Fapea Kings 25:2 - Buka Blahi Ka Cheke Holo

² Jerusalem gne au ka khamedi mae Babilonia ne ghilei thokeni nabotho kaisei finogha te king mae Sedekaea.

Fapea Kings 25:2 ပူးပေါင်းရင်းမြစ်များ

Fapea Kings 25:1

Aonu, ka faheva finogha te king Sedekaea gna Juda igre, mae Nebukadnesa king gna Babilonia igne ne mei balu nogna armi ne magra Jerusalem. Mare mei ne au ke kosi Jerusalem, eghuteuna mare ne fafodu glose ne lithui ka baragna namono na mala tangomana mare te poru ke leghugna kate magra na.

Fapea Kings 25:3

Ka nabotho kaisei finogha te king mae Sedekaea, ka nabotho nhanai gna nigra Julae, naikno gna namono biꞌo igne ne kafe rofo, naugna la huihila gano na.

Profet Jeremaea 32:1

Ka fabotho finogha te king mae Sedekaea Juda igne, Lord neke cheke ka mae Jeremaea kate funei fruni King Nebukadnesa Babilonia nabagna nabotho nhana finogha.

Profet Jeremaea 52:5

Mare theome magnahagheni kaisei naikno te ruma ba te jifla ka namono na. Kate thokeni te nabotho kaisei finogha gna King Sedekaea, naikno te gnafa te au ka namono Jerusalem igre ne rofo fara, naugna gano na la nhighohi te mala ghamu na.

Diutronomi 28:52

Naoka igre ginauna mei magra ka nomi namono biꞌo ghotilo are, eghuteuna mare ginauna paꞌe soru gringnidi namono aheva te rouronudi ghotilo na reireghi ghami ka glose aheva Lord teke tusu ari ka ghotilo teku are.

Fapea Kings 24:10

Ka narane te king mana igre, nogna armi King Nebukadnesa gna Babilonia igne haghe snura ne magra Jerusalem.