Fapea Kings 25:18 - Buka Blahi Ka Cheke Holo

¹⁸ Mae Nebusaradan komanda gna nogna armi King Nebukadnesa king gna Babilonia igne ne hata ne tei balugna ka sosolo mae pris biꞌo Seraia ghe mae pris Sefanaea, mae mala toghoni mae pris biꞌo, baludi thilo mae biꞌogna nogna Sugablahi Lord.

Fapea Kings 25:18 ပူးပေါင်းရင်းမြစ်များ

Profet Jeremaea 21:1

Lord ne tusu lao nogna cheke na ka mae Jeremaea. Ka narane igne mae King Sedekaea ne kurudi mae Pasur thugna mae Malkaeja ghe mae pris Sefanaea thugna mae Masea mala tei toutonu phei mae igre gaoghathogna na ka mae Jeremaea. Phei mae igre ne cheke eghu ka mana,

Esra 7:1

Kmana finogha salaꞌu ke leghudi igre, King Atasekses neke funei fruni Pesia. Ka narane tuare, kaisei pris nanghagna na Esra. Mana karha mei ka vikegna mae pris biꞌo ululahu gna Israel. Vike igne eghu agne: Esra, Seraea, Asaraea, Hilkaea, Salum, Sadok, Ahitub, Amaraea, Asaraea, Meraeot, Serahaea, Usi, Buki, Abisua, Finehas, Eleasa, Eron mae ihei teke kulu mae pris biꞌo na.

Ululahu Kronikols 6:14

Mae Asaraea gne neke kmagna mae Seraea, eghuteuna mae Seraea gne neke kmagna mae Jehosadak.

Profet Jeremaea 52:24

Nebusaradan mae ihei te komanda ka nogna armi king igne, mana ne lokidi mae pris ulu Seraea, ghe pris Sefanaea baludi thilo mae biꞌogna nogna Sugablahi Lord.

Profet Jeremaea 29:29

Mae pris Sefanaea atha letas igne ne tei iu'iju ka mae Jeremaea.

Fapea Kings 23:4

King ne kilo meini mae pris biꞌo Hilkaea baludi mae pris te mala toghoni mana, nei mae pris te mala reireghi gna Sugablahi na teu igre mala hata fadelei glepo teke edi mare maladi Baal ghe god gaꞌase Asera nei tothoghei nathunu ka maloa kligna. Mare leghuni unha te chekeni mana igne ne gnubra gobigna lepo igre ke kosi Jerusalem ka glogu Kidron. Eghuteuna mare hata nakrofudi glepo igre ne tei Betel.

Profet Jeremaea 20:1

Kate toutonu mae Jeremaea cheke igne, mae pris Pasur, thugna mae Ima igne kaisei mae biꞌo te mala reireghigna nogna Sugablahi Lord igne ne nomhidi nogna cheke mae Jeremaea igre.

Profet Jeremaea 21:7

Kmana naikno ginauna lehe ka fogra igne, ka magra nei ka theo gano. Ke leghugna igne, iara ginauna snakreni mae King Nebukadnesa balu nogna armi mala atha mae Sedekaea balu nogna ofisa nei iheire teke theome lehe ka fogra igne. Mae Nebukadnesa balu armi gna Babilonia, mae iheire te naoka ka ghotilo maemi Israel. Mare ginauna theome kokhoni ghami nei na theome keli ranghi ghami eghu ghotilo, nu mare ginauna falehe ghami ghotilo hui ka naflahi.’ Igne chekegna Lord.

Profet Jeremaea 34:21

“Iara ginauna na jaola lisa laoni King Sedekaea balu nogna mae ofisa ke pari gna nodi nolaghi mae naoka mae iheire te magnahaghei falehe ghami ghotilo. Nogna armi mae king gna Babilonia igne, mare jiflahi ka nomi namono ghotilo igne.

Profet Esikiel 11:7

“Naugna igne Lord ne cheke eghu: Tutuani, namono igne jateula kaisei suspen aean eghu. Nu unha nafnahi eghu nate au lamna na? Thinidi naikno te lehe igre ngala nafnahi te au lamna na. Eghuteuna iara ginauna ngolhi fajifla ghami ghotilo ka namono igne.

Profet Sekaraea 6:10

“Iagho hata namha teke tufa ka iagho mae Heldae, mae Tobaeja, nei mae Jedaea, eghuteuna iagho faghose tei ka sugagna mae Josaea, thugna mae Sefanaea. Thilo mae igre ao ngala ke pulo meinga funu Babilonia, vido aheva mae naoka teke huhurudi thilo mare te mala au tagna.