Fapea Kings 25:4 - Buka Blahi Ka Cheke Holo

⁴ Aonu hatimare mae soldia di Babilonia igre ne paꞌe gringni gna namono na ne ruma lamna. Neuba mae soldia gre ne kegra ligohoni neu namono na, King Sedekaea baludi nogna soldiare ne fariuriu rikha bongiro ne jifla farihoteidi phei gringni thina ke leghugna nogna nagare king na rikha ne tei ka glogu rhegna Khoꞌu biꞌo Jordan.

Fapea Kings 25:4 ပူးပေါင်းရင်းမြစ်များ

Profet Esikiel 33:21

Ka falima narane ka fabotho nhigra ka fabotho phei finogha funu ka narane te huhuru ghami mare te mei au Babilonia igne, kaisei mae rikha ne mei funugna Jerusalem, eghuteuna mana ne cheke eghu ka iara, “Mae naokare la ulunihi Jerusalem!”

Profet Esikiel 12:12

“Ka kaisei grafi, King Sedekaea ginauna hata nogna gloi na rikha jifla ka khora nate eni mare lamna ka baragna namono na, eghuteuna mana ginauna toku tafru tathagna foflogna re mala theome tangomana mana te filoni nogna namono na nolo ne tei.

Profet Jeremaea 5:10

“Iara cheke ranghi ghami ghotilo mae naokara te mala haghe goigonidi nodi nagare grep naikno igre. Nu thosei goigoni fahui eghu. Kato koko gregedi gaju grep te gnafa are, naugna grege tuare theome nogu iara.

Nehemaea 3:15

Mae Salum thugna mae Kolose, mae ihei te mae biꞌo ka nohi Mispa, mana neke babana fapulo Grengatha Glokha khoꞌu igne. Mana ghaghata ke kligna gna, eghuteuna famaku lao phei bobotho biꞌo, eghuteuna mare jaola lilisei aean biꞌo ka phei bobotho igre, eghuteuna mare jaola hata thaba biꞌo mala bibilakhi phei bobotho ka grengatha igne. Mana jaola babana fapulo gringni thina lithuini Kholo Siloa, rhegna nogna nagare king. Eghuteuna mana loku keha vido ka gringni thina te tei posani lada biꞌo te soru funu ka nogna namono biꞌo King Devet tifa.

Fapea Kings 25:5

Nu hatimare mae soldia di Babilonia igre ngolho ne tei lokini King Sedekaea rhegna namono Jeriko, nu nogna soldia mana teke rikha balugna mana igre ne tei kokoni mana.

Diutronomi 32:30

Ghathodi nogu ghusna iara gre. Faꞌunha eghu tangomana kaisei soldia kolho te uludi kaisei thogha mae ka magra na? Faꞌunha eghu tangomana phei soldia kolho te ngolhi teidi nabotho thogha mae ka magra na? Ghotilo mala filo glani tuana: Glepo igne na thoke mei naugna Lord nomi vido keli mala poru ghotilo naiknomi Israel igne tei koko ghami ghotilo.

Diutronomi 28:25

“Lord ginauna toghodi mae naoka re mala ulu ghami ghotilo. Neuba ghotilo ne mei fodu ne kaisei mala magridi mare, ghotilo ginauna rikha ka soasopai nabrou. Eghuteuna naikno ka nauthoglu igne ginauna ghatho ghami ghotilo na kaisei glepo diꞌa kolho.

Levitikas 26:36

“Iara ginauna famamhaghu ghami ghotilo iheire te au teu ka keha kantri ra mala thofno mhaghu nomi fara ghotilo. Neubane naogla gna kaisei khakla gnognofi te flalo ka nuri, ghotilo mhaghu na rikha. Eghuteuna ghotilo ginauna rikha jateula te ngolhi ghami mae naoka ra eghu, eghuteuna ghotilo ginauna tangomana te uka na, neubane theo kaisei naikno te ngolhi ghami ghotilo na. Eghuteuna ghotilo ginauna rikha na tothokei fari themi kolho, na uka tafri pari, eghuteuna ginauna theo nomi nolaghi te mala magridi nomi naoka re.

Levitikas 26:17

Iara ginauna figri tagru ghami ghotilo, eghuteuna nomi naoka ghotilo are ginauna ulu ghami ghotilo, eghuteuna iheire te susuku ghami ghotilo are ginauna funei fruni ghami ghotilo. Neubane theo kaisei naikno te ngolhi ghami ghotilo na, ghotilo ginauna rikha, naugna ghotilo ne thono mhaghu nomi fara!

