Fapea Kings 3:13 - Buka Blahi Ka Cheke Holo

¹³ Mae Elisa filoni mae King Joram gna Israel igne ne cheke eghu, “Naugna unha sagho te mei ka iara gnea? Tei sagho filodi nodi profet idomu ghe kmamu ra!” Nu mae king gna Israel igne ne cheke eghu, “Theo. Lord na jame lisa lao ghamihi ghetilo ka khame gna king gna Moab.”

Fapea Kings 3:13 ပူးပေါင်းရင်းမြစ်များ

Ululahu Kings 22:6

Aonu mae king Ehab ne kilo meidi fati gobi profet. Eghuteuna mana ne ghusna eghu ka mae profet igre, “Ba, iara tangomana te tei magra ka king gna Siria jare Ramot-Gilead, ba theo?” Hatimare ne cheke eghu ka mana, “Uve king, tei sagho. Noda Lord ginauna togho nigho mala uluni iagho magra na!”

Ululahu Kings 18:19

Gognarona iagho kilo meidi naikno di Israel ra mala mei thafo ghau iara ka Thogele Kamel. Eghuteuna iagho hata mei fati gobi glimafulu profet nogna Baal ra baludi fati gobi profet nogna Astarot te reireghi Kuin Jesebel ra.”

Fapea Kings 3:10

Aonu King Joram ne cheke eghu, “Phiamae! Thofno kahi ghita fara! Lord gognarona lisa lao ghitahi ka khame gna king gna Moab!”

Fapea Korin 6:15

Kraes na theome tangomana te kaisei gaoghatho balugna mae Satan. Eghuteuna ihei te fatutuani na theome tangomana te kaisei gaoghatho balugna mae ihei te theome fatutuani na.

Fapea Korin 5:16

Eghume gognaro na ghehati theome fateni kaisei naikno leghuni nogna gaoghatho naiknogna nauthoglu gne. Tifa na ghehati neke fateni Kraes leghuni nogna gaoghatho naikno na, naugna ghehati gaoghathomi na ne khogla naikno kolho mana eghu. Nu gognaro na ghehati theome eni tuana.

Jone 2:4

Mae Jisas ne cheke eghu ka idogna na, “Ido, thosei cheke ka iara unha te mala eni gognarona, naugna nogu narane iara te mala fatakleni nogna nolaghi God na theome thoke mei ngau.”

Matiu 8:29

Phiamare ne filo teini mae Jisas ne eha eghu ka mana, “Thugna God, mei mala faꞌunha ghami ghehati sagho ia? Ba, mei mala para ghami ghehati ame thokei mei nga narane teke kulu lilisei God te mala fate ghami ghehati na neku sagho ia?”

Profet Hosia 6:1

Naiknore na cheke eghu, “Tahati nake figri ka Lord. Eigna mana ne snakre mei ka tahati fogra biꞌo igne mala thoke ghita tahati, nu mana tangomana te fagnafani fogra ka tahati. Mana kolho teke nhaꞌa mei thubu igne, nu mana tangomana na teke fakeli ghita tahati na.

Proveb 1:28

“Ka narane igne ghotilo ginauna kilo ghau iara mala togho ghami, nu iara ginauna na theome mei. Eghuteuna ghotilo ginauna fariuriu mala deni ghau iara, nu ghotilo ginauna theome filo ghau iara.

Thoutonu Eigna Rut 1:15

Aonu Naomi ne cheke eghu ka Rut, “Filo sagho, kheramu gaꞌase ia keli figri hila ka kheragna nei nogna god eghu te pogho soruni naꞌa Moab na. Eghume, jame te keli na iagho ke figri balugna.”

Jajis 10:14

Tei si ghotilo tanhi ka keha god te tarai ghotilo tadi are. Toredi mala fakarhi ghami kate thoke mei puhi biꞌo ka ghotilo na!”

Ululahu Kings 17:18

Aonu idogna na ne cheke eghu ka mae Elija, “Iagho nogna mae gloku God, naugna unha site eni iagho ka iara gnea? Jau iagho mei agne mala ke ghathodi iara nakhibogu gre, mala faleheni thugu iara gne!”

Fapea Kings 3:12

King Jehosafat nomhini igne ne cheke eghu, “Uve, mae Elisa gne kaisei nogna mae profet tutuani Lord.” Aonu thilo mae king igre tei ne filoni mae Elisa.

Profet Jeremaea 37:19

Nu aheva si nou mae profet iagho teke chekeni mae king gna Babilonia balu nogna armi na ginauna theome mei magra ka noda kantri tahati igne teku gnea?