Fapea Kings 24:12 - Buka Blahi Ka Cheke Holo

¹² King Jehoiakin ghe idogna, nogna mae gloku, nogna komanda, nei nogna mae biꞌo teure ne kafe lisa laodi thedi ka khamedi mae Babilonia. Ka fahana finogha te king Nebukadnesa Babilonia igne, mana hata King Jehoiakin ne tei sosolo Babilonia.

Fapea Kings 24:12 ပူးပေါင်းရင်းမြစ်များ

Profet Jeremaea 52:28

Nabadi naikno te atha te tei mae Nebukadnesa Babilonia igre eghu agne: Ka fafitu finogha te King mae Nebukadnesa Babilonia igne, thilo thogha varadaki thilo naiknodi Juda ne tei.

Profet Jeremaea 24:1

King Nebukadnesa atha King Jehoiakin, thugna king Jehoiakim baludi mae biꞌo nei mae glalase teudi Juda igre ne tei Babilonia. Ke leghugna igne, Lord ne falalase ka iara kaisei mifi. Ka mifi igne iara ne filodi phei kharaꞌo te fodu ka sisi fig. Phei kharaꞌo igre au ke ulugna nogna Sugablahi Lord na.

Fapea Kronikols 36:10

Kate gnafadi narane te reka nei nakhete teu igre, King Nebukadnesa chekedi nogna soldia re mala hata soruni Jehoakin Babilonia. Eghuteuna mare jaola hata tei glepo blahi gna nogna Sugablahi Lord. Aonu mana hata Sedekaea nebugna King Jehoakin mala king gna Juda Jerusalem.

Fapea Kings 25:27

Ke lamnadi tolufulu fitu finogha te au teu King Jehoiakin ka suga sosolo Babilonia igre, King Evil-Merodak ne kegra king gna Babilonia. Eghuteuna ka finogha tuanala, ka fabotho pea nhigra, ka varadaki fitu narane gna na, mae king igne ne hata fajiflani King Jehoiakin ka suga sosolo, ne snakre teini.

Profet Esikiel 17:12

“Iagho na ghusna eghu ka naikno te tirodi ghau iara ra, ‘Ba, ghotilo laseni gaoghathogna cheke naba igne ba theo?’ Uve, igne gaoghathogna u cheke naba igne na. King gna kantri Babilonia neke mei Jerusalem, eghuteuna mana hata nomi king ghotilo ia baludi nogna mae biꞌo mana ra mala tei sosolo Babilonia.

Profet Jeremaea 25:1

Ka fafati finoghagna mae Jehoiakim, thugna mae Josaea te king Juda tuare, Lord ne cheke ka mae Jeremaea eidi naiknodi Juda. Igne finogha ulu lahu te king mae Nebukadnesa ka kantri Babilonia.

Profet Jeremaea 52:31

Tolufulu fitu finogha te au teu mae King Jehoeakin ka sosolo Babilonia igne, mae Evil-Merodak ne king gna Babilonia. Ka favaradaki glima narane gna fabotho phei nhigra ka finogha gna mana igne, mae king ne atha fajiflani mae King Jehoeakin ka sosolo, eghuteuna snakreni mala snagla tei mana.

Diutronomi 28:36

“Lord ginauna kuru fajifla ghami ghotilo balugna nomi king na, eghuteuna ghotilo ginauna tei ka keha kantri te khaba fara aheva ghotilo nei kuꞌemi ra eghu te theome tangomana laseni. Kate au teu ghotilo ka kantri tuana, mare ginauna huhuru ghami ghotilo mala tarai nei pogho soru eghu ka mumuju god teke horo kolho ka thaba nei thina.

Fapea Kings 20:18

Mare ginauna hata tei keha mae sitei nate karha mei ka vikemu iagho are mala loku ka suga gna king gna Babilonia.

Fapea Kings 24:11

King Nebukadnesa thegna jaola ne mei ka narane te hata nogna armi na namono biꞌo igne.

Profet Jeremaea 13:18

Aonu Lord ne cheke eghu ka iara, “Iagho tei cheke eghu ka mae king ghe idogna, ‘Ghopa thosei gnokro ka nomi sape nafnakno re, naugna nomi khepi nafnakno ghopa re la theo nafudihi, eghuteuna ghopa theome tangomana te funei fruni ni kantri igne gognarona.’ ”

Profet Jeremaea 36:30

Aonu, Lord ne cheke eghu eigna mae Jehoiakim king gna Juda: Ginauna na theo kaisei ka mae te karha mei ka vikegna mana igre nate atha sapegna King Devet tifa ia te mala funei frunidi nogu naikno iara igre. Kate lehe mae Jehoiakim na, mare ginauna koko fakosi thini gna mana na farihotei glalaba. Eghuteuna naprai, nakhete bongiro eghu ginauna soru mei ka mana.

Profet Jeremaea 37:1

Nebukadnesa king gna Babilonia igne ne vahini mae Sedekaea, thugna King Josaea mala king gna Juda.

Profet Jeremaea 52:12

Ka fabotho nheva finogha te king mae Nebukadnesa Babilonia, ka fabotho narane gna falima nhigra gna mana igne, mae Nebusaradan mae ihei te mae komanda biꞌo ka nogna armi king igne, mana ne haghe Jerusalem.

Profet Esikiel 1:2

Aonu, glima finogha ke leghugna te hata mare King Jehoeakin te jifla kokoni nogna kantri na te tei au Babilonia igne, iara au neu ka geri Khoꞌu Keba. Eghuteuna ka falima narane ka nhigra tuana, Lord ne chekeni nogna cheke na ka iara, eghuteuna mana ne habo ghau iara ka nogna nolaghi na.

Profet Esikiel 19:1

Lord ne cheke eghu ka iara, “Kojeni kaisei khoje diꞌanagnafa eidi phei king di Juda, ne cheke eghu:

Profet Esikiel 19:13

Gognarona mare joꞌu gaju grep igne ke lamna namono nagou, ka vido aheva te theo kaisei khoꞌu.

Fapea Kings 25:8

Ka fabotho nheva finogha te king Nebukadnesa Babilonia, ka falima nhigra, ka fabotho narane gna nhigra igre, Nebusaradan mae komanda gna nogna armi king igne ne mei posa Jerusalem.

Nogna Buka Esta 2:5

Aonu kaisei maegna Juda te au ka namono biꞌo Susa. Nanghagna na, mae Modikae thugna mae Jaea, thugna mae Simei, thugna mae Kis vikegna mae Benjamin.

Nogna Buka Esta 2:6

Tifa na mae King Nebukadnesa neke hata king Jehoakin maegna ka kantri Juda neke tei sosolo ka kantri Babilonia. Eghuteuna mana jaola neke hata mae Modikae neke tei balugna.

Profet Isaia 24:6

Naugna igne, hoholo biꞌo ginauna thokeni nauthoglu igne. Eghuteuna naikno ka nauthoglu igne na au papara eigna nodi najafra fateote'o. Eghuteuna ginauna na theome kmana ka mare nate au teu ka nauthoglu igne.

Profet Esikiel 17:4

Aonu naꞌa pala grege gaju kligna igne ne tei ka nodi kantri mae te loku ka bisnis igre ne joꞌu ke lamnagna nodi namono mare na.