Fapea Kronikols 32:5

Eghuteuna king neke horo fakeli bara thinagna namono biꞌo Jerusalem teke groꞌe na neke nanhaꞌa suga mala toetoe ke kligna gna. Eghuteuna ke kosigna bara thina igne, mare neke eni fapea bara thina na ne lithui ka namono igne. Eghuteuna mare ke jaola ke horo fakeli bara thina igne mala fafofodu glose ka vido te kiloi mare nogna Namono Biꞌo King Devet. Eghuteuna mana chekedi nogna mae glokure mala tarabana kmana glepo mala magra nei greoreo mala tafra jata.

Profet Jeremaea 4:17

Mare ginauna mei kegra faligohoni namono biꞌo Jerusalem jateula kaisei mae te reireghi nagare te bara te ligoho ra eghu. Nu mare na eni igne, naugna ghotilo naiknomi Jerusalem nei Juda teu igre ne figri tagru ghau iara.

Profet Jeremaea 4:29

Kate nomhidi naogladi mae soldia te saghe ka hose nei mae te pala jata teu igre, naiknore na jifla kokodi nodi namonore na kafe rikha. Kehare na tei poru mata, eghuteuna kehare na tei poru ka thogele ro. Aonu namono te gnafa igre na krogha na theo kaisei naikno te au jare na.

Profet Jeremaea 32:4

Eghuteuna ka narane igne, king Sedekaea ginauna theome tangomana te rikha na. Iara ginauna snakreni King Sedekaea ka khamedi mae Babilonia mala kegra ke ulugna King Nebukadnesa.

Profet Jeremaea 34:3

Ka narane tuana iagho ginauna na theome tangomana nate rikha na. Mare ginauna atha nigho iagho tei mala snakre lao nigho ka mana. Iagho ginauna filo tathani mana, eghuteuna mana ginauna toutonu balumu iagho. Eghuteuna ke leghugna igne, mana ginauna huhuru nigho iagho mala tei Babilonia.

Profet Jeremaea 38:18

Nu jame te theome lisa lao nigho iagho themu ka khamedi mae igre na, iara ginauna lisa lao namono igne ka khamedi mare mala gnubra. Eghuteuna iagho ginauna na theome tangomana te rikhadi mare na.’ ”

Profet Jeremaea 44:30

Igne unha te chekeni Lord eimi ghotilo na: ‘Iara ginauna snakreni King Hofa gna Ijep ka khamedi mae naoka te magnahaghei faleheni mana re, jateula teke snakreni iara King Sedekaea ka khame gna King Nebukadnesa teke faleheni mana ia eghu.’ ”

Lamentations 1:3

Mae naoka mei goigoni naiknodi Juda, eghuteuna hata fajifladi ka nodi namono na. Gognarona mare tei au ka keha kantri delei, aheva mare te theome tangomana te kiloi namono. Mae naoka lokidi mare, mala theome tangomana mare te rikha na.

Lamentations 1:6

Nafnakno biꞌogna Jerusalem ia la theo nafugnahi, gognarona ari la diꞌahi. Mae biꞌore jateula bosu te theome tangomana te dei ghedi ganora eghu. Mare glaꞌe soru theome tangomana te rikha na.

Profet Esikiel 12:4

Aonu, kate phae nga teuna, iagho kaikaliti nou gloi na mala filo nigho naiknore. Kate filo teu mare na, iagho eni kaisei khora ka gringni gna nou suga na, eghuteuna fei grafi na iagho hata nou gloi na jifla ka khora tuana. Iagho jifla jateula mae te huhuruni te tei ka keha kantri delei ra eghu. Naiknore na filo nigho kate tei iagho na.

Profet Esikiel 12:14

Eghuteuna iara ginauna ngolhi teidi nogna mae biꞌo, nogna mae advaesa, nogna mae soldia teu mana re mala tei tafri kolho, eghuteuna mae naokare ginauna hirodi mare mala aknu falehedi.

Profet Sekaraea 8:19

Mana ne cheke eghu, “Naiknodi Juda. Leuleghu finogha ka fafati nhigra, nei ka falima nhigra, nei ka fafitu nhigra, nei ka fabotho nhigra, ghotilo neke eni narane biꞌo te mala thosei ghamu ghotilo na. Nu gognaro na, nhigra igre, nhigra mala ei gaghamu biꞌo mala gleale'a ghotilo. Ghotilo magnahagheini fara te cheke kate tutuani nei mala au fodu fakeli.”

Profet Isaia 22:3

Nomi mae mala baubatu ghotilo ra neke rikha kolho ka magra. Neuba mare ne rikha, ne theome fada ka phaloho, ba theome magra neu, nu mae naokare neke lokidi mare kolho.