Fapea Kings 25:9 - Buka Blahi Ka Cheke Holo

⁹ Mana ne gnubra nogna Sugablahi Lord na, balugna nogna suga biꞌo king na, nei suga te gnafa Jerusalem. Mana goigoni fahui suga te ulu ke lamnagna namono biꞌo igne.

Fapea Kings 25:9 ပူးပေါင်းရင်းမြစ်များ

Profet Emos 2:5

Iara ginauna koko soru khaꞌaghi ka kantri Juda mala nhako suga te rheta ka namono biꞌo Jerusalem.” Igne chekegna Lord.

Profet Maeka 3:12

Naugna puhimi ghotilo te diꞌa igre, Lord ginauna atha mei nomi naoka ghotilo ra mala goigoni namono biꞌo Jerusalem. Mare ginauna eni namono biꞌo tuana mala jateula tothoghei thina gna suga eghu. Ka Thogele blahi Saion aheva te au nogna Sugablahi Lord, mare ginauna eni vido tuana mala jateula vido mala nagare eghu kolho. Eghuteuna thogele igne ginauna thafru ka namhata biꞌo.

Nodi Khoje Hatimare Mae Jiu 79:1

God, naikno bongihehe igre la ruma mei hila ka kantri mala nomi ghehati teku iagho igne. Uve, mare la mei goigonihila nou Sugablahi iagho gne, eghuteuna mare la fadidiꞌa hila namono biꞌo Jerusalem.

Fapea Kronikols 36:19

Aonu mare ne gnubra nogna Sugablahi God na, balugna nogna suga biꞌo king na, nei keha suga Jerusalem, nei jaola famane glepo te gnafa re. Mare jaola ne paꞌe soru gringni biꞌogna namono Jerusalem te bara te ligoho ka thina na.

Ululahu Kings 9:8

Eghuteuna Sugablahi igne ginauna na jateula kaisei bukrei thina eghu kolho. Aonu naikno te liu jare na ginauna rhana nodi, nei jaglo nodi eghu fara. Aonu mare na cheke eghu, ‘Naugna unha si Lord te goigoni ni namono igne balugna Sugablahi ignea?’

Profet Jeremaea 52:13

Mana ne gnubra ka khaꞌaghi nogna Sugablahi Lord na, nogna suga biꞌo king na, nei suga te gnafa Jerusalem. Mana gnubra ne hui suga ulu te gnafa ka namono na.

Profet Jeremaea 37:10

Neuba ghotilo ne uluni armi gna Babilonia te mei magra ka ghotilo igne, keha mae te fnera ka mare thuru karha neu ka nodi suga tapualere igre ginauna kegra haghe mei gnubra namono igne baludi gobigna lepo te au ke lamnagna.”

Profet Jeremaea 37:8

Eghuteuna armi gna Babilonia igne ginauna nake figri mei ka namono igne mala magra ka ghotilo. Mare ginauna na ulu ghami ghotilo, eghuteuna mare ginauna gnubra fahui ka khaꞌaghi gobigna lepo fateote'o re, eghuteuna theo kaisei glepo nate au na ka namono igne.’

Profet Jeremaea 34:22

Nu iara ginauna na tusu lao vetula ka armi gna Babilonia mala ke pulo mei Jerusalem. Mare ginauna mei magra ka ghotilo, eghuteuna mare na ulu ghami ghotilo, mare na gnubra gobigna lepo ka namono igne. Iara ginauna goigoni ni namono Juda mala theome tangomana kaisei naikno te au tagna na.” Igne cheke gna Lord.

Lamentations 2:7

Mana tirognani nogna olta na, ne lisani nogna vido blahi na. Mana snakredi mae naoka re mala mei paꞌe soru gringni thinagna Sugablahi igne. Tifa na naiknore neke eha fabiꞌo mala glealeꞌa ka narane biꞌo ra. Jaola mae naoka eha fabiꞌo, naugna mare ne uluni namono na.

Lamentations 1:10

Mae bongihehe teke chekedi Lord mala thosei tei ruma lamna Sugablahi teku igre, Jerusalem ne filodi mare te tei ruma lamna Sugablahi na, eghuteuna mare blau glepo blahire.

Profet Jeremaea 39:8

Ka narane tuana, maedi Babilonia igre ne gnubra nogna suga king na baludi nodi suga naiknore, eghuteuna mare jaola ne paꞌe soru gringni gna namono na.

Profet Jeremaea 26:9

Ba, ne keli eghu sagho cheke te diꞌa te edi iagho ka nanghagna Lord ignea? Eigna iagho theome tangomana te chekeni Sugablahi igne ginauna groꞌe jateula namono biꞌo Saelo tifa ia teuna. Iagho jaola theome naba te chekeni namono biꞌo igne ginauna groꞌe teuna, ba na theo kaisei naikno nate au na teuna!” Aonu naiknore ne kafe mei khapru faligohoni mae Jeremaea ke lamnagna nogna Sugablahi Lord na.

