Fapea Kings 24:2 - Buka Blahi Ka Cheke Holo

² Aonu Lord ne kuruni armi gna Babilonia, armi gna Siria, armi gna Moab nei armi gna Amon mala mei magra ka King Jehoiakim. Armi igre mei ne goigonini Juda leghuni nogna cheke Lord teke chekeni hatimare mae profet tifa ra.

Fapea Kings 24:2 ပူးပေါင်းရင်းမြစ်များ

Profet Jeremaea 35:11

Nu kate mei King Nebukadnesa gna Babilonia balu nogna armi te magra ke lamnagna kantri igne, ghehati rikhadi mare ne mei poru agne Jerusalem. Naugna igne te mei au teu ghehati ka namono igne.”

Fapea Kings 23:27

Aonu Lord ne cheke eghu, “Iara ginauna khi fajifla ghami ghotilo naiknomi Juda gre jateula teke khi fajifladi iara naiknodi Israel tifa ra eghu. Iara ginauna tiroguni Sugablahi nei namono biꞌo Jerusalem teke vavahi iara igne. Iara neke cheke eghu eigna Sugablahi igne, ‘Jare te mala pogho soruni Nanghagu iara na.’ ”

Profet Esikiel 19:8

Ke leghu na, keha kantri re ne kafe mei heva heva mala magra ka mana. Mare lilisei fangna mala fanograni mana, mala khale mana ka phighoro igne.

Profet Jeremaea 32:28

Eghume, igne unha te chekeni iara Lord na: Iara ginauna snakre lao namono biꞌo Jerusalem ka King Nebukadnesa balugna nogna armi gna Babilonia mala atha mare.

Profet Jeremaea 25:9

iara ginauna kilo meidi kantri ke raru are. Eghuteuna iara ginauna na jaola kiloni mae Nebukadnesa mae king gna Babilonia, mala mei roꞌeni Juda baludi namono te gnafa te au faligohoni namono tuana. Iara ginauna na roꞌeni kantri igne mala krogha fabrahu. Eghuteuna naikno te gnafa te mei salaꞌu ka vido igne ginauna jaglo nodi balu mhaghu, nei cheke fadiꞌadi eigna unha te eni mare na.

Fapea Kings 20:17

Hesekaea, ginauna na thoke mei kaisei narane te mala mei armi gna Babilonia te hata fahui gobigna lepo teke tathaji teku kuꞌemu iagho tifa ke lamnagna nou suga na te ghilei thoke mei ka narane gognarogne. Naiknodi Babilonia ginauna mei hata tei gobigna lepo tuare ka nodi namono re. Eghuteuna ginauna na theo kaisei glepo nate au na.

Fapea Kings 6:23

Aonu king gna Israel ne eni kaisei gaghamu biꞌo maladi mare. Kate gnafa gaghamu biꞌo igne, mana neke kuru fapulodi ka nodi king na. Soldia di Siria igre ne au kmu katha vido kmoꞌei neke theome mei magra ka naiknodi Israel.

Profet Maeka 3:12

Naugna puhimi ghotilo te diꞌa igre, Lord ginauna atha mei nomi naoka ghotilo ra mala goigoni namono biꞌo Jerusalem. Mare ginauna eni namono biꞌo tuana mala jateula tothoghei thina gna suga eghu. Ka Thogele blahi Saion aheva te au nogna Sugablahi Lord, mare ginauna eni vido tuana mala jateula vido mala nagare eghu kolho. Eghuteuna thogele igne ginauna thafru ka namhata biꞌo.

Profet Jeremaea 26:20

Tifa na kaisei mae nanghagna na mae Iuraea, mana neke toutonu ka nanghagna Lord. Mae Iuraea igne neke thugna mae Semaea, maegna ka namono Kiriat-Jaerim. Mana jaola neke cheke tibrini namono igne nei kantri igne jateula te eni mae profet Jeremaea igne neku.

