Fapea Kings 3:27 - Buka Blahi Ka Cheke Holo

²⁷ Aonu king gna Moab igne ne hata mae thugna teke kulu karha mala ke king tughuni teku na, ne aknu faleheni mana ke kligna bara thina gna namono biꞌo na. Mana ne gahu mae thugna na ne fafara ka nodi god na. Mae Israel gre filoni igne ne mhaghu nodi fara. Aonu mare jifla ka namono igne neke figri ka nodi kantri na.

Fapea Kings 3:27 ပူးပေါင်းရင်းမြစ်များ

Profet Maeka 6:7

Jame tusu lao kmana thogha sipu tahati ka mana. Ba? Mana ginauna tangomana te glealeꞌa na? Ba jame atha mei kmana oliv oel tahati ka mana. Ba? Mana ginauna tangomana te glealeꞌa na? Jame aknu falehe tahati thuda teke kulu karha re mala tusu lao ka mana. Ba? Fafara tuana tangomana te folidi nakhiboda tahati re? Thono theo fara!

Diutronomi 12:31

Ghotilo thosei leghudi puhidi mare re kate pogho soruni ghotilo Lord nomi God. Naugna kate pogho soru mare ka nodi god re, mare edi glepo te thono diꞌa fara te tirognadi fara Lord. Ghotilo laseni, mare gahu thudire mala fafara ka nodi god re.

Jajis 11:31

eghuteuna kate pulo mei iara na, iara baubahu mala tusu ari ka iagho ihei te kulu jifla mei te thafo ghau iara na. Iara ginauna gahu jateula fafara eghu ka iagho.”

Profet Emos 2:1

Lord ne cheke eghu, “Kmana fata naiknogna kantri Moab tapla jafra ka nakhibo. Mare theome gnafa katha vido ikoi ka puhi igne. Thono theo fara. Mare theome ghatho tahuni king gna Idom. Aonu mare hata fajifla nhubragnare ka bekugna na ne gnubra ka khaꞌaghi ne ghilei vuhai nakrofu. Eghume, iara ginauna roꞌeni kantri Moab.

Profet Esikiel 16:20

“ ‘Iagho aknu falehe thugu nalhaꞌu nei thugu gaꞌase teu iara teke karha ka iagho ra, eghuteuna iagho neke fafara lao jateula gano neku ka mumuju. Theome keli te jateula thau vine teu iagho te tirou ghauhi iara na!

Jajis 11:39

Ke leghugna te gnafa phei nhigra igre, naꞌa neke pulo ka kmagna na. Mana ne eni unha teke nhaꞌa chekeni ka Lord. Aonu gaꞌase igne ne theome tolaghi nei au thugna neu ne ghilei lehe.

Jenesis 22:13

Aonu mae Ebraham ne filo tafri ne filoni kaisei sipu nalhaꞌu gna te khale teu hona gnana ka gaju ikoi na. Aonu mae Ebraham tei ne hata sipu igne ne falelehe ne gahu ne fafara tongana ka God. Eghume u sipu igne ne lehe tughuni mae Isak.

Jenesis 22:2

Aonu God ne cheke eghu ka mana, “Iagho au kaisei mae thumu nalhaꞌu kolho, mae Isak, mae ihei iagho te namhani fara, hata mae sitei igne tei ka nohi Moriah. Iara ginauna na falalase ka iagho kaisei thogele jare. Ka thogele igne te mala falelehe iagho mae thumu Isak gne te mala gahu re mala fafara ka iara na.”

Ululahu Kings 20:28

Aonu mae profet tei ne cheke eghu ka King Ehab, “Igne unha te chekeni Lord na: ‘Te ghathoni mae soldia di Siria igre na, iara gne God gna thogele kolho, theome God gna sare. Eghume, neuba mare ne kmana fara, iara ginauna snakre ari ka khamemu iagho armi biꞌo igne. Eghuteuna iagho ginauna laseni te Iara Lord.’ ”

Ululahu Kings 20:13

Nu ka narane tuana la, kaisei mae profet ne tei ka King Ehab ne cheke eghu ka mana, “Lord ne cheke eghu, ‘Nogna soldia King Ben-Hadad igre kmana fara, nu iagho thosei nanga nou eghu. Naugna gognarona ghotilo ginauna uludi mare, eghume ghotilo ginauna lase ghau iara Lord.’ ”

Ululahu Kings 20:43

Aonu king gna Israel igne neke pulo Samaria diꞌatagna balu diꞌanagnafa.

Fapea Kings 3:26

Kate filoni King Mesa gna Moab te theome nheta hila na, mana ne hata fitu gobi soldia te lase magra ka naflahi ne jifla ne tei magra rhegna mae king gna Idom, nu soldia di Moab faꞌiho te jifla te tei na.