Profet Jeremaea 7:14

Tutuani, iara neke vahini suga igne mala tufru soru ghau iara ghotilo. Eghuteuna te ghathoni ghotilo na, suga igne ginauna togho ghami mala au fakeli. Nu te cheke fadoglo arini iara ka ghotilo na, iara ginauna na roꞌe soru suga igne jateula teke eni iara Saelo tifa ia eghu. Eghuteuna iara ginauna na jaola goigoni glose teke tusu ari iara ka mae kuꞌemi ghotilo ra.

Profet Jeremaea 17:27

Nu jame te theome leghu ghau nei tiromi tajini teu ghotilo narane Sabat te blahi igne na, eghuteuna jame te pala ghotilo glepo te tahu te ruma Jerusalem ka narane igne na, iara ginauna kuru mei kaisei khaꞌaghi biꞌo mala gnhubra namono biꞌo Jerusalem baludi grengatha biꞌo nei vido mala poru, eghuteuna ginauna na theo kaisei naikno nate faleheni khaꞌaghi igne na.’ ”

Profet Jeremaea 41:5

nhanasalei mae mei funudi ka namono Sekem, Saelo, nei Samaria. Mare mei ne namo Mispa. Mare atha mei keha wit, nei insens mala fafara ka Sugablahi na. Mare ghoighori gremohodire nei rerheku nodi pohere, eghuteuna mare vaevahe thinidire, fagaglana gna nodi diꞌanagnafa na.

Profet Esikiel 16:41

Mare ginauna gnubra nou suga iagho re, eghuteuna iara ginauna para nigho iagho ke uludi tathadi keha gaꞌase te loku fodu mei. Iara ginauna lhoti nigho iagho mala thosei ke eni puhi vine na, eghuteuna iagho thosei ke folidi mae nalhaꞌu te thuru balumu re.

Profet Emos 6:11

Lord neke chekehi ka mare te mala paꞌe soru suga biꞌo nei suga ikodi teu igre.

Levitikas 26:31

Iara ginauna goigoni fahui nomi namono ghotilo are, eghuteuna paꞌe soru nomi vido blahi ghotilo are. Iara ginauna tirogudi sisiridi nomi fafara ghotilo are.

Levitikas 26:33

Iara ginauna kurudi nomi naoka ghotilo are mala ngolhi fajifla ghami ghotilo mala tei au tafri ka keha kantri delei. Eghuteuna ke leghu, mare ginauna goigoni fahui nomi namono ghotilo are ghilei krogha.

Ululahu Kings 9:7

iara ginauna na khi fajifla ghami ghotilo mala jifla ghotilo ka namono teke tusu ari iara ka ghotilo igne. Eghuteuna iara ginauna theome au ka Sugablahi teke fablahi iara mala pogho soruni nanghagu iara na teku igne. Eghuteuna naiknodi keha kantri are ginauna cheke fadiꞌa ghami nei maꞌe ghami eghu ghotilo naiknomi Israel.

Esra 5:12

Nu naugna kuꞌemi ghehati tifa ra neke eni God gna kligna na neke diꞌatagna, mana neke snakreni King Nebukadnesa gna Babilonia, maegna Kaldia igne neke mei mala ulu ghami ghehati. Mana mei neke paꞌe soru Sugablahi igne eghuteuna hata kuꞌemi ghehati ra mala tei au Babilonia.

Profet Isaia 64:9

Lord, thosei diꞌatamu fara ka ghehati. Ghehati nou naikno iagho! Iagho kokhoni ghami nei atha kokodi eghu nakhibomi gre.

Profet Jeremaea 34:2

Igne unha te chekeni Iara Lord nodi God mae Israel: “Iagho tei ka King Sedekaea mala cheke eghu ka mana, ‘Iara ginauna snakre lao namono igne ka king gna Babilonia mala gnubra mana.

Lamentations 5:18

Ghehati au diꞌanagnafa nei tanhi eghu fabrahu, naugna Thogele Saion na la vuhai namono nagou aheva khuma mata kolho te au jare na.

Profet Esikiel 10:2

Lord ne cheke eghu ka mae te pipichi ka famane pohe igne, “Iagho tei farihoteidi wil te au ke paridi engel are, eghuteuna hata keha sisibe brana ka khaꞌaghi ana mala koko tafri ke kligna namono.” Eghuteuna kate filo teu iara na, mana nolo ne tei farihoteidi wil igre.