Profet Jeremaea 26:6

Jame te tiromi leghudi ghotilo nogu cheke iara re, iara ginauna goigoni Sugablahi igne, jateula teke eni iara ka namono biꞌo Saelo tifa ia eghu. Eghuteuna kate eni iara igne, naikno te gnafa ka nauthoglu igne ginauna cheke fadiꞌani nanghagna namono Jerusalem.’ ”

Profet Isaia 13:5

Mae soldia igre mei funudi ka kaisei kantri te au khaba fara. Eghuteuna naugna te thono diꞌatagna fara na, mana ginauna snakredi mae naokare mala mei roꞌeni nomi kantri ghotilo igne.

Profet Isaia 7:17

Naugna te tirouni iagho Lord na, Lord ginauna hata mei kaisei puhi biꞌo te thono diꞌa fara ka tharaknamu nei vikemu teu iagho igre. Puhi biꞌo igne ginauna thono diꞌa fara salaꞌudi narane teke fnota pea Israel ghe Juda tifa ra. Lord ginauna chekeni king mala hata mei armi gna Asiria mala magra ka iagho.”

Thoutonu Eigna Mae Job 1:17

Eghuteuna kate cheke teu mana na, keha mae gloku na mei ne cheke eghu, “Funei! Keha maedi Kaldia edi thilo tothoghei ne mei magra ka ghehati. Mare aknu falehe nou mae gloku iagho ra, nei hata nou kamel iagho ra. Iara thegu kolho rikha te mei cheke ka iagho na.”

Fapea Kronikols 33:11

Aonu Lord ne snakredi komandadi armi gna Asiria mala mei magra ka mare. Mare ne lokini Manase, ne fachakhi lao thagho ka nehugna mana na. Mare haruni mana chen teke horo ka bras, eghuteuna mare hatani mana ne tei Babilon.

Profet Isaia 28:19

Bongi narane na puhi biꞌo igne ginauna thoke ghami ghotilo ka namono igne.” Iheire naikno te lase fakelini gaoghathogna nogna cheke Lord igne, ginauna mhaghu nodi fara.

Profet Jeremaea 12:9

Nogu glose iara na gognarona jateula nodi namono khuma mata eghu, aheva nanghaji biꞌo te flalo falithui te mala ghamu glepo te glepo te lehe re. Ghotilo tei! Kilo meidi glepo te tautagu te gnafa ka namhata na are mala mei ghamu ghedi!

Profet Jeremaea 25:1

Ka fafati finoghagna mae Jehoiakim, thugna mae Josaea te king Juda tuare, Lord ne cheke ka mae Jeremaea eidi naiknodi Juda. Igne finogha ulu lahu te king mae Nebukadnesa ka kantri Babilonia.

Profet Jeremaea 52:28

Nabadi naikno te atha te tei mae Nebukadnesa Babilonia igre eghu agne: Ka fafitu finogha te King mae Nebukadnesa Babilonia igne, thilo thogha varadaki thilo naiknodi Juda ne tei.

Lamentations 1:17

Jerusalem tore thotogho, nu theo kaisei te au te mala toghoni naꞌa na. Lord ne cheke ka naikno te au faligohoni Jerusalem igre mala nogna naoka naꞌa, eghuteuna te ghathoni mare na Saion gne glepo theo nafugna kolho.

Profet Habaku 1:6

Iara ginauna tusu lao nolaghi ka naiknodi Babilonia, iheire te glalama nei iheire te diꞌa puhidire. Maedi Babilonia igre tei ka namono te gnafa ka nauthoglu igne mala hata nodi namono keha naiknore.

Fapea Kings 22:16

‘Igne unha te chekeni Lord na. Iara ginauna goigoni ni Jerusalem, eghuteuna paradi naikno te au ka namono tuana, jateula gobigna lepo te rioriso soru ka buka te nomhidi king gna Juda igre eghu.