Fapea Kings 24:4 - Buka Blahi Ka Cheke Holo

⁴ Mana neke aknu falehe kmana naikno te theo nakhibodi igre Jerusalem, eghuteuna Lord na theome tangomana te hata fadelei nakhibo igre.

Fapea Kings 24:4 ပူးပေါင်းရင်းမြစ်များ

Fapea Kings 21:16

King Manase jaola ne aknu falehe kmana naikno fara, aonu dadaradi naikno te theo kaisei nakhibodi igre ne fodu ka namono Jerusalem. Nu jaola, mana neke batudi naiknodi Juda igre neke edi glepo te diꞌa ka tathagna Lord.

Profet Esikiel 33:25

Eghume iagho cheke eghu ka mare, ‘Lord God neke cheke eghu: Leuleghu fata na ghotilo ghamu nafnahi te au teu dadara tagna, ghotilo tarai ka mumuju, ghotilo magra fari themi, ghotilo falehe naikno. Eghuteuna ghotilo te gnafa na thuru fodu baludi khetodi kherami themi are. Ba, na snakreni iara glose igne mala khotogna themi eghu ghotilo gaoghathomi na? Ghotilo theo nomi nolaghi te mala khotogna glose igne.’

Lamentations 3:42

“Ghehati tapla jafra ka nakhibo, eghuteuna ghehati theome keli ranghi nigho, nu iagho theome koko fadeleidi la ngau nakhibomi ghehati gre.

Profet Jeremaea 19:4

Iara ginauna eni igne, naugna naiknogna namono igne figri tagru ghau iara ne goigoni namono igne. Mare neke atha mei nodi god keha kantri delei mala pogho soru tadi. Eghuteuna mare gahu gano neke fafara ka god igre. Naikno igre baludi mae kuꞌedi tifa ra, nei hatimare mae king di Juda jaola theome lasedi god igre. Namono igne fodu ka dadaradi naikno te doglo.

Profet Jeremaea 2:34

Ghotilo chaghidi naikno te kuma te theome eni kaisei najafra na. Eghuteuna mae te kuma igne ne theome ruma ne blau ka nomi sugare. Neuba, puhi te eni ghotilo igne jateula puhigna mae ihei te faleheni mae kheragna fofodu na ia eghu. Puhi te eni ghotilo ka naikno te kumare igne goigoni ghami fara ghotilo, jateula vido dadara te goigoni nomi pohe ghotilo ra eghu.

Nodi Khoje Hatimare Mae Jiu 106:38

Uve, mare neke falelehe neke fafara lao famane suare ka mumuju. Ka puhi igne nodi kantri mare na ne thono diꞌa fara ka tathagna God na.

Diutronomi 19:10

Ghotilo eni igne, naugna glahu mae ihei teke theome eni kaisei najafra na fiti lehe kolho naugna namono mala poru igre khaba fara. Jame mae te doglo na lehe ka glose teke tusu ari Lord nomi God mala khotogna ghotilo teku na, ghotilo nabami te papara ka glehegna mae igne.

Naba 35:33

“Ghotilo laseni hila, mae aknu poru na tangomana te goigonini nomi namono ghotilo na. Eghume ghotilo thosei lisadi keha mae are mala goigonini nomi namono ghotilo na. Ghotilo mala faleheni kolho mae te khuru falehe naikno fara tuana, mala ke keli nomi namono ghotilo na.

Fapea Kings 21:11

“Mae Manase king gna Juda igne mana edi glepo te thono diꞌa fara igre. Mana edi kmana nakhibo ke tulaodi naiknodi Amo tifa ra, mana fatutuanidi mumuju igre ne batudi naiknodi Juda ka nakhibo.

Fapea Kings 24:5

Keha glepo teke edi King Jehoiakim igre, mare neke rioriso soru ka Buka Eidi Glepo Teke Edi Hatimare Mae King Di Juda.

Profet Jeremaea 15:4

Eghuteuna kate ghathoni igne na, naiknogna nauthoglu igne ginauna mhaghu nodi fara. Iara ginauna edi glepo igre mala thokedi mare eidi puhi te diꞌa teke edi mae king Manase thugna mae King Hesekaea Jerusalem kani teke king mana Juda tifa ia.” Igne chekegna Lord.

Profet Jeremaea 22:17

Nu iagho King Jehoiakim, fariu riu mala atha glepo ka puhi te theome doglo. Leuleghu fata na, iagho falehedi iheire te theome eni kaisei glepo te diꞌa, iagho fakabru naikno, nei chaghi tafridi iheire te diꞌa.”

Profet Jeremaea 32:31

Kani teke funu eni gna mae kuꞌedi mae igre namono igne tifa na, iara neke diꞌatagu fara. Naugna igne te goigoni ni iara namono igne mala theome filoni iara.

Profet Esikiel 24:6

“ ‘Eghume Lord God ne cheke eghu: “ ‘Kokhoni ni fara namono igne! Puhi biꞌo ginauna thoke mei naugna namono igne ne fodu ka dadaradi mae iheire te aknu falehe mare ra. Namono igne jateula sospen te theome fagagae ra eghu, eghuteuna chara nafnahi luti ke lamnagna sospen igne. Kate kuki mare vido nafnahi igre ka sospen te fodu ka chara igne, mare mala hata koko vido te gnafa te au ka sospen tuana, eghuteuna mare theome nanga nodi unha te mala kulu koko na.

Diutronomi 29:19

“Iheire teke nomhini eigna nhaꞌa cheke igne, nu mana patu gama fara nei leghuni kolho fabrahu puhigna thegna na. Eghume puhi biꞌo igne ginauna goigonini mana nei naikno te gnafa Israel neubane naikno keli ba diꞌa, mare ginauna kafe lehe hui.

Fapea Kings 23:26

Neubane eghu ngau, Lord diꞌatagna fabrahu ka glepo te diꞌa teke edi King Manase ka naiknodi Juda tifa ra.

Profet Esikiel 22:3

Iagho cheke ka mare, igne unha te chekeni Lord God na: ‘Ghotilo naiknomi Jerusalem! Ghotilo aknu falehe kmana naikno eghuteuna ghotilo tarai ka mumuju teke sari themire, eghuteuna ghotilo fathona ghami themi ka tathagu iara.

Profet Esikiel 24:8

Nu iara filodi dadara igre, eghuteuna iara lisa laodi dadara igre mala au ke kligna glose te maku mala tangomana iara te diꞌatagu nei paradi teure.