mae gloku God, thosei chaghi ghau iara!”

Fapea Kings 4:16 ပူးပေါင်းရင်းမြစ်များ

Jenesis 18:10

Lord na, mana kaisei mae ka thilo mae igre. Mana ne cheke eghu ka mae Ebraham, “Iara nake pulo mei ka iagho ka nhigra jateula gognaro gne eghu ka finogha te mei gne, ka narane tuana khetomu iagho Sera gne ginauna au kaisei thugna nalhaꞌu.” Kate cheke eghu mana igne, Sera ne fanomho neu ke leghugna mana ka grengathagna suga tapuale na.

Luku 1:13

Eghuteuna, engel na ne cheke eghu ka mana, “Sekaraea, thosei mhaghu. God na nomhinihi nou tharai iagho re te mala au thumu na. Nu khetomu iagho Elisabet na ginauna na au kaisei thugna nalhaꞌu. Iagho na kiloi nanghagna na mae Jone.

Fapea Kings 4:28

Aonu naikno biꞌo igne ne tanhi ne cheke eghu, “Funei, ka chekemu iagho kolho, God neke tusu mei sua igne ka iara. Iara neke theome toreni ka iagho. Nu iara neke cheke eghu ka iagho, ‘Thosei chaghi ghau iara.’ ”

Jenesis 17:21

Nu iara ginauna na eni nogu nhaꞌa cheke na ka mae Isak thugna Sera nate karha mei ka finogha te fufunu gognaro gne.”

Fapea Kings 2:19

Mae Elisa au neu Jeriko, eghuteuna naiknogna namono na mei ne cheke eghu ka mana, “Profet, iagho laseni, namono igne kaisei famane namono biꞌo, nu khoꞌu igne nga te diꞌa na eghu. Eghuteuna gano na theome karha ka glose ghehati igne.”

Ululahu Kings 17:18

Aonu idogna na ne cheke eghu ka mae Elija, “Iagho nogna mae gloku God, naugna unha site eni iagho ka iara gnea? Jau iagho mei agne mala ke ghathodi iara nakhibogu gre, mala faleheni thugu iara gne!”

Ululahu Kings 18:9

Mae Obadaea ne cheke eghu, “Mae biꞌo, naugna unha sagho te magnahaghei lisa lao ghau iara ka khamegna mae Ehab gnea, mala falehe ghau iara? Iara neke theome eni kaisei glepo te diꞌa!

Fapea Kings 4:15

Mae Elisa ne cheke eghu ka mae Gehasi, “Chekeni naꞌa mei.” Aonu mae Gehasi tei ne cheke ka naꞌa, eghuteuna naꞌa mei ne kegra ka grengatha na.

Fapea Kings 4:17

Nu naikno biꞌo igne ginauna na bukla, eghuteuna ka nhigra tuanala ka finogha ke leghu na, naꞌa ne karha kaisei thugna nalhaꞌu jateula teke chekeni mae Elisa na neu.

Ululahu Kings 17:24

Aonu naikno biꞌo igne ne cheke eghu ka mae Elija, “Tutuani fara, iara gognaro na lase nigho iagho kaisei nogna mae gloku God. Eghuteuna unha te chekeni iagho na thofno mei funugna ka Lord!”