Fapea Kings 25:7 - Buka Blahi Ka Cheke Holo

⁷ Mare filo neu mae Sedekaea ne aknu falehe thugna mana re. Eghuteuna mare ne bilo koko phei tathagna mae Sedekaea re, aonu mare ne haru phei khamegna manare ka chen hata ne tei Babilonia.

Fapea Kings 25:7 ပူးပေါင်းရင်းမြစ်များ

Profet Esikiel 7:27

King ginauna diꞌanagnafa tanhi, eghuteuna gaoghathodi mae mala baubatu ra ginauna thono diꞌa fara. Naiknore ginauna mhaghu dedede fara. Iara ginauna paradi mare eidi thua glepo te diꞌa teke edi mare ka keha naikno ra. “ ‘Aonu mare ginauna laseni te iara ngala Lord na.’ ”

Profet Jeremaea 34:3

Ka narane tuana iagho ginauna na theome tangomana nate rikha na. Mare ginauna atha nigho iagho tei mala snakre lao nigho ka mana. Iagho ginauna filo tathani mana, eghuteuna mana ginauna toutonu balumu iagho. Eghuteuna ke leghugna igne, mana ginauna huhuru nigho iagho mala tei Babilonia.

Profet Jeremaea 22:30

Lord ne cheke eghu, Ghotilo rioriso thoutonu eigna mae igne. Mae igne jateula mae te theo thugna ra eghu. Eghuteuna mana ginauna na theome eni kaisei glepo te keli ka nakarhagna na. Naugna theo kaisei ka vikegna mae igne nate ke tughuni mana mala teke gnokro ka nogna sape nafnakno mae king Devet te mala funei fruni ka kantri Juda.”

Nodi Khoje Hatimare Mae Jiu 149:8

Eghuteuna tahati ginauna mala haru ka chen nodi king nei nodi mae lida teu mare re.

Fapea Kronikols 36:6

King Nebukadnesa gna Babilonia haghe ne magra ka Jehoakim Jerusalem. Mana lokini Jehoakim ne haru ka chen hata ne tei ka namono biꞌo Babilonia.

Fapea Kronikols 33:11

Aonu Lord ne snakredi komandadi armi gna Asiria mala mei magra ka mare. Mare ne lokini Manase, ne fachakhi lao thagho ka nehugna mana na. Mare haruni mana chen teke horo ka bras, eghuteuna mare hatani mana ne tei Babilon.

Jajis 16:21

Aonu maedi Filistia igre mei ne lokini mana ne bilo koko phei tathagna mana re. Mare ne hata tei mana Gasa. Ka namono igne, mare ne haruni mana ka chen biꞌo teke horo ka bras, nei liseini mana ka suga sosolo. Eghuteuna nogna gloku mana na mala figri thina biꞌo mala ghorhu wit mala ei flaoa.

Diutronomi 28:34

Ghotilo ginauna na ghilei noli kate filodi ghotilo glepo te diꞌa te au faligoho ghami ghotilo re.

Jenesis 44:34

Jame te theome ke pulo balugu iara mae sitei igne na, iara gne theome naba teke pulo ka mae mama na. Iara theome magnahaghei te filoni mae mama te diꞌanagnafa na.”

Jenesis 21:16

Aonu naꞌa ne tei fakhaba katha vido ikoi jame nabagna kaisei gobi mita ne gnokro soru pari, ne cheke eghu ka gaoghathogna na, “Iara theome magnahaghei te filoni glehegna thugu na.” Aonu naꞌa gnokro neu jare ne funu tanhi.

Diutronomi 28:36

“Lord ginauna kuru fajifla ghami ghotilo balugna nomi king na, eghuteuna ghotilo ginauna tei ka keha kantri te khaba fara aheva ghotilo nei kuꞌemi ra eghu te theome tangomana laseni. Kate au teu ghotilo ka kantri tuana, mare ginauna huhuru ghami ghotilo mala tarai nei pogho soru eghu ka mumuju god teke horo kolho ka thaba nei thina.

Profet Jeremaea 38:23

“Khetomu nei thumu teu iaghore ginauna atha mae naoka mala lisa lao ka khamedi mae Babilonia. Eghuteuna iagho ginauna na jaola theome tangomana nate rikhadi mare na. King gna Babilonia ginauna loki nigho iagho, eghuteuna namono igne baludi gobigna lepo te au ke lamnagna igre ginauna gnhubra dofi lue'di.”

Profet Isaia 22:3

Nomi mae mala baubatu ghotilo ra neke rikha kolho ka magra. Neuba mare ne rikha, ne theome fada ka phaloho, ba theome magra neu, nu mae naokare neke lokidi mare kolho.

Profet Jeremaea 21:7

Kmana naikno ginauna lehe ka fogra igne, ka magra nei ka theo gano. Ke leghugna igne, iara ginauna snakreni mae King Nebukadnesa balu nogna armi mala atha mae Sedekaea balu nogna ofisa nei iheire teke theome lehe ka fogra igne. Mae Nebukadnesa balu armi gna Babilonia, mae iheire te naoka ka ghotilo maemi Israel. Mare ginauna theome kokhoni ghami nei na theome keli ranghi ghami eghu ghotilo, nu mare ginauna falehe ghami ghotilo hui ka naflahi.’ Igne chekegna Lord.

Profet Jeremaea 37:17

Keha narane ke leghudi igre, King Sedekaea ne fatei cheke ka mare mala atha fapuloni mae Jeremaea ka nogna suga na. Mana ne ghusna eghu ka mae Jeremaea, “Ba, Lord na cheke ranghi nigho iagho keha nonomho, ba theo?” Mae Jeremaea ne cheke eghu ka mana, “Uve! Lord neke cheke mei ka iara. Mare ginauna lisa lao nigho iagho ka khamedi mae Babilonia!”

Lamentations 2:9

Grengatha te gnafa ka namono biꞌo na ne khoko pari ne thafru ka glose, eghuteuna loki re ne klopa. King baludi nogna mae funei re, naoka hata tei au ka keha kantri delei, eghuteuna theo kaisei naikno teke farirhiudi naiknore nogna vetula God na. Eghuteuna Lord theome fakakhana mifi ka hatimare mae profet.

Profet Esikiel 12:11

Iagho mala cheke eghu ka mare, iara kaisei fagaglana ka ghotilo. Glepo teke edi iara ra ginauna thoke ka ghotilo Jerusalem ke leghu. “Mae naoka ginauna mei huhuru fajifla ghami ghotilo mala tei kokodi nomi namono re, mala tei au ka keha kantri delei.