Fapea Kings 25:5 - Buka Blahi Ka Cheke Holo

⁵ Nu hatimare mae soldia di Babilonia igre ngolho ne tei lokini King Sedekaea rhegna namono Jeriko, nu nogna soldia mana teke rikha balugna mana igre ne tei kokoni mana.

Fapea Kings 25:5 ပူးပေါင်းရင်းမြစ်များ

Profet Jeremaea 52:8

Nu mae soldia di Babilonia igre ngolho leghudi ne tei thokeni King Sedekaea ka glogu rhegna namono Jeriko, nu nogna soldia mae king igre ne rikha kokoni mana.

Profet Jeremaea 39:5

Nu armi gna Babilonia igne ngolhidi ne tei thokeni mae Sedekaea ka sare Jeriko. Mare lokini mana jare atha ne tei ka King Nebukadnesa, te au teu ka namono Ribla ka nohi Hamat. Jare King Nebukadnesa ne fateni mana.

Profet Jeremaea 24:8

“Nu King Sedekaea baludi nogna mae funei, nei naikno teu te au faleghu Jerusalem igre, ba iheire te rikha te tei au Ijep, nafnata naikno igre jateula sisi fig te boto te theome naba kaisei naikno nate ghamu ra eghu. Iara ginauna koko naikno igre, jateula mae te koko sisi fig te boto ra eghu.

Profet Isaia 30:16

Ghotilo ne keli neu eghu ka gaoghathomi re, naugna ghotilo rouronu ka hose te mala rikhadi nomi naokare. Nu te chekeni iara na, neubane rikha ghotilo, nodi hose mae naoka igre umhu fara salaꞌudi nomi hose ghotilore.

Fapea Kings 25:4

Aonu hatimare mae soldia di Babilonia igre ne paꞌe gringni gna namono na ne ruma lamna. Neuba mae soldia gre ne kegra ligohoni neu namono na, King Sedekaea baludi nogna soldiare ne fariuriu rikha bongiro ne jifla farihoteidi phei gringni thina ke leghugna nogna nagare king na rikha ne tei ka glogu rhegna Khoꞌu biꞌo Jordan.

Fapea Kings 25:6

Mare tathaleini mana ne tei ka King Nebukadnesa Ribla. King Nebukadnesa ne fateni mana jare.

Profet Jeremaea 21:7

Kmana naikno ginauna lehe ka fogra igne, ka magra nei ka theo gano. Ke leghugna igne, iara ginauna snakreni mae King Nebukadnesa balu nogna armi mala atha mae Sedekaea balu nogna ofisa nei iheire teke theome lehe ka fogra igne. Mae Nebukadnesa balu armi gna Babilonia, mae iheire te naoka ka ghotilo maemi Israel. Mare ginauna theome kokhoni ghami nei na theome keli ranghi ghami eghu ghotilo, nu mare ginauna falehe ghami ghotilo hui ka naflahi.’ Igne chekegna Lord.

Profet Jeremaea 34:3

Ka narane tuana iagho ginauna na theome tangomana nate rikha na. Mare ginauna atha nigho iagho tei mala snakre lao nigho ka mana. Iagho ginauna filo tathani mana, eghuteuna mana ginauna toutonu balumu iagho. Eghuteuna ke leghugna igne, mana ginauna huhuru nigho iagho mala tei Babilonia.

Lamentations 1:3

Mae naoka mei goigoni naiknodi Juda, eghuteuna hata fajifladi ka nodi namono na. Gognarona mare tei au ka keha kantri delei, aheva mare te theome tangomana te kiloi namono. Mae naoka lokidi mare, mala theome tangomana mare te rikha na.

Lamentations 1:6

Nafnakno biꞌogna Jerusalem ia la theo nafugnahi, gognarona ari la diꞌahi. Mae biꞌore jateula bosu te theome tangomana te dei ghedi ganora eghu. Mare glaꞌe soru theome tangomana te rikha na.

Profet Esikiel 12:14

Eghuteuna iara ginauna ngolhi teidi nogna mae biꞌo, nogna mae advaesa, nogna mae soldia teu mana re mala tei tafri kolho, eghuteuna mae naokare ginauna hirodi mare mala aknu falehedi.

Profet Esikiel 17:21

Mae naoka gre ginauna aknu falehe hui nogna soldia king gna Juda te rikha ka magra na. Eghuteuna mae iheire te karha nga teure, ginauna rikha tei au tafri ka keha vidoi. Ka narane tuana, ghotilo ginauna laseni iara Lord te cheke na.”

Profet Esikiel 19:1

Lord ne cheke eghu ka iara, “Kojeni kaisei khoje diꞌanagnafa eidi phei king di Juda, ne cheke eghu: