Fapea Kings 3:23 - Buka Blahi Ka Cheke Holo

²³ Aonu mare ne cheke eghu, “Tore, dadara! Jauna thilo mae king nei nodi mae soldia teu ra jame magra fari falehei fari thedi kolho! Tahati na ari ka nodi suga tapuale mare are mala hata nodi gobigna lepo mare ra!”

Fapea Kings 3:23 ပူးပေါင်းရင်းမြစ်များ

Profet Isaia 10:14

Kantri te gnafa ka nauthoglu na igre jateula kaisei gnoku nanghaji eghu. Eghuteuna iara hatahi nodi dedei mare igre, jateula te tei iara te hata nakredigna nanghaji igne, nu idogna na theome eha ba mei kathi ghau iara teu ra eghu kolho.”

Fapea Kronikols 20:25

Aonu, King Jehosafat baludi nogna soldia manare tei ne hata nodi gobigna lepo mae te lehe igre. Mare hata kmana buluka, kmana glepo mala magra, kmana pohe, nei keha famane glepo. Mare pulei glepo ka vido igne nabagna thilo narane. Mare theome tangomana te hata fateo gobigna lepore, naugna kmana fara.

Fapea Kings 7:6

Naugna Lord neke snakredi maedi Siria gre neke nomhini kaisei naogla te jateula naogla gna armi biꞌo balu hose nei chariot teu igne. Aonu mare ne cheke eghu fari thedi, “King gna Israel gne, mana jame neke folidi mae Hit nei king gna Ijep mala mei magri ghita tahati!”

Eksodas 15:9

Nou naoka iagho na fahaehaghe ne cheke eghu, ‘Ghehati ginau na ngolhi leghudi mala tei lokidi. Eghuteuna ghehati ginau na atha nodi dedei mare re mala tufa ka vikemi re. Ghehati ginau na falehedi ka naflahi biꞌo mala atha unha teke magnahaghedi ghehati ka mare re!’

Fapea Kings 3:22

Nu hamerane boibongi ka keha narane na, mare dofra haghe ne filoni khoꞌu na ne ukru jateula dadara neu heva heva kate agha naprai na.

Fapea Kings 3:24

Nu kate mei mae soldiadi Moab gre ka vido te au teu mae Israel igre na, mae soldia di Israel igre tei ne magra ka mare ne ngolhi fapulodi ka kantri Moab. Eghuteuna soldiadi Israel igre ne tei ke leghudi ne aknu falehe kmana soldia ka mare.