Fapea Kings 24:14 - Buka Blahi Ka Cheke Holo

¹⁴ Eghuteuna King Nebukadnesa ne hata naikno te gnafa Jerusalem, baludi mae biꞌo, mae komanda, mae iheire te lase loku ka aean ba thaba. Khaputudi naikno igre thokeni nabotho thogha. Naikno te kuma re kolho te au fapulo ka kantri Juda.

Fapea Kings 24:14 ပူးပေါင်းရင်းမြစ်များ

Profet Jeremaea 52:28

Nabadi naikno te atha te tei mae Nebukadnesa Babilonia igre eghu agne: Ka fafitu finogha te King mae Nebukadnesa Babilonia igne, thilo thogha varadaki thilo naiknodi Juda ne tei.

Fapea Kings 25:12

Nu komanda Nebusaradan snakredi keha naikno te kuma re mala au faleghu Juda mala loku ka nagare grep nei ka thobi.

Fapea Kings 24:16

Mana jaola ne hata fitu thogha soldia nei kaisei thogha mae te lase loku ka aean nei thaba.

Profet Jeremaea 52:16

Nu mae Nebusaradan ne lisei faleghu iheire te tharuma'eidi naiknore mala loku nei tobi nagare grep eghu.

Profet Jeremaea 40:7

King gna Babilonia igne ne vahini mae Gedalaea, thugna mae Ahikam mala gavana gna Juda. Eghuteuna mana mala jaola reireghidi nalhaꞌu nei gaꞌase nei goro sua eghu te kuma fara teke theome atha teke tei mare Babilonia. Keha mae soldiadi Juda baludi hatimare nodi mae ofisa teke au faleghu teku igre ne nomhini eigna mae Gedalaea.

Profet Jeremaea 39:10

Nu mae komanda Nebusaradan ne lisa faleghu naikno te kuma te theome khotogna kaisei glepo igre. Nu ka narane tuana, mana ne tusu ranghidi nagare grep nei vido glose.

Profet Esikiel 17:14

King gna Babilonia igne ne cheke eghu, jame king gna Juda theome leghuni nhaꞌa cheke igne te kegra heta ka nogna kantri thegna na, eghuteuna magnahaghei magra Babilonia teuna, king gna Babilonia ginauna goigonidi mae biꞌo re.

Profet Jeremaea 29:2

Mana rioriso letas igne keha narane ke leghugna te mei mae Babilonia igre Jerusalem te athadi King Jehoiakin ghe idogna baludi nogna mae biꞌo, nei mae mala baubatu ka namono biꞌo Jerusalem, nei mae mala baubatu ka keha namono ka kantri Juda, nei iheire te lase edi thua nafnata glepo te keli teu igre ne jifla Jerusalem.

Matiu 1:11

mae Josia na neke kuꞌegna mae Jekonia nei tahigna mana re; mare neke au nekeu kau narane teke sneka teke tei mae Israel re ka namono Babilon.

Matiu 1:12

Ke leghugna te tei sosolo Babilon na mae Jekonia neke kmagna mae Sieltiel; mae Sieltiel na neke kmagna mae Serubabel;

Matiu 1:17

Aonu, phagusu teke funu ka mae Ebraham te posa ka mae King Devet na jame nabagna nabotho fati phagusu. Eghuteuna teke funu ka mae Devet te posa ka narane teke sneka teke tei mare Babilon na keha nabotho fati phagusu. Eghuteuna teke funu jare te posa ka teke karhagna mae Kraes na keha nabotho fati phagusu.

Diutronomi 28:36

“Lord ginauna kuru fajifla ghami ghotilo balugna nomi king na, eghuteuna ghotilo ginauna tei ka keha kantri te khaba fara aheva ghotilo nei kuꞌemi ra eghu te theome tangomana laseni. Kate au teu ghotilo ka kantri tuana, mare ginauna huhuru ghami ghotilo mala tarai nei pogho soru eghu ka mumuju god teke horo kolho ka thaba nei thina.

Ululahu Samuel 13:19

Ka narane tuare, maedi Filistia gre theome snakreni kaisei maegna Israel te lase horo gobigna lepo ka aean. Mare eni igne glahu horo naflahi ba jata eghu mala magra mare.

Esra 2:1

Igre nanghadi naikno teke sosolo mala teke jifla ka provins igne Babilonia mala ke figri ka nodi namono Jerusalem nei keha namono ka provins Juda. Mare neke au sosolo Babilonia funu ka narane teke haghe nogna armi Nebukadnesa na neke hata fajifladi ka nodi namono re neke tei au Babilonia.

Nogna Buka Esta 2:6

Tifa na mae King Nebukadnesa neke hata king Jehoakin maegna ka kantri Juda neke tei sosolo ka kantri Babilonia. Eghuteuna mana jaola neke hata mae Modikae neke tei balugna.

Profet Isaia 3:2

Mana ginauna jaola hata fadelei mae funeidi armi baludi mae te graju ka magra nei hatimare mae soldia, goro mae biꞌo ka gavman, mae mala fate, mae profet nei mae mala batuni king ka gaoghatho te keli, hatimare mae kastom baludi mae glalase, nei mae iheire te lase edi glepo te keli.

Ululahu Kronikols 9:1

Igre nanghadi hatimare mae Israel te gnafa teke rioriso mare ka buka eidi hatimare mae King di Israel.

Nehemaea 1:2

Mae Hanani kaisei mae thabusigu iara baludi keha naiknodi Juda mare mei ne posa ka namono igne. Iara neke ghusna ka mare eidi naiknodi Juda teke au faleghu teku ka narane teke mei mae naoka gre teke hata teke tei naiknore Babilonia ra. Eghuteuna iara jaola ne ghusna eigna namono Jerusalem.

Profet Jeremaea 28:4

Iara ginauna na jaola ke atha fapuloni King Jehoiakin, thugna king Jehoiakim, baludi naikno teke atha teke tei mare Babilonia ra. Iara ginauna kina lopi nogna nolaghi king gna Babilonia, jateula mae te atha koko vido thaba ka grara gna buluka na ia eghu. Igne chekegna Lord.’ ”

Profet Esikiel 17:3

Iagho cheke ka mare iara Lord God te chekeni igne: Kaisei gaghata te thono biꞌo biꞌo fara na, flalo ne mei ke kligna Thogele Lebanon. Phei baghi gnare thono rheta fara, eghuteuna khakla gnare thono brahu fara eghuteuna au kmana famane nafnata kala tagna, eghuteuna naꞌa tei ne kato phaꞌugna kaisei gaju te kiloni sida.