Fapea Kings 3:3 - Buka Blahi Ka Cheke Holo

³ Neuba, mana leghuni puhigna King Jeroboam, thugna Nebat te diꞌa tifa ia neke batudi naiknodi Israel ka nakhibo.

Fapea Kings 3:3 ပူးပေါင်းရင်းမြစ်များ

Ululahu Kings 14:16

Lord ginauna lisa koko ghita, naugna King Jereboam ne tapla jafra ka nakhibo, eghuteuna mana batudi naiknore mala jaola tapla jafra tahati ka nakhibo.”

Fapea Kings 17:22

Mare leghuni puhigna mae Jeroboam te diꞌa na ne edi fabrahu puhi te diꞌa te edi mana re,

Fapea Kings 15:18

Nu mana jaola neke theome keli ka tathagna Lord. Naugna ka narane te king mana te ghilei thokeni narane glehe gna na, mana leghuni puhigna King Jeroboam, thugna mae Nebat te diꞌa fara tifa ia, eigna mana neke batudi naiknodi Israel re ka nakhibo.

Fapea Kings 15:9

Mae Sekaraea jateula mae kuꞌegna tifa ra neu ne edila unha te theome doglo ka tathagna Lord. Mana ne leghuni puhigna King Jeroboam thugna mae Nebat te diꞌa ia, eigna mana tifa na neke batudi naiknodi Israel re ka nakhibo.

Fapea Kings 14:24

Mae Jeroboam theome keli ka tathagna Lord na, naugna mana ne leghuni puhigna King Jeroboam, thugna mae Nebat tifa ia, eigna mana neke batudi naiknodi Israel re ka nakhibo.

Fapea Kings 13:11

Nu mae Jehoas neke jateula King Jeroboam teke diꞌa puhigna na ka tathagna Lord na, eigna mana neke batudi naiknodi Israel re ka nakhibo.

Fapea Kings 13:6

Nu puhi te diꞌa teke batudi mae Jeroboam naiknodi Israel re igne theome gnafa ka mare, eghuteuna mumuju gna god gaꞌase Asera igne au ngala jare Samaria.

Fapea Kings 13:2

Mae king igne jaola ne theome keli ka tathagna Lord na, eghuteuna mana batudi naiknodi Israel ka nakhibo. Mana theome ke tughu puhigna te diꞌa na jateula King Jeroboam thugna mae Nebat tifa ia neu.

Ululahu Kings 16:31

Ehab loku jateula Jeroboam eghu, nu mana diꞌa fara salaꞌuni mae King Jeroboam, naugna mana tolaghi ka Jesebel thugna mae Et-Baal, king gna Saedon, eghuteuna mana ne funu tarai ka god Baal.

Ululahu Kings 15:34

Mana jaola ne leghuni puhigna King Jeroboam te thono diꞌa fara na. Mana ne tapla jafra ka nakhibo ka tathagna Lord, eghuteuna mana jaola batudi naikno di Israel ka nakhibo.

Ululahu Kings 15:26

King Nadab jateula kmagna neu ne leghuni puhi te diꞌa na ne batudi naiknodi Israel ka puhi nakhibo.

Ululahu Kings 14:9

Nakhibo te edi iagho re biꞌo fara salaꞌudi nakhibo teke edi naiknodi Israel tifa ra. Iagho figri tagru ghau iara, eghuteuna iagho horo phei god ka mumuju buluka nalhaꞌudi ka gol mala tarai tagna. Ka puhi igre te thono diꞌatagu fara iara na.

Ululahu Kings 13:33

Neuba glepo igre ne thoke mei ngau, nu King Jeroboam theome tughu puhigna te diꞌa na. Mana vahidi thua nafnata mae ngala te mala pris te mala loku ka vido blahi na. Ihei te magnahaghei pris na, Jeroboam faꞌuveni ngala.

Fapea Kings 17:21

Ke leghugna te fotadi Lord Israel ghe Juda gre na, naiknodi Israel gre ne vahini mae Jeroboam, thugna mae Nebat igne te mala nodi king na. Mae Jeroboam lhotidi naiknore ka Lord, eghuteuna batudi ka nakhibo te thono diꞌa fara tulao.

Fapea Kings 17:23

ghilei leghu lahu na, Lord ne theome magnahaghedi te mei rhegnai re jateula teke chekedi nogna mae gloku mana hatimare mae profet ra. Aonu armi gna Asiria igne mei ne hata fajifladi ka nodi namono re mala tei au Asiria ka namono aheva te khaba fara, eghuteuna mare au ka kantri igne ghilei mei posa ka narane gognarogne.

Fapea Kings 21:16

King Manase jaola ne aknu falehe kmana naikno fara, aonu dadaradi naikno te theo kaisei nakhibodi igre ne fodu ka namono Jerusalem. Nu jaola, mana neke batudi naiknodi Juda igre neke edi glepo te diꞌa ka tathagna Lord.

Fapea Kings 23:15

King Josia tei ne paꞌe soru vido blahi nei olta eghu teke edi King Jeroboam, thugna mae Nebat, Betel tifa, eghuteuna mae Jeroboam neke batudi naiknodi Israel ka nakhibo. Mae Josia ne gnubra soru vido blahi igre ne vuhai nakrofu. Eghuteuna mana jaola ne gnubra mumuju gna god gaꞌase Asera jare.